MİSSİYAMIZ
Dünya Azərbaycanlı Alimlər Birliyi dünyanın müxtəlif ölkələrində yaşayan Azərbaycanlı ziyalıların birliyi kimi fəaliyyət göstərən qeyri-hökumət təşkilatı olaraq elm və texnologiya, energetika, təhsil, səhiyyə, sosial elmlər və mədəniyyət sahələri ilə bağlı strateji planların hazırlanması və icra olunmasında Azərbaycana dəstək verir.
DƏYƏRLƏRİMİZ
AKADEMİK AZADLIQ, AKADEMİK ETİKA, DÜRÜSTLÜK, FƏRQLİLİKLƏRƏ HÖRMƏT, KEYFİYYƏT, MƏSULİYYƏT, MÜKƏMMƏLLİK, LƏYAQƏT, ŞƏFFAFLIQ
VİZYONUMUZ
Dünya Azərbaycanlı Alimlər Birliyi elmi biliklərin inkişaf etdirilməsi, innovasiyaların təşviqi, Azərbaycanda və dünya çapında fərq yarada biləcək alimlərin, mühəndislərin, incəsənət xadimlərinin, səhiyyə işçilərinin yetişdirilməsinə yönəlmiş fəaliyyətində mükəmməlliyi ilə tanınan beynəlxalq bir qurum olmaq niyyətindədir. Biz Azərbaycanın dünya miqyasında zəngin və dərin tarixə malik, bəşəriyyət üçün firavan və dinc gələcək yaratmaq uğrunda böyük sərmayə yatırmış sülhsevər bir dövlət kimi tanınması və qəbul edilməsini istəyirik. Dünya Azərbaycanın qlobal arenada iştirakından faydalanacaq və öz növbəsində Azərbaycan da beynəlxalq təcrübədən yararlanaraq gələcək nəsillər üçün daha güclü dövlət qurmağa davam edəcək.