• Data: Abenduak 16, ostirala

• Ordutegia: 9:30 - 12:00.

• Lekua: Tolosako Kultur Etxea. Ikastetxetik kultur etxera joan etorria Araziko hezitzaileen laguntzarekin egingo da.

Ariketa honen bitartez eguneroko bizitzan ditugun emozioei erreparatu eta mapa batean islatuko ditugu. Horretarako, Tolosako mapa eskainiko zaie, emotikonoak diseinatzeko gometxekin batera. Esaterako, mapan jolas parkea islatuko da eta haurrek parkean dituzten emozioak gometx batean marraztu beharko dituzte eta sortutako emotikonoa mapan itsatsi. 

Mapa honetan hainbat elementu eskainiko dira: natur gunea, kotxez beteriko errepidea, mota ezberdinetako etxebizitzak, pasadizo iluna, jolas parkea, etab. Modu berean elementu berriak marrazteko aukera izango dute “emozioen mapa” eraikiz.

Jarraian, etorkizunera begira jarriko gara eta Tolosan irudikatzen ditugun elementuak marraztuko ditugu, beti ere, emozioen ikuspuntua jarraituz. Horrela, ariketa errepikatuko dute baina kasu honetan “desioen mapa” eraikiko dute, herrirako proposatzen dituzten hobekuntzak zehaztuz.

Jolas honetarako ez da materialik behar, haurrak mugitzeko espazio zabala eta musika entzuteko aukera nahikoa da. Bolumen ertaineko edo baxuko musika erabiliko da. Haurrei espazio osoan ibiltzeko eskatzen zaie, eta azkar, poliki, 4 hankatan, karramarroak bezala, etab. egin ahal izango dute. Jarduera laguntzeko musika jartzen da eta hezitzaileak adierazten duenean, musika gelditu egingo da, eta honako hau esango du: «1, 2, 3 pozik». Era berean, 1, 2, 3 haserre esan dezake (1, 2, 3 triste, etab). Haurrak dira geldirik egon behar dutenak (estatuak), hezitzaileak lehenago esan duen emozioa imitatuz. Musika berriro entzuten denean, haurrak berriro mugitu ahal izango dira, jolasa berriro hasita.