• Data: Urtarrilak 20, ostirala

• Ordutegia: 9:30 - 12:00.

• Lekua: Tolosako Kultur Etxea. Ikastetxetik kultur etxera joan etorria Araziko hezitzaileen laguntzarekin egingo da.

Ariketa honen helburuak heriotzak sortzen dizkigun sentimenduen inguruan hausnartzea, sentimenduak argi eta garbi adieraztea eta partekatzea eta beldur horiek bideratzea izango dira. Hezitzaileak pertsona baten forma duen silueta bat prestatuko du, eta horman zintzilikatuko du. Ikasleei horientzat heriotza zer den pentsatzeko eskatuko zaie, eta pentsatzeko zer sentitzen duten fisikoki edo psikologikoki hura bizitzean. Ondoren, post-it batean idatzi behar dute, pentsatzen dutena ozen azaldu, eta siluetan itsatsi heriotzak sentiarazten dietena sentitzen duten leku zehatza (urdaila, gluteoak, eskuak...). Denon arteak esperientziak partekatu ahalko dituzte eta hezitzaileek zalantzekin lagundu. 

Jolas honetan maila ezberdinak edukiko ditugu: 1) Flopi-Flopi, 2) MusaMusa, 3) Monkey-Monkey, 4) Lion-Lion eta 5) Shark. Partaide bakoitzaren helburua azkeneko maila gainditzea izango da, hau da, Shark maila gainditzea. Horretarako, partaideek elkarren aurka “Harri, orri, ar” partida bat jokatu beharko dute puntu batera: irabazlea mailaz igoko da (adibidez, “Monkey-Monkey” “Lion-Lion” izatera pasako da), eta bestea mailaz jetsiko da “Monkey-Monkey “Musa-Musa” izatera pasako da). Kondizio bakarra dago, “Harri, orri, ar” egiteko, zure maila bereko pertsona baten aurka izan behar du, ezin da maila ezberdineko partaide baten aurka jolastu (adibidez, Musa-Musa batek beste Musa-Musa baten aurka soilik joka dezake). Shark maila iritsi eta beste Shark baten aurka irabaziz gero, partaide horrek jolasa gainditu duen arren, Flopi-Flopi izatera pasa daiteke berriz jolasteko, eta horrela gainditu ez duten beste partaideei beste aukera bat eskaintzen die.