Lupig Pa sa Koryan Drama

CHARACTERS

Danielle - a hopeless romantic in the window seat

Cassie - a workaholic realist in the middle seat

Ava - a dramatic, English-speaking socialite in the aisle seat

Lucy - a sweet flight attendant

 [TAKEOFF]

(White noise hums. Three passengers are seated in one row. Danielle fidgets excitedly by the window.)

DANIELLE:

(murmuring, clasping her hands together)

Ginoo ko, salamat jud sa tanan! Magkita na jud mi sa akong “pahulay” nga si Matthew. Dili si Matthew nga naa sa Bibliya nimo, Lord ha—si Matthew nga naghatag og kahayag sa akong kinabuhi. Ah! Matthew, magkita na gyud ta!

(She beams. Cassie side-eyes her but stays focused on her laptop, typing.)

DANIELLE:

Dai? Taga Dabaw sad ka, dai? 

CASSIE:

(without looking up)

Hmm.

DANIELLE

Mag-unsa kas Cebu—ay wait, taym sa, naa lang diay koy ipahambog. Naa kay uyab? Haha, kung wala, wa tika gisaway ha.

DANIELLE

(opens some candy while continuing to talk)

Naa koy loloves, half-american, gwapo, loyal—og palangga kaayo nako. One year nami ron—tas miskin online online lang gud mi ga-storya, ma feel gyud nako ang iyang paghigugma nako nga lupig pa atong mga Koryan drama Tagalog dub sa YouTube. Gipaadto jud ko niyas Cebu ron—tagna nako kay mag-propose na gyud sya nako ba. Naibog ka? Sorry daan, haha.

(AVA in the aisle seat looks up, catching the word "propose.”)

CASSIE:

(still without looking up)

Ah…

AVA:

(leans in, whispering loudly)

One year? Online romance and a proposal? Girl, if that's exactly it, then that’s not love at all… that’s WiFi poisoning!

DANIELLE:

(gasps)

Ekskyus me, abi nimog di ko kasabot kung mag iningles ka?! Naa kay uyab, ha? Naa ba kay uyab nga mas gwapo pa sakong uyab? Wala! Og wala ka kaila niya! Sya ang kahayag nga gihatag sa Ginoo sa akoa, ang taklob sa akong kaldero. Maong ayaw patakag istorya, nganong iyaha mang hiloan among Wifi? Di man sya buang.

AVA:

I think you're just misunderstanding something… but whatever makes you happy. 

(goes back to playing phone, then turns to Cassie).

How much do you wanna bet that they’ll break up?

DANIELLE:

Hoy unsay break up? Porket englis-englis. Parehas ra ta tao diria sa kalibutan, wa lang gyud kay uyab. (Looks at picture on phone to calm down)

AVA:

I’m just saying, girl… All men are the same.

DANIELLE:

Hilom bi, apil apil.

(turns to Cassie)

Te, kabalo ka nganong lupig pas Koryan drama among relasyon ni Matthew? Kay mura gyud kog katong mga bida nga babae ba—kanang pirmi gihagbas sa kalisud ug gipugus mahimong breadwinner. Abi nakog magpadayun gyud kog ing-ani ba—pero, kalit lang nig sulod si Matthew. Sus, sa sinugdan murag dili ko ganahan makipag istorya niya kay half-American half-European daw kuno. Kita ani? Half-tulog, half-gutom pirme. Syempre ma-intimidate gyud ko no! Pero pagkadugayan, hala, murag gi-sugba akong kasing-kasing. Sweet kaayo sya uy! Unya, taga lantaw nako sa iyang profile picture, jusko, makaingon nalang kog, “Ginoo, ka gwapo uy!”

CASSIE:

Di man gugma ang mupakaon sa imo, te. Maypag naningkamot nalang kag padayon para saimong kaugmaon kaysa mag gugma gugma ka dira.

DANIELLE:

Hmp. Porket work-work-work ka. Wa ka kasabot sa love.

CASSIE:

Ang love, ante, saket rana sa ulo. Ani nalang, ikapila na ka napalipay sa kilig? O, asay mas daghan, kana o kung kapila ka gigutom kay way kwarta.

DANIELLE:

Ambot nimo, boring kaykag kinabuhi.

CASSIE:

Mas maayo na ng boring ang kinabuhi, at least buhi. 

DANIELLE: 

Che.

 [TURBULENCE BEGINS]

(The plane jolts suddenly. Danielle squeals. Cassie steadies her laptop. Ava grips her armrest dramatically.)

DANIELLE:

Hoy jusko!

(The plane shakes again. Danielle shrieks, clasping her hands tighter, muttering prayers between squeals)

DANIELLE:

Lord, ayaw sa karon, Lord! Wala pa ko kakita sa akong Matthew! Magkita sa ming duha Lord, ay sa kog kuha karon, maluoy ka, Lord!

AVA:

(gripping armrest)

OMG are we gonna die na? I swear I felt the plane drop like three inches!

CASSIE:

(calm but irritated)

Relax mo bi. Air pockets lang na.

AVA:

Air pockets?! Sounds like something that kills people in movies!

DANIELLE:

(eyes still closed, clutching chest)

Mama Mary, tabangi mi! Lord, naghinulsol kos akong mga sala! Pramis di na ko mang-stalk sa ex ni Matthew sa Facebook!

CASSIE:

Naunsa mo oy. Huna-hunaa, turbulence, mura lang nig muagi sa dalan nga naay mga lubak. Mamatay ba diay ta ana? Mga yabag.

(The turbulence dies down.)

[AFTER THE SHAKING]

(Danielle slowly opens her eyes. Ava fixes her hair. Cassie goes back to her laptop.)

CASSIE:

O, awa lang, buhi pa ta, diba? Magtrabaho nako balik ha kay kung dili turbulence ang mupatay sa ako, akong boss nuon.

DANIELLE:

Huh, salamat Lord. Salamat! (turns to Cassie) Kalma ra kayka ba. Ako bitaw, grabe na kahadlok—pero… basin sign na diay ni no?

AVA:

Sign? A sign of trauma?

DANIELLE:

Di uy! Kamo ba ganiha ra mo ba. Akong pasabot kay sign nga, katong ingon gud nilas pisbok, “love will survive turbulence!”

(Cassie and Ava looks at Danielle, deadpan)

DANIELLE:

Huna-hunaa gyud ninyo bitaw. Gitagaan siguro kog pagsulay sa Ginoo karon para tistingan unsa ka lig-on amoang relasyon ni Matthew!

AVA:

Or maybe, He’s just warning you that your Matthew is a catfisher all along.

DANIELLE:

Unsa? Dili man iring o isda si Matthew, nabuang naka?

AVA:

(Sighs)

You know what, fine. Show us a picture. Let’s see the miracle man.

DANIELLE:

Ay ayaw ko ninyo testingi kay pogi kaayo ni akong lovelove. Taysa. (grinning proudly, pulling up a photo from her phone) Oh, kita mo ani niya? Gwapo kay no? Haha, uyab diay ko ni.

(Cassie and Ava lean in)

AVA:

…Girl. That’s Chris Evans.

DANIELLE:

Haha, tagna ko pa, muingon mo ana. Si Matthew ni. Kanawng lang gyud daw na niyang si Chris Evans (laughs). Di lang gyud siya gusto ug mga video call kay naa toy time naguba iyang cellphone, unya daan nasad tong laptop niya—naa gani toy adlaw nga wala sya nagdala og kwarta, ipaayo unta niya iyang cellphone, maygani naapay sulod akong GCash, gitransfer nako sa iya, pero wa gihapon naayo kay scammer man diay tong tig-ayo…

AVA:

(interrupts)

Are you being serious?

CASSIE:

Nag transfer kag kwarta?

DANIELLE:

Unsa diay problema ninyo ana? Misking dato ka, magubaan gihapon kag gadjit, uy! Murag gidautan ninyo si Matthew ba! Don't cover the book because it's judged! Si Matthew, tarong. Pag-abot lagi nako sa Cebu, tan-awa lang ninyo, mo trending gyud mi sa Facebook ba.

AVA:

Trending for a scam case?

DANIELLE:

Unsay ginapasabot nimo, ha? Diretsua nalang ko para di tika maatngan sa CR unya.

AVA:

How the fuck could a supposed half-American guy not even afford to buy a fucking gadget? Even a thousand peso phone’s camera today could do better than that guy’s!

CASSIE:

Aside atong gihatag nimong kwarta na pangpaayo sa iyahang cellphone, naa pa bay lain time na natagaan nimo syag kwarta?

(Danielle is silent.)

AVA:

OMG, don’t tell me… you’ve spent more money for a guy you haven’t even truly seen the face yet? I’m starting to see myself in you, goddamn. Men really are all alike.

(Danielle stays silent)

CASSIE:

Ikaw ang isa sa pinakatanga na babae na nakaila nako—-partida wa pa gani jud ko kaila nimo. Tinuod gyud diay ng mabugo kas gugma no.

DANIELLE:

Pero taga-adlaw man ko gina-update ni Matthew sa iyahang kinabuhi…

(Danielle goes silent. She scrolls through her phone anxiously, browsing Matthew's message.)

DANIELLE:

(reading)

“See you in Cebu, my queen. Don’t forget your passport, haha.” Di man siguro ni fake?

CASSIE:

Te, as a girl, gusto namo nga safe ka. Basin gusto nimo i-check kung tinuod gyud siya. Naay app ana—unsay tawag gani ato, reverse image search?

AVA:

(quickly typing on her phone)

Oh my God, I’m doing it. Uploading…searching…loading… Boom! Chris Evans official, verified Instagram page! (Shows phone to Danielle)

(Danielle freezes, staring blankly at the phone.)

DANIELLE:

(grabs Ava's phone and scrolls, hands trembling)

Kini! Kini! Kining picture nga nagsmile siya sa Starbucks! Gisend pud na niya sa akoa niaging buwan! Ingon pa siya “Been thinking about you a latte.” Gi-screenshot pa gyud nako to kay kilig kaayo. Gicaptionan pa nako og “My coffee, my Matthew.” (Laughs in disbelief)

DANIELLE:

Kani sad o! Nagsuot siyag blue nga jacket! Giingnan pa ko niya, “I wore your favorite color.” (laughs) Maskin di gud oy, fenk gud to akong peyborit pero...

(Danielle’s voice cracks.)

CASSIE:

(taking the phone from Diana)

Sorry, te. Fake gyud siya. Pero bitaw, huna-hunaa, taga U.S. siya, pero ikaw ang ipalupad pa Cebu?

DANIELLE:

…Ngano? Nganong nag-buta-buta man ko? Ako pa gyud ang nangutang sa akong ate para sa plete! Di ko katuo. Sa isa ka tuig, si Captain America akong uyab. Scammer ra diay ang taklob sa akoang kaldero…

CASSIE:

(placing a hand on her shoulder)

Maybe dili man siya ang taklob, pero ikaw gihapon ang kaldero…

DANIELLE:

Ha?

AVA:

Well.. love is blind..

and it blinded you to go to Cebu. Haha.

DANIELLE:

Makaabot lang ko sa Cebu, mokaon kog lechon, huna-hunaon nako si Matthew akong gikaon.

CASSIE:

Basta next time, te, kung mag uyab ka, make sure nga dili si Chris Evans ang profile pic ha.

DANIELLE:

…Dili diay tanan gwapo sa Facebook—tinuod (gazes out the window).

DANIELLE:

Bye, Matthew—or Chris Evans—or kung kinsa baka, sa kape nga walay tinuod nga init pero akong kasing-kasing, gipaso gyud… Salamat gihapon. Maski fake ka, tinuod akong gibati. 

(Lucy, the flight attendant, passes by)

LUCY:

Would any of you like something to drink?

DANIELLE:

Gai kog Emperador light.

LUCY:

Ay, bawal na siya sa plane, ma’am.

DANIELLE:

O, tagai kos inyong pinakaisog, palihug.

LUCY:

Hmm, then I'll try finding something that would match that, ma'am. I'll be back.

(With Danielle now staying silent, and the two other girls giving her time and space, the plane steadies as soft white noise hums again.)

[END]