Setting:

Sulod sa eroplano, biyahe padulong Manila

Characters:

KYLIE (Angela) – 28, single, kapoy na maghulat sa tinuod. Nagkatawa para dili halata ang kasakit.

MIGUEL (Kyzia) – 32, hilumon, matinahuron, kasado sa usa ka lalaki; nagdala og kahilum nga naay giapas nga kagahapon.

KENDALL (Ally) – flight attendant, composed, pero naay unspoken regret makit-an sa iyang mata. Ex ni Miguel.

CAPTAIN (Xergio) – piloto; kalmado, professional; uyamot ang tingog sa speakers.

I. STASIS — Ang Panimula

(Sa cabin, nanga-quiet ang tanan. Si KYLIE naglisod sa overhead bin. Lisod i-abri, iyang bag hapit mahulog.)

KYLIE: Hala, murag mas bug-at ko kaysa ani akong bag oy.

MIGUEL: (mitindog ug nitabang) Mao nang di gyud ka dapat magtinago-tago sa imong gibati. Mograbe ra ang bug-at.

KYLIE: (mukatawa) Uy, huwat, kadali pa. Drama lagi ka? Pero salamat ha. Cardio na sad nako.

(Nakalingkod sila. Nakurat si Kylie kay pareha silag row.)

KYLIE: Wow, parehas tag row. Murag sign ni.

MIGUEL: Sign nga parehas tag gi-igo sa promo fare.

(Nagkatawa sila. Pero kang Kylie, naay gamayng paglaum nga wala niya gi-show.)

II. INCITING INCIDENT — Ang Sugod sa Paglihok

(Kahinumdom si KYLIE, nagtan-aw sa bintana. Iyang cellphone naa sa paa, naka-airplane mode, pero murag lisod bitawan.)

MIGUEL: Daghan kag ginahuna huna ron?

KYLIE: Kabalo ka… duha ka tuig ko sige’g kuyog-kuyog sa usa ka taw nga dili ko ginapili.

Dili mi uyab, pero murag.

Dili pud mi strangers, pero murag.

Ug karon lang gyud ko naka-inhale ug tarong kay sure ko nga dili mi magkita diri.

MIGUEL: (nakatawa gamay) Kabalaka-free zone diay ning flight.

KYLIE: Mao bitaw. Pero nakakapoy.

Kapoy diay kaayo makig-hold on sa tawo nga di man gani kabalo mu-hold nimo balik.

(Pause.)

KYLIE: Mao siguro dali ko mu asa. Dili kay desperado ko ha…

Pero kay dugay na kaayo ko naghulat nga naay muingon,

“Pwede ka mupahuway diri.”

(Miguel nitango, nakasabot.)

(Kalit nga nag-uyog ang eroplano. Si KYLIE nakahuptan sa kamot ni MIGUEL.)

KYLIE: Lord, ayaw usa. Daghan pako’g wala nasabti.

MIGUEL: (hinay, kalma) Normal ra. Gamay lang na nga turbulence.

(Kylie wala dayon makabuhii sa iyang kamot.)

KYLIE: Sorry ha.

MIGUEL: Okay ra. Usahay, nindot pud nga naay mupugong.

III. RISING ACTION — Ang Pagbalik sa Kagahapon

(Niduol si KENDALL, dala ang food cart. Professional smile, pero lain ang mata.)

KENDALL: Sir Miguel! Wow. Ikaw gyud. Dugay na ta wala nagkita.

(Kylie nanindog ang kilay, curious.)

KYLIE: Kaila mo?

MIGUEL: Kauban mi sauna…

KENDALL: Kauban gyud. Bisag sa mga butang nga lisod isulti sauna.

(Tension. Kendall nibalik sa aisle, calm pero heavy.)

KYLIE: Ex nimo?

MIGUEL: (gamayng smile) Siguro. O basin… chapter nga dili namo kamao unsaon paghuman.

(Kylie nakangisi pero naay pika nga kasakit gamay.)

IV. CLIMAX — Ang Tinuod sa Mikugos

(PA chime. Madungog ang tingog sa CAPTAIN, klaro ug familiar.)

CAPTAIN: Good afternoon passengers. Possible light turbulence ahead. Please fasten your seatbelts.

KYLIE: Karon rako kasakay ug eroplano nga mura’g jeep ba.

MIGUEL: Ayaw ana… basin madunggan sa piloto.

KYLIE: Ngano man, siya imong papa?

MIGUEL: (hinay, nagtan-aw sa unahan)

Dili. Siya akong bana.

(Kendall nakapugong sa aisle. Naa sa mata niya ang acceptance nga dugay niya gipaninguha.)

(Kylie napahilom. Ang engine ra ang nadungog.)

KYLIE: Aw… mao ba. Sorry kaayo ha.

MIGUEL: (malumo) Okay ra.

Lisod man pud ning biyahe nga way klaro’g landing — dugay na kaayo ko ana.

(Kylie mitan-aw sa iyang kamot, ang kamot nga iyang gihuptan ganiha.)

V. FALLING ACTION & RESOLUTION — Ang Pag-abot sa Tinuod

(PA chime.)

CAPTAIN: We’ll be landing soon. Thank you for flying with us.

(KENDALL moagi, nag-smile nga tinudanay.)

KENDALL: Safe flight, sir. Miss.

KYLIE: (gamayng tawa, gentle) Safe hearts unta.

(Kendall ug Miguel nagkatagbo ug mata. Simple, pero tinuod nga pasaylo ug panapos. Kendall nibalik sa trabaho. Miguel nitutok sa gawas. Kylie nag-adjust sa iyang bag.)

(Tulo sila silent. Dili tungod sa awkwardness, kundi tungod sa kalinaw nga wala nila gi-expect.)

KENDALL: (hinay, kay Kylie lang)

Miss… dili na bati ang pag-hope. Ang bati kay kung magpabilin kag usa ka lugar nga wala’y muabot nimo.

(Kendall walks away. Kylie nadali’g smile.)

(Cabin lights dim for landing.)

MIGUEL: Safe trip, Kylie.

KYLIE: (hinay ra) Ikaw pud, Mig. Makauli na unta mo duha.

(Plane touches down.)

(Kylie ginhawa’g lawom. Wala siya nagtan-aw kang Miguel — pero klaro nga mas gaan iya dughan.)

DRAMATIC QUESTION

Makakita ba si Kylie ug tinuod nga koneksyon aning biyahe — o temporary landing ra sab?

ANSWER

Dili niya nakuha ang gugma nga iyang gi-hope — pero nakuha niya ang mas lisod makuha:

klaro nga pag-ila sa kaugalingon ug kalinaw nga dugay niyang gipangita.