తుండమునేకదంతమును తోరపుబొజ్జయు వామహస్తమున్
మెండుగ మ్రోయు గజ్జెలును మెల్లని చూపులు మందహాసమున్
కొండొక గుజ్జురూపమున కోరిన విద్యలకెల్ల నొజ్జయై
యుండెడి పార్వతీ తనయ యోయి గణాధిప నీకు మ్రొక్కెదన్
పదవిభాగం: తుండుమును, ఏక దంతమును, తోరపు బొజ్జయు, వామహస్తమున్, మెండుగ, మ్రోయు, గజ్జెలును, మెల్లనిచూపులు, మందహాసమున్, కొండొక, గుజ్జురూపమున, కోరిన విద్యలకు, ఎల్లను, ఒజ్జయై, ఉండెడి, పార్వతీ తనయ, ఓయి, గణాధిప, నీకు, మ్రొక్కెదన్
పెద్దతొండం, తెల్లని ఒక దంతం, పెద్ద పొట్ట, ఎడమచేయి, అందంగా సవ్వడి చేసే గజ్జెలు, ప్రేమగా చూసే చూపులు, చిరునవ్వు, పొట్టి ఆకారం, కోరిన విద్యలను ఇచ్చే గురువు ... వంటి వాడివి అయిన పార్వతీ కుమారా! గణాలకు అధిపతి అయిన వాడా! నీకునమస్కరిస్తున్నాను.