Como fago un bo PowerPoint?
Achego dúas presentacións sobre cómo facer presentacións:
Como fago un bo esquema?
Os esquemas son unha ferramenta de traballo que permite acceder de forma rápida a unha gran cantidade de información.
As vantaxes de elaborar esquemas son:
Facilita ordenar as ideas dun texto.
Permite visualizar a estrutura dun texto.
Axuda a formar imaxes mentais, que benefician o recordatorio da información.
Favorece a aprendizaxe porque estamos traballando sobre a información.
Os pasos para elaborar un esquema son:
Ler e comprender: Realiza unha lectura global do texto e procura entendelo. Se atopas palabras que non coñeces, búscaas no dicionario.
Determinar a estrutura xeral: Durante a lectura procura facerte unha idea xeral do tema e extraer algunhas das ideas xerais.
Subliña o importante: Identifica as ideas principais (xeralmente unha por parágrafo) e as secundarias mediante o subliñado ou o marcado por cores.
Reconece as palabras claves: As ideas claves son aquelas que resumen mellor o esencial do texto polo que debes identificalas mediante un círculo.
Redacta o esquema
Para redactar o esquema debes saber que:
O título do esquema coincide co do texto.
A estrutura do esquema debe ter tantos elementos como ideas principais.
As ideas deben estar organizadas de forma xerárquica.
As ideas secundarias deben estar relacionadas coas ideas principais.