Forma de goberno que se deu na maioría dos países europeos, especialmente en Francia, nos século XVII e XVIII, durante o Antigo Réxime. Consistía nunha monarquía de orixe divino na que o rei concentra todos os poderes (lexislativo, executivo e xudicial). A soberanía (dereito de decisión política) é real xa que o rei ten a máxima autoridade e por riba del só están as leis divinas e as leis fundamentais do reino. Luís XIV de Francia foi o prototipo de monarca absoluto.

• QUE? Forma de goberno

• COMO? monarquía na que o rei concentra todos os poderes (lexislativo, executivo e xudicial). A soberanía (dereito de decisión política) é real xa que o rei ten a máxima autoridade e por riba del só están as leis divinas e as leis fundamentais do reino.

• POR QUE ou PARA QUE? por dereito divino

• CANDO E ONDE? na maioría dos países europeos, especialmente en Francia, nos séculos XVII e XVIII, durante o Antigo Réxime.

• QUEN? Luís XIV de Francia

Sistema de produción agrícola que se elabora con técnicas e ferramentas tradicionais polo que esixe numerosa man de obra e coa que se obtén unha produción escasa e baixos rendementos. Os principais cultivos adoitaban ser de secaño (cereais) en rotación con barbeito. A produción, sen apenas excedentes, destinábase ao autoconsumo para garantir a autosuficiencia alimentaria dos campesiños e as súas familias. Este tipo de agricultura practícase nas rexións subdesenvolvidas do mundo polo que, no Antigo Réxime (séculos XVII e XVIII), dábase en practicamente toda Europa.

• QUE? Sistema de produción agrícola

• COMO? elaborada con técnicas e ferramentas tradicionais que esixe numerosa man de obra e coa que se obtén unha produción escasa, destinada ao autoconsumo e sen apenas excedentes. Os principais cultivos adoitaban ser de secaño (cereais) en rotación con barbeito.

• POR QUE ou PARA QUE? para garantir a autosuficiencia alimentaria dos campesiños

• CANDO E ONDE? nas rexións subdesenvolvidas do mundo. No Antigo Réxime, séculos XVII e XVIII se daba en practicamente toda Europa.

• QUEN? -

Movemento intelectual e cultural orixinado en Francia no século XVIII e con influencia e repercusión en toda Europa. Os ilustrados, entre os que destacaron Voltaire, Montesquieu, Diderot e Rousseau, crían no uso da razón como medio para entender o mundo e defendían os principios de igualdade, liberdade polo que criticaban a sociedade estamental e o absolutismo. O cuestionamento dos principios políticos, sociais e económicos sobre os que se asentaba o Antigo Réxime foi a base teórica das revolucións liberais que se desenvolven no século XIX.

• QUE? Movemento intelectual e cultural

• CANDO E ONDE? orixinado en Francia no século XVIII e con influencia e repercusión en toda Europa.

• QUEN? os seus principais representantes foron Voltaire, Montesquieu, Diderot e Rousseau.

• POR QUE ou PARA QUE? as propostas ilustradas cuestionaban os principios políticos, sociais e económicos do Antigo Réxime polo que foron as bases teóricas das revolucións liberais que se desenvolven no século XIX.

• COMO? crían no uso da razón como medio para entender o mundo e defendían os principios de igualdade, liberdade polo que criticaban a sociedade estamental e o absolutismo.

Denominación que recibe a agrupación de países formada polas antigas colonias de Asia e África entre as que destacan India, Exipto e Indonesia. Esta agrupación, orixinada na Conferencia de Bandung (1955) tras a primeira fase da descolonización (1945-1975), busca a conservación dunha posición neutral ante a influencia de EEUU e a URSS no contexto da Guerra Fría (1947-1991) mediante a defensa da soberanía nacional, o autogoberno, a colaboración económica e o respecto aos dereitos humanos.

• QUE? Denominación (agrupación de países)

• CANDO E ONDE? orixinada na Conferencia de Bandung (1955) tras a primeira fase da descolonización (1945-1975).

• QUEN? países descolonizados de Asia e África destacando o papel da India, Exipto e Indonesia.

• POR QUE ou PARA QUE? para conservar unha posición neutral ante a influencia de EEUU e a URSS no contexto da Guerra Fría (1947-1991)

• COMO? defensa da soberanía nacional, autogoberno, colaboración económica e respecto aos dereitos humanos.