ALTERACIÓNS

As alteracións musicais son signos que modifican a entoación ou altura dos sons. As alteracións máis utilizadas son o sostido, o bemol e o becuadro.

O sostido: eleva o son un semitono cromático. Represéntase co signo ♯.

O bemol: baixa o son un semitono cromático. Represéntase co signo ♭.

O becuadro: cancela o efecto das demais alteracións. Represéntase co signo ♮.

As Alteracións poden ser Propias e Accidentais segundo a súa colocación e función.

• Alteracións Accidentais: Atopámolas á esquerda das notas e o seu efecto mantense durante un compás.

• Alteracións Propias: Atopámolas na Armadura, xunto á Clave. Definen a tonalidade e o seu efecto se matiene durante toda a obra musical.