LSAJ-Kyushu | ສນ​ລຍ​ ກິວ​ຊູ

ກ່ຽວ​ກັບ ​ສ​ນ​ລຍ ກິວ​ຊູ

ສະມາຄົມນັກສຶກສາລາວ ທີ່ປະເທດຍີປຸ່ນ ແມ່ນການຈັດຕັ້ງສະມາຄົມທີ່ ເປັນຕົວແທນໃຫ້ແກ່ບັນດານັກສຶກສາ ທີ່ກຳລັງສຶກສາຄົ້ນຄວ້າຮຳ່ຮຽນທີ່ ປະເທດຍີປູ່ນ. ເປັນສະມາຄົມທີ່ຢູ່ພາຍໃຕ້ການຄຸ້ມຄອງຂອງສະຖານເອກ ອັກຄະລັດຖະທູດ ແຫ່ງ ສ ປ ປ ລາວ ທີ່ນະຄອນຫຼວງໂຕກຽວ. ສະມາຄົມນັກສຶກສາລາວເຂດກິວຊູ ແມ່ນການ ຈັດຕັ້ງຂອງ ນັກສຶກສາທີ່ເປັນ ຕົວແທນໃຫ້ແກ່ນັກສຶກສາໃນເຂດດັ່ງກ່າວ ໂດຍມີຄະນະບໍລິຫານງານສະມາຄົມ ທີ່ໄດ້ຮັບການແຕ່ງຕັ້ງຈາກສະຖານເອກອັກຄະລັດຖະທູດແຫ່ງ ສ ປ ປ ລາວ ທີ່ນະຄອນຫຼວງໂຕກຽວ.

ຈຸດປະສົງຫຼັກຂອງ ສນລຍ ພວກເຮົາ ແມ່ນເພື່ອສົ່ງເສີມຄວາມສະມັກຄີ ອັນເປັນປຶກແຜ່ນແໜ້ນໜາ ໃນບັນດານັກສຶກສາລາວ, ຊ່ວຍເຫຼືອເຊິ່ງກັນ ແລະ ກັນ ໃນການສຶກສາຄົ້ນຄວ້າຮໍ່າຮຽນໃຫ້ສຳເລັດຜົນຕາມຄາດໝາຍ ທີ່ວາງໄວ້. ພ້ອມກັນນີ້ພວກເຮົາຍັງໄດ້ມີການເສີມຂະຫຍາຍສາຍພົວພັນ ຮ່ວມມືມິດຕະພາບ ກັບບັນດານັກສຶກສາປະເທດເຈົ້າພາບ ແລະ ສາກົນ ທີ່ກຳລັງສຶກສາຄົ້ນຄວ້າຮໍ່າຮຽນ ໃນເຂດກິວຊູ ໃນການແລກປ່ຽນ ວັດທະນະທຳ, ກິລາ ແລະ ກິດຈຳອື່ນໆ.