ໂດຍອີງຕາມການຕົກລົງເຫັນດີໃນກອງປະຊຸມລາຍງານການເຄື່ອນໄຫວປະຈຳໄຕມາດທີ່ 1 ຂອງສະມາຄົມນັກສຶກສາລາວ ປະຈໍາເຂດກິວຊູ. ໃນວັນທີ 25 ທັນວາ 2021 ໄດ້ມີການຈັດກິດຈະກໍາ ເພີ່ມຄວາມສາມັກຄີພາຍໃນສະມາຄົມນັກສຶກສາລາວ ປະຈໍາເຂດກິວຊູ ໂດຍນັກສຶກສາລາວ ທີ່ສັງກັດຢູ່ ມະຫາວິທະຍາໄລກິວຊູ ຮັບເປັນເຈົ້າພາບ ແລະ ຈັດກິດຈະກໍາຢູ່ ເມືອງຟຸກຸໂອກະ.

ກິດຈະກໍາດັ່ງກ່າວ ແມ່ນປະກອບມີ 2 ວາລະໃຫຍ່ ຄື: 1. ທ່ຽວຊົມເມືອງຟຸກຸໂອກະ ແລະ 2. ແຂ່ງຂັນກິລາໂບລິ້ງສາມັກຄີ. ມີສະມາຊິກເຂົ້າຮ່ວມຈາກຫຼາຍມະຫາວິທະຍາໄລ ໄດ້ແກ່ ມະຫາວິທະຍາໄລ ກິວຊູ, ມະຫາວິທະຍາໄລ ຢາມາກຸຈິ, ມະຫາວິທະຍາໄລ ຄຸມະໂມໂຕ, ມະຫາວິທະຍາໄລ ນາງາສະກິ, ມະຫາວິທະຍາໄລ APU, ວິທະຍາໄລທັນຕະແພດຟຸກຸໂອກະ, ສະຖາບັນເຕັກໂນໂລຢີກິວຊູ. 

ບັນຍາກາດການຫຼິ້ນກິລາ ເປັນໄປຢ່າງຟົດຟື້ນ, ມີຄວາມມ່ວນຊື່ນ ແລະ ເສີມສ້າງຄວາມສາມັກຄີຂອງບັນດານັກສືກສາ.   

ນັກສຶກສາທີ່ຮ່ວມກິດຈະກໍາໄດ້ທ່ຽວຊົມຫຼາຍສະຖານທີ່ ທີ່ເປັນຈຸດເດັ່ນຂອງເມືອງຟຸກຸໂອກະ ນໍາພາການທ່ຽວຊົມໂດຍ ນັກສຶກສາລາວທີ່ຮຽນຢູ່ມະຫາວິທະຍາໄລ ກິວຊູ. ບາງຮຸບພາບການເຄື່ອນໄຫວດ້ານລຸ່ມ