Innanskólaval

Fyrir hverja: 8. bekk, 9. bekk, 10. bekk

Staðsetning: Lundarskóli

Kennari: Stefán Smári

Vorönn

Nemendur semja og útsetja atriði fyrir hæfileikakeppni grunnskólanna á Akureyri sem ber heitið Fiðringur og er náfrændi Skrekks í Reykjavík og Skjálftans á Suðurlandi. Þetta er hæfileikakeppni þar sem 8. 9. og 10. bekkir fá að taka þátt.

Í þessu felst undirbúningur og æfingar fyrir lokasýningu að vori, nemendum gefst tækifæri til að hanna búninga, sviðsmynd, tónlist, dans og fleira, ekki er nauðsynlegt að taka þátt í sjálfu atriðinu til að vera með. 

Innanskólaval

Fyrir: 8. bekk, 9. bekk, 10. bekk

Staðsetning: Lundarskóli

Haustönn, Vorönn

Markmið: Að nemendur, sem telja sig hafa þörf á, fái aðstoð við ensku. Nemendur skipuleggja sjálfir hvað þeir ætla að vinna í tímanum, en þess er krafist að það ríki vinnufriður og að nemendur séu vinnusamir. Ef í ljós kemur að nemendur virðast ekki hafa þörf né áhuga á að nýta sér tímana verða þeir að fara í aðra valgrein. 

Námsmat: Ástundun, áhugi og frammistaða í kennslustundum.

Tíminn er aðeins 40 mín og því þurfa nemendur að velja aðra 40 mín valgrein svo það teljist sem ein. 

Innanskólaval

Fyrir: 8. bekk, 9. bekk, 10. bekk

Staðsetning: Lundarskóli

Haustönn, Vorönn

Valgrein fyrir nemendur sem þurfa aukinn stuðning í námi og utanumhald – fámennur hópur þar sem unnið verður með heimanám og önnur verkefni eftir þörfum. Nemendur geta einnig fengið aðstoð við skipulagningu.

Innanskólaval

Fyrir: 8. bekk, 9. bekk, 10. bekk

Staðsetning: Lundarskóli

Haustönn, Vorönn

Lýsing: Kenndar verða allar helstu bakstursaðferðir s.s. brauðbakstur með bæði lífrænum og ólífrænum lyftiefnum, kökubakstur af ýmsu tagi s.s. hrærðar kökur, hnoðaðar kökur, þeyttar kökur, auk kökuskreytinga. 

Markmið: Að nemendur nái tökum á fyrrgreindum tegundum baksturs og geti í lok tímabils bakað án aðstoðar eftir uppskriftum og helmingað eða margfaldað uppskriftir eftir þörfum og jafnvel búið til sína eigin uppskrift.

Kennsluaðferðir: Sýnikennsla, hóp og paravinna.

Námsmat: Mat á verkefnum í lok hvers tíma, kennaramat og sjálfsmat.

Innanskólaval

Fyrir: 8. bekk, 9. bekk, 10. bekk

Staðsetning: Lundarskóli

Haustönn, Vorönn

Alla daga

Fyrirkomulag: Nemendur eru fyrst og fremst að aðstoða í Frístund og vinna þar undir verkstjórn forstöðumanns. Verkefnin geta verið fjölbreytt en þau felast fyrst og fremst í því að vinna með yngstu nemendum skólans, að aðstoða þau í leik og starfi. Þeir nemendur sem vilja vera í starfsnámi innan skóla en treysta sér ekki til að vera í Frístund geta fengið að vinna undir verkstjórn skólaliða við þrif eða annað sem til fellur innan skólans.
Námsmat: Verður í formi umsagna um frammistöðu, vilja og virkni.

Innanskólaval

Fyrir: 8. bekk, 9. bekk, 10. bekk

Staðsetning: Lundarskóli

Haustönn, Vorönn

Kennari: Hildur Mist, náms-og starfsráðgjafi

Markmið: Að nemendur kynnist betur aðferðum í námstækni, skipulagi og markmiðasetningu. 

• Get ég bætt mig í náminu? 

• Hverjir eru mínir styrk- og veikleikar?

• Námstækni og skipulag, gæti það hjálpað þér í þínu námi? 

Tíminn er aðeins 40 mín og því þurfa nemendur að velja aðra 40 mín valgrein svo það teljist sem ein.

Innanskólaval
Fyrir: 10.bekk
Staðsetning: Lundarskóli
Hvenær: Haustönn og vorönn
Lýsing: 
Nemendur skipuleggja og undirbúa fjáraflanir fyrir skólaferðalag 10. bekkjar. Verkefnin eru margvísleg og þurfa nemendur að vera í góðum samskiptum við foreldra, kennara, deildarstjóra, húsvörð og aðra sem koma að fjáröfluninni á einhvern hátt.
Það eru allir í 10.bekk sem sjá um að mæta á vaktir og annað á viðburðunum sjálfum en þeir sem eru í valgreininni sjá um allt skipulag og undirbúning.

Félagsmiðstöðvaval: Valgrein fyrir þá sem vilja skipuleggja starfið í sinni félagsmiðstöð (setja upp viðburði, auglýsa þá og stjórna þeim). Nemendur fá einnig fjölbreytta fræðslu og taka þátt í umræðum og hópefli/leikjum. Lögð er áhersla á reynslunám, tómstundir, samvinnu og félagsmál. Mælst er til þess að nemendur í valinu séu virkir þátttakendur í sinni félagsmiðstöð. 

Markmiðið er að nemendur:

 · Auki styrk sinn og þol

 · Læri að setja sér markmið

 · Fái jákvæða upplifun af íþróttaiðkun

Kennslutilhögun:

Tímarnir eru að öllu leyti verklegir og nemendur stunda alhliða líkamsþjálfun.

Nemendur fá tækifæri til að skipuleggja tíma fyrir sig sjálfa t.d. eigin þrek– og hraðaþraut.

Sérstök áhersla verður lögð á æfingar sem tengjast „Skólahreysti.

Í lokin taka nemendur þátt í undankeppni „Skólahreysti Lundarskóla”.

Rétt er að geta þess að allir nemendur hafa kost á því að taka þátt í undankeppni fyrir „Skólahreysti“ hvort sem þeir velja þennan áfanga eða ekki.

Gert er ráð fyrir að þeir sem velja þetta val hafi áhuga á því að efla þol og styrk og eða keppa í skólahreysti.
Kennt verður í íþróttahúsi KA

Markmið: Að nemendur, sem telja sig hafa þörf á, fái aðstoð í stærðfræði. Nemendur skipuleggja sjálfir hvað þeir ætla að vinna í tímanum, en þess er krafist að það ríki vinnufriður og að nemendur séu vinnusamir. Ef í ljós kemur að nemendur virðast ekki hafa þörf né áhuga á að nýta sér tímana verða þeir að fara í aðra valgrein. 

Námsmat: Ástundun, áhugi og frammistaða í kennslustundum.

Tíminn er aðeins 40 mín og því þurfa nemendur að velja aðra 40 mín valgrein svo það teljist sem ein. 

Markmið: Að nemendur, sem telja sig hafa þörf á, fái aðstoð við dönsku. Nemendur skipuleggja sjálfir hvað þeir ætla að vinna í tímanum, en þess er krafist að það ríki vinnufriður og að nemendur séu vinnusamir. Ef í ljós kemur að nemendur virðast ekki hafa þörf né áhuga á að nýta sér tímana verða þeir að fara í aðra valgrein. 

Námsmat: Ástundun, áhugi og frammistaða í kennslustundum.

Tíminn er aðeins 40 mín og því þurfa nemendur að velja aðra 40 mín valgrein svo það teljist sem ein. 

Innanskólaval
Kennari: Birgitta Guðjónsdóttir

Fjölbreytt hreyfing er val sem snýst um að kynnast og njóta fjölbreyttrar hreyfingar.  Eins og t.d. ganga,hjóla, standblak, frjálsar íþróttir, líkamsrækt, jóga, RBST, blak, gönguskíði, golf, leikir, sund og örugglega margt fleira. Þá er hugsunin að vera sem mest úti við en þó líka inn í t.d. í líkamsræktarstöð, golf aðstöðu, Bogann o.s.f.v.