Oddeyrarskóli

VELJA FYRIR ÁRAMÓT

VELJA EFTIR ÁRAMÓT

Hagnýtar upplýsingar um val nemenda

Þegar nemandi velur sér valgrein er mikilvægt að hann velti öllum möguleikum vel fyrir sér og ræði hugmyndir sínar við foreldra eða forrráðamenn. Valið á að byggja á áhuga og þörfum hvers og eins en ekki því hvert félagarnir stefna. Hafið í huga að valgreinar eru jafn mikilvægar og aðrar námsgreinar og kröfur um ástundun og árangur jafnmiklar og í öðrum greinum.

Hver nemandi á unglingastigi þarf að skila 37 kennslustundum á viku. Nemendur eru með 31 kennslustund í kjarna og þurfa því að velja sér þrjár valgreinar - hver valgrein er kennd tvær kennslustundir á viku.

Nemandi velur sér valgrein fyrir ½ vetur í senn. Oft er sama valgrein í boði fyrir og eftir áramót og er nemendum þá frjálst að velja sömu valgreinina fyrir og eftir áramót ef þeir kjósa það.

Ekki er víst að hægt verði að verða við öllum óskum nemenda um valgrein. Greinar geta fallið niður vegna lítillar þátttöku eða annarra ófyrirséðra ástæðna. Einnig getur komið fyrir að fleiri sækja í greinar en hægt er að koma að. Því þurfa nemendur að merkja við sex valgreinar á valblaðinu fyrir áramót og sex valgreinar eftir áramót. Þeir merkja nr 1 við þá valgrein sem þeir hafa mestan áhuga fyrir, nr. 2 þá sem þá langar næst mest í o.s.frv.

Samvalsgreinar eru þær valgreinar kallaðar sem eru kenndar sameiginlega fyrir nemendur úr öllum skólum bæjarins víðsvegar um bæinn. Gert er ráð fyrir að nemendur nýti sér strætisvagna til að koma sér á milli staða.

Nemendur eiga þess kost að fá félagsstarf eða nám utan skólans metið sem valgrein. Að hausti þarf að skila inn staðfestingu frá þjálfara/kennara/umsjónaraðila og foreldri/forrráðamanni á þar til gerðu eyðublaði frá skólanum. Nemendur og foreldrar bera ábyrgð á ástundun í metnu vali. Mjög mikilvægt er að skólinn fái að vita af því ef nemandi hættir leggja stund á þær tómstundir sem hann fær metnar sem valgrein. Athugið að starfsemi utan skólans má að hámarki meta sem tvær valgreinar á viku. Foreldrar bera allan kostnað af tómstundastarfi sem óskað er eftir að fá metið með þessum hætti. Fái nemandi fjarnám við framhaldsskóla metið samsvarar tveggja eininga áfangi einni valgrein.

Nemendum og foreldrum/forráðamönnum er velkomið að hafa samband við Fjólu Kristínu deildarstjóra fkh@akmennt.is, sími 460-9550, ef eitthvað er óljóst.

Valinu þarf að skila inn í síðasta lagi föstudaginn 19. maí 2023.

Innanskólaval

Áhugamannafótbolti

Innanskólaval

Fyrir: 8. bekk, 9. bekk, 10. bekk

Staðsetning: Oddeyrarskóli

Vorönn

Mánudagur

Lýsing: Spilaður verður fótbolti og farið yfir reglur sem gilda. Spilað verður bæði inni í íþróttasal og úti á gervigrasvelli þegar veður leyfir. Nemendur verða að vera meðvitaðir um að þetta valfag krefst þess að þeir taki þátt, mæti vel og hafi gaman af fótbolta. Ekki er gerð krafa á að nemendur hafi æft eða séu að æfa íþróttina.

Námsmat: Símat, mæting og þátttaka.

Cucina italiana - (Matargerðarlist Miðjarðarhafsins með áherslu á Ítalíu)

Innanskólaval

Fyrir: 8. bekk, 9. bekk, 10. bekk

Staðsetning: Oddeyrarskóli

Vorönn

Miðvikudagur

Markmið eru að nemendur:

− þekki algeng hráefni sem notuð eru við matargerð Ítalíu og nokkurra annarra landa Miðjarðarhafsins

− þekki sögu og þróun ítalskrar matargerðarlistar

− þekki uppruna og geti eldað sjálfstætt nokkra hefðbundna, ítalska rétti.

Námsmat: Markmið eru metin jafnt og þétt yfir skólaárið. Símat í verklegri kennslu byggir á vinnusemi og vinnubrögðum, áhuga, samvinnu, hegðun, frágangi í stofu og afurð.

Colazione-Pranzo-Antipasto-Primo-Secondo-Dolce-Cena

L´appetito vien mangiando

Enska kvikmyndir

Innanskólaval

Fyrir: 9. bekk, 10. bekk

Staðsetning: Oddeyrarskóli

Haustönn

Mánudagur

Lýsing: Horft verður á ýmsar kvikmyndir á ensku og unnin verkefni í kjölfarið. Verkefnin verða fjölbreytt og unnin bæði í hóp og einstaklingslega. Verkefnaskil fara alltaf fram í gegnum Google Classroom.

Námsmat byggir á verkefnaskilum og virkni í kennslustundum.

Falleg skrift - skrautskrift

Innanskólaval

Fyrir: 8. bekk, 9. bekk, 10. bekk

Staðsetning: Oddeyrarskóli

Vorönn

Miðvikudagur

Gaman er að geta skrifað fallega á tækifæriskort og fleira hjálparlaust og án tölvu. Þessi áfangi hentar öllum, hvort sem þeim finnst þeir skrifa vel eða illa. Æfð verða grunnatriði í skrautritun og fallegri ritun almennt. Þjálfuð verða öguð vinnubrögð og vandaður frágangur. Lokaverkefni verða síðan unnin í samráði við kennara.

Markmið:

Að nemendur þjálfist í að beita pennanum og geti við lok áfanga unnið sjálfstætt að einfaldri skrautritun og skili lokaverkefni.

Námsmat:

Leiðsagnarmat og mat á lokaverkefni. Metin er frammistaða og virkni í tímum.

Innanskólaval

Fyrir: 9. bekk, 10. bekk

Staðsetning: Oddeyrarskóli

Haustönn

Miðvikudagur

Markmið:

að nemendur kynnist og geti notað einföld undistöðuatriði þýskrar málfræði.
að nemendur geti tjáð sig á einfaldan og skiljanlegan hátt.
að kynnast þýska menningarsvæðinu / þýskumælandi þjóðum.

Námsefni: Lesnir textar, vinnubók, hlustunarverkefni kvikmyndir og tónlist. Auk þess unnið munnlega með grunnorðaforða og grunnatriði málfræðinnar. Framburður þjálfaður.

Kennsluhættir: Lögð er áhersla á fjölbreytni t.d. í formi leikja, hlustunar, einstaklings- og samvinnunáms. Áhersla á munnlega tjáningu

Námsmat: Leiðsagnar- þátttöku- og frammistöðumat.