Innanskólaval

Fyrir: 8. bekk, 9. bekk, 10. bekk

Staðsetning: Brekkuskóli

Haustönn, Vorönn

Mánudagur, Þriðjudagur

Markmið: Nemendur í þessari valgrein þurfa að geta unnið sjálfstætt og borið ábyrgð á námi sínu. Nemendur hafa aðgang að greinakennurum og geta leitað til þeirra við úrlausn einstakra verkefna. Í þessari grein er t.d. tilvalið að fara betur í námsefni sem hefur reynst erfitt, gera heimadæmi eða moodle verkefni, nýta tímann til lesturs o.fl. 

Námsmat byggist á ástundun og frammistöðu; lokið/ólokið. 

Innanskólaval

Fyrir: 8. bekk, 9. bekk, 10. bekk

Staðsetning: Brekkuskóli

Haustönn, Vorönn

Miðvikudagur og samkomulag við hópa

Markmið: 

• Að nemendur kynnist fjölbreyttum spilum.

• Að nemendur fari í hlutverk og tengi við persónur í spilum.

Lýsing á greininni: Kynning á spunaspilum eins og Drekum og dýflissum o.fl. Spilarar skapa persónurnar eftir settum reglum og nota ímyndunaraflið til að stýra þeim í gegnum spil - innan marka reglnanna. Byggist á samskiptum milli spilara. Kynning á fleiri borðspilum.

Námsmat: Ástundun og virkni í tímum.

Innanskólaval

Fyrir: 8. bekk, 9. bekk, 10. bekk

Staðsetning: Brekkuskóli

Haustönn, Vorönn

Fimmtudagur

Markmið: Að nemendur læri að nota saumavélina rétt, teikna upp og sníða flík eftir sniði.

Kennsluefni og aðferðir:  Nemendur byrja á að rifja upp saumavélakunnáttu og sauma nokkrar prufur. Nemendur velja svo einfalda flík til að breyta, en því næst hanna, teikna, sníða og sauma sér flík að eigin vali í samráði við kennarann.

Námsmat: Símat.

Kennt verður í þrjár kennslustundir í senn í stað tveggja og því lýkur greininni fyrr sem því nemur.

Innanskólaval

Fyrir: 8. bekk, 9. bekk, 10. bekk

Staðsetning: Brekkuskóli

Haustönn, 

Mánudagur 

Valgrein fyrir þau sem finnst gaman að semja ljóð, sögur og alls konar texta. Nemendur kynnast ólíkum textastílum og semja texta af ýmsu tagi.

Markmið er að nemendur:

Þjálfist í að skrifa skapandi texta. 

Æfist í að veita endurgjöf og fá endurgjöf frá öðrum.

Fái tækifæri til að skapa eigin skáldverk, þróa þau og bæta.

Námsmat:

Þátttaka og vinnusemi í tímum.

Innanskólaval

Fyrir: 9. bekk, 10. bekk

Staðsetning: Róesnborg

Haustönn, Vorönn

Fimmtudagur

Valgrein fyrir þá sem vilja skipuleggja starfið í sinni félagsmiðstöð (setja upp viðburði, auglýsa þá og stjórna þeim).  Nemendur fá einnig fjölbreytta fræðslu og taka þátt í umræðum og hópefli/leikjum. Við viljum að nemendur í valinu verði virkir þátttakendur í sinni félagsmiðstöð. Nemendum í Félagsmiðstöðvavali býðst jafnframt að taka þátt á Landsmóti Samfés.

Innanskólaval

Fyrir: 8. bekk, 9. bekk, 10. bekk

Staðsetning: Brekkuskóli

Haustönn og vorönn

Föstudagur

Fyrir áramót: 

Nemendur sem velja greinina fyrir áramót fá að kynnast leiklist, leikjum, spuna og söng. Nemendur þjálfast í að fara á svið og koma fram. Athugið að þessi hluti Fiðrings tengist ekki hæfileikakeppninni eftir áramót og því hægt að velja þessa grein þótt svo að ekki sé áhugi á að taka þátt í sýningu.

Eftir áramót: 

Nemendur sem velja greinina eftir áramót skipuleggja og semja atriði fyrir hæfileikakeppni grunnskólanna á Akureyri sem ber heitið Fiðringur og er náfrændi Skrekks í Reykjavík og Skjálftans á Suðurlandi. Þetta er hæfileikakeppni þar sem 8. 9. og 10. bekkir fá að taka þátt. Í þessu felst undirbúningur og æfingar fyrir lokasýningu í Hofi að vori, nemendum gefst tækifæri til að hanna búninga, sviðsmynd, tónlist, dans og fleira.

Kennt á föstudögum á báðum önnum en eftir áramót gæti líka verið kennt á öðrum vikudögum og í lotum fyrir keppina.

Innanskólaval

Fyrir: 8. bekk, 9. bekk, 10. bekk

Staðsetning: Brekkuskóli

Haustönn, Vorönn

Mánudagur, Fimmtudagur

Markmiðið er að gefa nemendum kost á aukinni hreyfingu og kynningu á sem flestum íþróttagreinum. Skemmtilegir íþróttatímar með fjölbreyttri þjálfun. 

Námsmat byggist á ástundun og frammistöðu.

Innanskólaval

Fyrir: 8. bekk, 9. bekk, 10. bekk

Staðsetning: Brekkuskóli

Haustönn, Vorönn

Þriðjudagur, Fimmtudagur

"Leirmótun, málverk og stop motion

Í þessum verkefnum er unnið með fjölbreyttar aðferðir og efni. Verkefnin eru hugsuð fyrir nemendur í 8-10 bekk og byggja á grundvallaratriðum sjónlista þar sem unnið er með tvívítt og þrívítt form, liti, áferð, ljós og skugga. Nemendur fá að velja sér eftirfarandi viðfangsefni:

Leirmótun 

Markmið: 

• Að þjálfa og þroska huga og hendur nemenda til að tjá eigin hugmyndir, tilfinningar, þekkingu og reynslu í leirmótun bæði í þrí- og tvívídd.

• Að geta fylgt hugmynd til endanlegs verks , 

• Að þekkja fjölbreytni leirmótunar og notkunar glerungs.

• Að geta nýtt sér mismunandi aðferðir/tækni til að móta (búa til) bolla, vasa og skálar úr leir.

• Að búa til leirfígúrur; t.d. dýr, fólk, verur og að geta notað glerung.

Málverk 

Markmið: 

• Að þjálfa og þroska huga og hendur nemenda til að tjá eigin hugmyndir, tilfinningar, þekkingu og reynslu í mismunandi aðferðum í málun. 

• Að geta fylgt hugmynd til enanlegs verks. Þekkja fjölbreytni í málaraaðferðum, málningu/efni.

• Að geta nýtt sér litafræði í mismunandi málaratækni, vatnslitamálun, akrylmálun.

• Að geta nota mismunandi pennslastærðir og tegundir. 

• Að geta skafað málningu með pallíettuhníf, að geta notað málninguna þunna eða þekjandi.

• Að blanda litum umferð yfir umferð eða blautt í blautt. 

• Að lýsa og dekkja litina með öðrum litum eða hvítu og svörtu.

Stop motion 

Í þessu verkefni læra nemendur að móta úr álpappír og pappamassa og nota app sem heitir Stop Motion Studio til að búa til hreyfimyndir og sögur. Verkefnið byggir á grundvallaratriðum sjónlista þar sem unnið er með tvívítt og þrívítt form, liti, áferð, ljós og skugga. Nemendur móta atburðarás eða sögu, velja sér persónur til að móta og fylgihluti ""props"" Sögupersónur eru síðan mótaðar í pappamassa. Lögð áhersla á að nemandinn öðlist færni í að útfæra hugmyndir sínar. Nemendur læra að móta í leir og forma með álpappír og pappamassa. Nemendur læra að nota algeng verkfæri sem tengjast leir auk þess sem þeir læra grundvallaratriði í mótun hvort sem það er að móta í leir eða pappamassa. Í þessu verkefni er lögð áhersla á sköpun og flæði og að nemendur læri að tjá sig með aðferðum lista. Nemendur læri að útfæra hugmynd sína frá teikningu eða skissu yfir í þrívítt form auk þess fá þeir þjálfun í að útskýra verkin sín fyrir samnemendum og kennurum. Nemendur fá einnig þjálfun í að nota appið Stop Motion studio og búa til stutt stop motion video.

Sjá hér: https://sites.google.com/view/namsefnimyndlist/fredrick-heimspekilegar-samr%C3%A6%C3%B0ur

Markmið: 

• Að vinna með mismunandi efni

• Að vinna með mismunandi liti og áferð

• Að útfæra tvívítt verk eða skissu í þrívítt form

• Að sýna frumkvæði og þor, gera tilraunir í verkefninu

• Að velja og beita viðeigandi aðferðum og tækni við mótun og gerð stop motion

• Að fjalla um eigin verk og verk annara í virku samtali við aðra nemendur

• Að búa til stuttmynd sem felur í sér leikmynd,  lýsingu, sögu, tjáningu og persónusköpun

• Að búa til stutt myndbönd með appinu Stop Motion Studio

Námsmat: Símat eftir hvert verkefni. Tekið verður mið af einbeitingu nemendans, tækni, hugmyndaflugi og sjálfstæði í vinnubrögðum. Engin próf, allt er verklegt.

Innanskólaval

Fyrir: 8. bekk, 9. bekk, 10. bekk

Staðsetning: Brekkuskóli

Haustönn, Vorönn

Mánudagur, Þriðjudagur, Fimmtudagur

Markmið: Að auka þekkingu og leikni í heimilisstörfum, efla sjálfstæði, samstarfsvilja og samábyrgð. Kenna undirstöðuatriði næringar- og matvælafræði.  Leggja áherslu á góðar umgengnisvenjur og borðsiði.  Að vekja athygli nemenda á mikilvægi hreinlætis almennt.

Áhersla er tvíþætt, annarsvegar á matargerð og matarmenningu og hinsvegar á bakstur og mismunandi bakstursaðferðir s.s. þeytt, hrært og hnoðað deig. Ýmsu fræðilegu efni sem tengist matargerð og heimilishaldi er fléttað inn í verklegu tímana. Nemendur í valhópum taka að sér bakstur vegna skemmtana í tengslum við fjáraflanir nemenda og annarra viðburða á vegum skólans.

Námsefni: Matreiðslubækur, bakstursbækur og mikið af fræðsluefni um matargerð og fjölbreytt efni af netinu og úr ýmsum bókum. 

Nýtt námsefni: Næring og lífshættir – heimilisfræði fyrir unglingastig.

Kennsluaðferðir: Einstaklingskennsla, hópkennsla og samvinnukennsla, fer eftir verkefnum hverju sinni.

Námsmat: Símat, byggt á vinnubrögðum, ástundun, áhuga, frumkvæði og virkni nemandans í tímum. Einnig er stuðst við sjálfsmat og jafningjamat.

Kennt verður í þrjár kennslustundir í senn í stað tveggja og því lýkur greininni fyrr á önninni sem því nemur.

Innanskólaval

Fyrir: 8. bekk, 9. bekk, 10. bekk

Staðsetning: Brekkuskóli

Haustönn, 

xxx

Í þessum verkefnum er unnið með ýmsar aðferðir og efni. Verkefnin eru hugsuð fyrir nemendur í 8-10 bekk og byggja á grundvallaratriðum í hekli, prjóni og útsaumi í kort.  Kynnt eru tæki og efni sem unnið er með í handmenntum og nemendum er kennt að nota þau við vinnu. Þá eru kynntar grunnaðferðir í nokkrum undirstöðugreinum handmenntar svo sem prjóni, hekli og útsaumi.

Þekkingarviðmið

Nemandi skal hafa öðlast þekkingu og skilning á:

• grunnatriðum í prjóni og prjónlesi, hekli og útsaumi

• ýmsum aðferðum við að ganga frá og meðhöndla hannyrðir

• undirbúningsvinnu fyrir ákveðin verk

Leikniviðmið

Nemandi skal hafa öðlast leikni í að:

• nota grunnaðferðir prjóns, hekls og útsaums

• nýta sér mismunandi efni í vinnslu ýmissa hluta

Hæfniviðmið

Nemandi skal geta hagnýtt þá þekkingu og leikni sem hann hefur aflað sér til að:

• útfæra verkefni eftir skrifaðri jafnt sem teiknaðri vinnulýsingu

• temja sér vönduð og öguð vinnubrögð

Námsmat

Símat þar sem tekið er mið af einbeitingu, tækni, hugmyndaflugi og sjálfstæði í vinnubrögðum.

Innanskólaval

Fyrir: 8. bekk, 9. bekk, 10. bekk

Staðsetning: Brekkuskóli

Haustönn, Vorönn

Fimmtudagur

Markmið: Hönnun og smíði er valfag þar sem nemendur öðlast þekkingu á því ferli sem hefst á því að fá hugmynd og endar með því að hún verður að veruleika. 

Einnig verður farið yfir hagnýt atriði í undirstöðuatriðum trésmíði. Nemendur fá þjálfun í notkun ýmissa tréverkfæra og undir handleiðslu kennara smíða þeir lítið borð og skammel. Að lokum fá nemendur tækifæri til að hanna sinn eigin grip og smíða hann. 

Námsmat: Nemendur verða metnir alla önnina út frá verkefnum og frammistöðu í tímum. Tekið verður mið af sjálfstæðum vinnubrögðum, dugnaði, frágangi og vandvirkni. 

Innanskólaval

Fyrir: 8. bekk, 9. bekk, 10. bekk

Staðsetning: Brekkuskóli

Haustönn, Vorönn

Fimmtudagur

Meginmarkmið verkefnisins er að auka vitund og velferð nemenda í Brekkuskóla .

Kennslan byggir m.a. á núvitund, hugleiðslu, jóga og fleiri hagnýtum verkfærum til að auka vitund, finna frið og slökun og læra að veita tilfinningum sínum athygli og vinna með þær. 

Jafnframt hefur kennslan það að markmiði að efla félagsfærni nemenda, auka skilning og þekkingu á eigin persónuleikastyrkleikum og þrautseigju. 

Fjölmargar rannsóknir benda til tengsla núvitundar við aukna vellíðan og hefur m.a. komið fram að vitund og sátt, sem eru hluti núvitundar, geti ýtt undir aukna þrautseigju og að bjartsýni, lífsfylling og þolinmæði einstaklinga sem búa yfir þrautseigju leiði til aukinnar vellíðunnar. Seigla er einnig oft meiri hjá einstaklingum sem tileinka sér núvitund þar sem þeir helga sig síður niðurdrepandi hugsunum og áhyggjum og viðhalda frekar grósku hugarfari.