O obxectivo principal deste grupo de traballo é proporcionar recursos de calidade para levar á aula o Pensamento Computacional e a Intelixencia Artificial.
Ademáis perseguimos os seguintes obxectivos
A intelixencia artificial (IA) é a ciencia e a enxeñaría dedicadas ao desenvolvemento de sistemas que executan tarefas que requirirían intelixencia ou razoamento se as realizase unha persoa. É dicir, que o termo IA adoita aplicarse cando un computador ou unha máquina realiza funcións cognitivas que as persoas asociamos coa actividade das mentes humanas, como percibir, razoar, aprender e resolver problemas.
Nos últimos anos a IA está a ter un gran protagonismo nos medios de comunicación. Isto débese, entre outros factores, a que se considera que a IA é un elemento fundamental da Cuarta Revolución Industrial que xa estamos a vivir.
Por que ensinar sobre Intelixencia Artificial na escola?
A idea de achegar o ensino da IA á educación non universitaria é algo moi novo. Por iso aínda non hai moitos estudios ou proxectos que desenvolavan este tema.
Como primeiro paso, definiuse un marco para o ensino da IA que se estrutura en cinco liñas temáticas. Estas liñas temáticas correspóndense, á súa vez, co cinco ideas principais que todo o mundo debería coñecer acerca da IA.
1. Percepción
Os ordenadores perciben o mundo utilizando sensores
2. Representación e razoamento
Os axentes manteñen modelos ou representacións do mundo e úsanos para razoar.
3. Aprendizaxe
Os ordenadores poden aprender a partir de datos.
4. Interacción natural
Facer que os axentes interactúen cos humanos de maneira fluída é un desafío enorme para os desarrolladores de IA.
5. Impacto social
A IA pode ter un impacto tanto positivo como negativo sobre a sociedade.
Para saber máis preme no seguinte enlace