Susana de Vicente Mayor

Dende pequena, mostrou unha gran paixón polas matemáticas e a bioloxía, escollendo a rama de ciencias no instituto. Durante os seus estudos universitarios, foise especializando en Algoritmia e Seguridade.

Cando rematou os seus estudos, adicouse a opositar a funcionaria do Estado no corpo de Xestión e Sistemas da información, profundizando na súa especialidade, posto que é un campo de continuos cambios e precisa un estudo continuo.

Para poder ler a documentación técnica e intercambiar opinións cun círculo máis amplo de expertos, perfecionou o seu nivel de inglés.

Aprobada a oposición, obtivo a plaza no Ministerio de Xustiza, na Subdireción Xeral de Novas Tecnoloxías, onde continua traballando dende o ano 2010. Concretamente ocupa o seu cargo en CiberSeguridade, adquirindo coñecementos para chegar ao seu cargo actual: xefa dos servizos de seguridade perimetral e auditorías de seguridade.

Cada día continua máis namorada do seu traballo, posto que non só aprende cada vez máis, senon que se sinte orgullosa de liderar proxectos que axudan a mellorar a Xustiza española e protexer o máis valioso que ten: a información.

Colabora tamén noutros proxectos que apoian o intercambio de información e a cooperación xudicial entre todos os países europeos.