Gweledigaeth, Gwerthoedd a Disgwyliadau

Mae ein cwricwlwm wedi ei ddatblygu er mwyn sicrhau bod yr hyn a ddarperir yn yr ysgol yn ateb y gofynion statudol, ein cymuned leol a'n disgyblion.

Mae ein cwricwlwm yn sicrhau bod pob dysgwr yn ymrwymo’n aelodau llawn o gymuned ein hysgol, ac yn cael mynediad i’r cwricwlwm ehangach a holl weithgareddau’r ysgol. Yn ein hysgol ni mae'r  profiadau dysgu yn galluogi dysgwyr i fod yn uchelgeisiol, mentrus a chreadigol. Mae’r cwricwlwm yn gytbwys ac yn eang ei sylfaen, ac yn ceisio hyrwyddo datblygiad moesol, diwylliannol, cymdeithasol, emosiynol, meddyliol a chorfforol ein disgyblion. Wrth i'r disgyblion fynd yn eu blaenau mae'r wybodaeth, sgiliau a dealltwriaeth y mae'r disgyblion yn cael profiadau ohonynt yn mynd yn fwyfwy soffistigedig a dwfn. Mae’r cwricwlwm yn eu paratoi ar gyfer cyfleoedd, cyfrifoldebau a phrofiadau á gant yn eu bywydau yn yr ysgol a thu hwnt.

Ein Cwricwlwm -  Mae’r cwriwcwlwm yn arwain ein disgyblion tuag at y pedwar diben.

Bydd ein dysgwyr yn iach ac yn hyderus, yn ddysgwyr gydol oes chwilfrydig a dyfeisgar sy’n cymryd rhan mewn materion byd-eang ac yn cyfrannu atynt, ac yn ymarfer gwerthoedd craidd yr ysgol a’i holl rhanddeiliaid - parch, cyfranogi, cyfrifoldeb a chydweithio. Bydd ein dysgwyr yn meithrin hyder yn eu hunaniaeth wrth iddynt archwilio, arddangos, gwneud penderfyniadau a rhoi gwerth ar sgiliau a gwybodaeth a fydd yn eu cynorthwyo i fod yn ddinasyddion creadigol, moesegol, galluog a gwybodus yn eu cymunedau. 

Mae llais y disgybl a hawliau plant yn ganolog i’r holl a wnawn.