Adnodd i ysgolion hunan adolygu eu harferion diogelwch ar-lein yw 360 SafeCymru.
Ei nod yw helpu ysgolion yng Nghymru i adolygu eu harferion a’u polisïau diogelwch ar-lein gan ddilyn llinyn mesur penodol.
Nid oes gorfodaeth ar ysgolion i’w gwblhau, ond yn ogystal a fod yn arfer dda, mae’n ffordd effeithiol o sicrhau eich bod yn talu sylw at faes pwysig ac eang.
Pa mor aml sydd angen diweddaru’r adnodd 360safeCymru?
Yn ddelfrydol, byddai diweddaru'r adnodd 360safeCymru unwaith yn nhymor yr Hydref ac unwaith yn nhymor yr Haf yn syniad da. Wrth wneud yr hunan adolygiad yn nhymor yr Hydref, gellid yna dewis elfen (neu fwy nag un elfen os ydych yn dymuno) oedd yn sgorio yn isel o ran yr adolygiad er mwyn ei ddatblygu fel ysgol yn ystod y flwyddyn. Ceir syniadau o’r math o weithgareddau allwch eu gwneud i ddatblygu yn yr adran ‘Argymhellion ar gyfer gwella’.
Beth mae’r adnodd 360safeCymru yn ddangos?
Wrth gwblhau'r 21 elfen wahanol sydd yn yr adolygiad, mae modd graddio eich ysgol ar raddfa pump lefel (lefel 1 yw’r sgôr uchaf a lefel 5 yw’r sgôr isaf). Mae’r elfennau yn amrywio o sut mae’r ysgol yn diogelu data i ba raglen o addysg Diogelwch ar-lein mae‘r ysgol yn cynnig i’w dysgwyr. Wedi cwblhau eich hunan adolygiad, mae graff radar yn cael ei gynhyrchu sy’n rhoi trosolwg o gyrhaeddiad yr ysgol o’i gymharu â'r lefel cenedlaethol ar gyfer bob elfen a’r safonau ar gyfer cyrraedd y Marc Diogelwch ar–lein (achrediad sydd rhaid talu amdano i’w gwblhau pe baech yn dymuno). Mae modd hefyd lawrlwytho adroddiad o gyrhaeddiad yr ysgol yn 360safeCymru fel PDF os ydych yn dymuno.
Sesiwn Ymwybyddiaeth (Mwy o fanylder)
