Strandhreinsun við Búðir

Strandhreinsun við Búðir

Soroptimistaklúbbur Snæfellsness, Þjóðgarðurinn Snæfellsjökull og Grunnskóli Snæfellsbæjar (8. bekkur og starfsfólk) auk Hótel Búða sem taka þátt í þessu samstarfsverkefni með aðstoð frá Svæðisgarðinum Snæfellsnes og Sagnaseið á Snæfellsnesi.

2018 var í 10.skiptið, farin árleg sögu og hreinsunarferð að Búðum. Gengið var frá Búðakirkju, að Frambúðum og eftir ströndinni til baka.

2017 var verkefnið hluti af samnorrænu strandhreinsiverkefni, flokkuðum ruslið eftir kúnstarinnar reglum og komum því, eins og alltaf, eins og hægt er í endurvinnslu. Mikið var rætt um uppruna þess sem við fundum og hvernig væri hægt að losna við plast úr hafinu. Til varð áhugaverð skýrsla um norræna strandhreinsiverkefnið og samanburð á magni og uppruna þess sem fannst í fjörunum.

Alltaf eru sagðar sögur af svæðinu en af nógu er að taka varðandi náttúru og menningararf. Að loknu vel unnu verki fær hópurinn hressingu á Hótel Búðum og heldur svo heim á leið.