第四組

組員 : 郭恆汝、劉世恩、林詠婷、楊翔皓、黃力揚

熟似頭家的原因

樓梯腳的頭家，陳博新tan5-phok4-sin1，今年30歲，猶未嫁娶

恆汝頭一擺光臨樓梯腳的時，著予伊的裝潢風格佮餐點的滋味煞到，小小的店面hoo1人特別溫暖的感覺，後來因為一寡機緣下開始佇hia1拍工。頭家認為工讀生(kang1-thok8-sing1) 佮客人是平等的，人客友善阮也友善，毋免為了趁人的錢卑賤。頭家是一個足認真的人，逐個月攏e7開會參詳開店的各種問題，也會參考逐家的意見，而且非常照顧工讀生，親像家己的阿兄仝款，袂激派頭食人。

伊講，希望這个所在會當予中山大學的學生一个出社會進前會當磨練家己的機會，抑毋過畢業以後千萬毋通返來tsia1拍工，足bo5出脫(tshut4-thuat4)。

較早時的哈瑪星

頭家比喻哈瑪星的轉變像是國中生變成大學生的過程，哈瑪星古早的時陣足多買賣錢的流動，這馬是具有歷史文化的城市。哈瑪星過去是鬧熱的商業區，別人看起來現今足歹景氣，但是就在地人來講這是一段成長的過程，這馬少年人靠過去的經驗，用有歷史溫度的方式來發展有生命力的種種產業。

見證哈瑪星的改變

較早tsia1攏是做生理、商場，(相同)時(siang7-si5)是賣魚、魚仔市、菜市仔。毋過佇漁港漸漸沒落了後，足多附加產業ma7綴(tue4)了外移（銀行、攤販、五金行）。希望佇tsia1會當創造出不仝款的產業形式。

『敢會當也佮駁二仝款，發展有潛力的觀光、文創？』

『tsia1沓沓仔咧改變，(相同)時也是有感情，有連結，就算可能趁bo5比出外人較多，抑毋過會當留佇tsia1見證哈瑪星的改變。』

身為在地的高雄人，頭家對哈瑪星的熱愛，毋比別人少。頭家因為熱情、興趣，抑是對tsia1的改變。

因為想beh4親目見證伊的轉變，這種期待，造就伊這碼的事業，而且伊ma7樂在其中。

創業動機佮理念

學生時代時，店頭家也有佇餐廳拍工，雖然伊本身不是學煮食的，毋過就綴人沓沓仔學，閣加上家己就(tsiu7)料理上頂懸的想法，也會使創造屬於(siok8-i5)家己風味e7料理。

(相同)時(siang7-si5)，用了一年的時間改造厝，攢(tshuan5 )菜單，開到現在三年多。阿爸阿母hoo7家己的大部分是對待人客的道理，比如對待人客的態度要客氣，共人客當做神明。但有時其實也毋免太好客( honn3-kheh4)，頭家舉例說：一寡餐廳也是頭家攏漚屎面(au3-sai2-bin7)，毋過猶是足多人去食啊！抑毋過服務品質就頭家來說猶是上主要的核心(hik8-sim1 )。『共逐个人客攏當做朋友來看待』也是一種待客方式，也是這馬佇足多新興e7餐廳、咖啡店，也會拄著的一種待客形式，比較於原本禮貌上的服務，這款親民感就頭一擺來訪的人客，會當較自在、快活的享受而且適應這個環境。

對土地的情感，傳承現有的文化，盡家己一份心力去改造，親目見證哈瑪星的轉變。