阿足姨肉粽專賣店

自細漢e5時陣，阿伯著佇e5小琉球和哈瑪星兩頭走闖，阿伯小學讀附近e5鼓山國小，彼當陣就有這間厝了，毋過當時只想欲轉去小琉球，所以國中就轉去小琉球讀書。19歲娶了太太，阿公拄才過往沒多久，無忍心看著阿媽一e5人留佇遐，煞共小琉球e5厝處理掉，𤆬啊罵和太太做伙來哈瑪星住。

阿伯做兵轉來了後，就佇一間做插頭e5公司上班，雖然無講大富大貴，也毋故日子嘛是過了袂䆀，後來查某囝和後生出世了後，四e5囡仔生活較歹過，阿足姨才想欲開店，一開始什麼攏袂曉，著要四界學，彼e5時陣只賣三項物件，肉粽、塗豆粽、碗粿，雖然說賣的物件不多，猶毋過彼個時陣廟口擱足鬧熱，所以生意嘛是袂䆀。一直到後來，阿伯e5公司想要徙去中國大陸，阿足姨不希望伊去，阿伯想說拄仔好年歲嘛到了，就退休轉來佮阿足姨做伙扞這間店。

退休了後，阿足姨的菜單按三項慢慢阿變作現在e5模樣，阿伯說這馬菜單頂懸大部分的菜攏是伊佮阿足姨一項一項「發明」出來的，伊說氣味這種物件是無法度對別人遐學來e5。提出菜單來看，一項一項，其實攏藏著兩个人的心，一對翁仔某的口味。阮相信阿足姨的手路原本著真好，只是兩e5人同齊來做，一定比一個人故較有力。就像菜若是傷鹹傷汫攏不好食，就愛有鹹有汫才會續嘴；一項菜食不飽，就愛有飯有菜有湯，飯桌排乎滇滇，按呢才是圓滿。