第五組
大溝頂-典芳行
佇鹽埕區大溝頂，uì 五福路有名个李家圓仔冰邊仔个巷仔內行入去，看起來已經衰落个商場，猶有零星个電火猶 koh teh 堅持，典芳行tio̍h是其中一間。
典芳行是一間主要teh 賣面巾、手工製作个囡仔衫的店，大小事lóng 是頭家娘林媽媽一手包辦，店面看起來真細！物件煞是真齊全，各種布料、囡仔衫、針車lóng有，甚至講拍開鏡个後piah著是一个有灶跤的所在！
老闆娘-林媽媽
今年72歲个林媽媽，uì鳳山嫁來鹽埕48年。當初時厝內是賣米糕个，表姊佇堀江商場開店做生意，伊著到表姊店內做店員。林媽媽个翁彼時振佇隔壁店做工課，大伯專門走船來往香港佮臺灣，翁婿負責到碼頭接貨載貨轉來店內，日久生情做伙無到半年著結婚。
翁仔某開始做走水个生意，走遍韓國、日本、香港、泰國去買貨。林媽媽講當時化妝品、鞋子黑白提，轉來堀江生意有夠好，店定定開到晚時十點才會當歇睏。所以請一个奶母來照顧，無真正連煮飯个時間mā無，較免講欲有時間出去耍。
過去與現在的生活
現此時，這間五十年个老店已經無四十年前「黑白提轉來人mā是買了了」个生意。雖然商場个物件猶琳瑯滿目，毋過乾凋有老主顧抑是熟識个人會買。當地个租金更加是直直落，「以前這tah个厝稅上少mā要萬五起跳，這馬剩三千不到，若是閣欲萬來元家己著要開錢倒貼開店à，車一領衣褲干賺幾十塊哪有法度。」
猶毋過 ，就這馬ê生活，林媽媽開朗ê講：「毋過囡仔大漢tio̍h免管tsiah濟，做tse趁bô 偌濟錢，這馬免飼囡仔，阮厝邊頭尾就是來tsia做伴，下晡五點孫仔放學轉厝了後我mā綴轉去厝。」
這馬ê伊靠勞保月退過生活，雖然後生嘛會當飼伊，但是林媽媽認為無需要予別人飼，家己飼家己tio̍h會使。這馬猶閣佇大溝頂、堀江ê店大多數是老大人佇維持，因為囡仔佮孫仔日時攏bô佇厝，林媽媽擔心家己關佇厝ē無健康，所以嘛是繼續來tsia開店，算是來tsia耍。
「tse是老歲仔工，我興趣做tse，無人beh買我看了嘛好」，林媽媽指著架仔頂懸一領一領可愛ê囡仔衫補充著。
架仔頂懸縫ê囡仔衫
林媽媽是虔誠ê教會信徒
人生價值觀
原本家庭信奉佛道教ê林媽媽，結婚了後tio̍h綴內家改信基督教。佇彼个時代改變原本ê宗教信仰，敢厝內無任何異議？針對阮ê問題，林媽媽表示厝內人非常尊重伊，伊家己嘛知影，若人在生ê時陣攏無予囡孫好好有孝，人過身了後tsiah一直燒香拜拜一寡路用攏無，因為過身ê人根本感受無。看開ê林媽媽嘛bat共伊查某囝講，若是有一工家己老頹，一定愛予伊送去療養院。因為伊知道照顧病人是一件足辛苦ê事志，甚至拄著緊急情況ê時陣，嘛毋希望做插管治療抑是氣切。情願順從性命流逝，嘛毋願倒佇病床頂看厝內人艱苦。
故來，對於厝邊頭尾為著家伙冤家ê事志，林媽媽mā感覺一家伙仔毋免siunn計較，逐家生活花花仔tio̍h好。tshiūnn這馬e7典芳行khǹg真濟手工ê囡仔衫，雖然無人teh買、thàn袂tio̍h錢，但是對林媽媽來講無要緊，因為做ê是家己佮意佮足𠢕ê事志。人只要有飯好食、有事志好做，tio̍h夠矣。
林媽媽心肝開闊、不共人計較。伊講，只要有房間好tuà、毋是睏著路邊，其實tio̍h會使矣。佇過去，林媽媽ê大嬸嬤希望去tuà in tau，伊mā是非常歡迎。雖然只有予伊十萬khoo，但是伊感覺無要緊，一間予別人tuà mā無啥物問題。故後來，伊主動放捒家己ê厝，搬到尾仔囝ê厝樓跤。可能mā是因為按呢，大嬸嬤一家伙仔攏對伊袂䆀，大嬸嬤ê新婦故講會當煮林媽媽愛食的物件予伊食。
林媽媽ê姪仔來ê時陣，伊叫in the̍h走十幾領伊做ê衫。她想著彼陣姪仔歡喜kah欲死，問講是按怎the̍h tsiah濟。林媽媽佮伊講，有一天我若是轉去矣、無佇咧矣，恁愛the̍h tio̍h無矣。林媽媽故講：「歡喜tio̍h好、是欲計較啥，家己做ê本錢省省ê一領thàn十幾khoo niā，thàn一百khoo無法度，我做tio̍h需要蕾絲，故愛家己染，予人染一擺愛五十！攏白ê去染。所以tse thàn無錢、所以人欲出價我攏不予伊出，我甘願送mā不愛賣，實在是足俗矣。一條面巾欲買mā欲五十khoo，我故愛去台南，買衫弓仔、打離夢，離夢我攏家己打矣，綁這個緞帶，染蕾絲，一條賣一百五thàn十幾khoo 。是講佇這爿好過日tio̍h好，真正無咧thàn錢。」
政治觀點
佇臺灣白色恐怖時期，佇這個地區就算是公務員，嘛ê 予政府抓走。當時的林媽媽嘛是tsiok細漢，加上逐家為了生活攏佇做生意，毋是特別了解政治，只有聽別人說。後來美麗島事件，予伊這輩人都瞭解到戒嚴時期台灣人是按那hōo國民黨迫害。再加上聽說朋友ê老爸被人抓走。hōo 伊對國民黨更無法信任。民進黨在高雄ê執政時期，伊認為：駁二的發展帶動觀光、現代捷運公車攏很方便、在氣爆後政府嘛進行了好勢的處理，hōo 她會當堅定地支持民進黨。而針對這擺韓國瑜當選高雄市市長，林媽媽表示希望伊會當說ê到做ê到，毋通hōo高雄市民ê失望。
林媽媽說道：「這馬愛看韓國瑜hōo 我們好野，拚觀光？拚他的頭啦，還沒拚昨天就花好幾百了，還聽他的，我沒在聽。」
附近ê店頭家
佇談話中，林媽媽不時穿插對附近店頭家ê關心: 像是郭家肉粽因為表示支持陳其邁結果hōo韓粉thó-ià，hōo其他支持陳其邁ê客人閣較願意來食飯。
附近ê阿綿麻糬本來沒啥人知影，發生殺人事件予媒體報導了後 ，本來15元ê麻糬漲價到幾十塊。阿羅哈滷味本來只有一家，擁有慣練技術ê姊姊負責經營，後來袂曉滷味ê弟弟因為外人ê要求在隔壁開店後致使姊弟因為競爭生意感情毋好。走出巷仔，外面ê李家圓仔冰生意真好，也是伊這馬拜六禮拜會去鬥相共ê店。故來，西仔灣ê林媽媽雞排共她是親戚。頭家攏叫伊金婆。台大畢業了後佇公司上班，但是因為要被派去中國而決定轉厝賣雞排。佮林媽媽開講，予阮了解附近社區ê發展，mā深深體會著伊對這片土地mā關心。
佇阮走以前，林媽媽貯了一大碗家己豉ê菜頭予逐家食、送了一kha 手工用牛仔布thīnn ê篷布袋，故tsio 阮去食伊拜五攏會包ê肉粽。這種獨獨老店頭家ê親切佮手工技術是鹽埕埔才有ê迷人所在，可惜mā是這馬上容易無去ê光景。
有閒ê時陣，歡迎逐家到平常時陣袂進去ê鹽埕巷仔內kiânn-kiânn，看看罕得ê手路，故有大溝頂美麗ê文化地景。