因為這馬郭媽媽徙來的遮是店面，租金比起較早閣較貴，所以她嘛有閣較大的壓力，但是卵餅的價數低、利潤少，趁無啥物錢，所以郭媽媽就開始賣飯，親像排骨飯。她為著欲吸引學生仔來消費，就增加真濟種口味，然後加飯加菜嘛免錢，郭媽媽有講過伊毋驚人客食，趁錢第一，第二著是一定愛予人客食e5歡喜，閣來著是愛考慮學生仔無咧趁錢，上少嘛愛予in1食了會滿足。郭媽媽講這馬遮咧所在遊客無濟，必須靠網路來宣傳，人客嘛袂使攏是學生仔，若無若是抵著歇寒佮歇熱，著會無人，所以也是需要觀光客佮在地e5居民來捧場。雖然做到舊年已經滿兩年矣，但是郭媽媽並無歇睏日，甚至過年時陣嘛照常做工課。雖然人客定定會有真濟奇怪e5要求，但是郭媽媽並無拒絕過in1，嘛幾乎無起過歹面，因為伊認為忍氣才會當求財，激氣甘焦會相刣。