Batxilergoa

FUNTSEZKO KONPETENTZIAK:

Batxilergoaren xedea da ikasleei prestakuntza, adimen eta giza heldutasuna, ezagutzak, trebetasunak eta jarrerak ematea, eginkizun sozialak garatzeko eta bizitza aktiboan erantzukizunez eta behar bezalako gaitasunarekin sartzeko aukera izan dezaten. Horrekin batera, Batxilergoak erraztu behar du ikasleek etorkizunerako, prestakuntzaren aldetik eta arlo profesionalean, ezinbestekoak dituzten konpetentziak eskuratzen eta goi mailako hezkuntzan sartzeko gaitasuna eman behar die.

Helburu horiek betetzeko, etapa honek lagundu behar du ikasleek aurrera egin dezaten konpetentzien garapenean, Derrigorrezko Bigarren Hezkuntza bukatzean izan behar duten garapen-mailatik abiatuta, oinarrizko irakaskuntza bukatzean ikasleek duten irteera-profilean zehaztu bezala. Irteera-profil horretan jasotzen diren funtsezko konpetentziak honakoak dira:

1. Hizkuntza komunikaziorako konpetentzia.

2. Eleaniztasunerako konpetentzia.

3. Matematika konpetentzia, eta zientzia, teknologia eta ingeniaritza konpetentzia.

4. Konpetentzia digitala.

5. Konpetentzia pertsonala, soziala eta ikasten ikastekoa.

6. Herritar konpetentzia.

7. Ekimenerako konpetentzia.

8. Kulturaren kontzientzia eta adierazpenerako konpetentzia.

Europar Batasuneko Kontseiluak 2018ko maiatzaren 22ko Gomendioan, etengabeko ikaskuntzarako funtsezko konpetentziei buruzkoan, ezarritako funtsezko konpetentziak Espainiako hezkuntza sistemara egokitzearen emaitza dira. Egokitzapenaren arrazoia da beharrezkoa dela konpetentzia horiek lotzea, batetik, XXI. mendeko erronka eta desafioekin, eta, bestetik, hezkuntza formalaren testuinguruarekin, zehazki Hezkuntzari buruzko maiatzaren 3ko 2/2006 Lege Organikoan hezkuntza sisteman ezarritako printzipio eta helburuekin. 

FUNTSEZKO KONPETENTZIEN DESKRIPTORE OPERATIBOAK BATXILERGOAN:

Zehazten dira funtsezko konpetentziak banan-banan, Batxilergoaren bukaeran espero den eskuratze-mailari dagozkion deskriptore operatiboak ere adierazita. Etapen arteko jarraitutasuna, koherentzia eta kohesioa errazteko eta argi adierazteko, oinarrizko irakaskuntzarako aurreikusitako deskriptore operatiboak ere azaltzen dira. 

Garrantzitsua da esatea funtsezko konpetentzietako bakoitza eskuratzeak laguntzen duela beste guztiak eskuratzen. Ez dago hierarkiarik haien artean, eta ezin da ezarri korrespondentzia esklusiborik ikasgai bakar batekin; aitzitik, konpetentzia horiek ikasgai guztien ikaskuntzetan zehazten dira, eta, aldi berean, horietan gertatzen diren ikaskuntzetatik abiatuta eskuratzen eta garatzen dira.

Batxilergoko etapako irakaskuntzen curriculuma ezartzen duen 72/2022 Foru Dekretuaren I. Eranskina deskarga dezakezu, gako gaitasunekin eta deskriptore operatiboekin eskuineko PDFan

• Espainiako Historia.

• Filosofiaren Historia.

• Gaztelania eta Literatura II.

• Euskara eta Literatura II, hala dagokionean.

• Atzerriko Hizkuntza II.

1. Maila:

Ikasleek Latina I edo Gizarte Zientziei Aplikatutako Matematika I ikasiko dute lehen mailan, gehi modalitateko beste bi ikasgai, hauen artean aukeratuak:

• Ekonomia.

• Grekoa I.

• Mundu Garaikidearen Historia.

• Latina I.

• Literatura Unibertsala.

• Gizarte Zientziei aplikatutako Matematika I.

2. Maila:

Ikasleek Latina II edo Gizarte Zientziei Aplikatutako Matematika II ikasiko dute, bakoitzak aukeratzen duena, gehi modalitateko beste bi ikasgai, hauen artean aukeratuak:

• Enpresa eta Negozio Ereduen Diseinua.

• Geografia.

• Grekoa II.

• Artearen Historia.

• Latina II.

• Gizarte Zientziei aplikatutako Matematika II.

Hezkuntza Departamentuak arautuko du aukerako ikasgaien eskaintza, barruan hartuta, gutxienik ere, atzerriko bigarren hizkuntza bat.

Ikastetxeek beraiek diseinatutako ikasgaien proposamenak egiten ahalko dituzte, Hezkuntza Departamentuak xedatutakoaren barruan.

Errege dekretu honen I. eranskinean deskribatu eta ikasgai bakoitzaren konpetentzia espezifikoetan zehazten diren funtsezko konpetentziak eskuratu eta garatzeko, lagungarriak izanen dira ikasleak beren ikaskuntzaren eragiletzat hartzen dituzten metodologiak. Horretarako, ezinbestekoa da ezartzen diren proposamen pedagogikoek ikasleen interesguneak izatea oinarri, eta, horiek areagotuta, ahalbidetzea ezagutzaren eraikuntza autonomiaz eta sormenaz egin dezaten, beren ikaskuntzak eta esperientziak abiapuntu hartuta. Ikaskuntza egoerak tresna eraginkorra dira ikasgaietako curriculum elementuak integratzeko, zeregin eta jarduera esanguratsu eta garrantzitsuen bidez, arazoak sormenez eta lankidetzan konpontzeko, autoestimua, autonomia, ekimena, hausnarketa kritikoa eta erantzukizuna sendotzearekin batera.

Konpetentziak bereganatzea eraginkorra izan dadin, ikaskuntza egoerek ongi kontestualizaturik egon beharko dute, eta ikasleen esperientziak eta errealitatea ulertzeko moduak errespetatu beharko dituzte. Era berean, egoera horiek zeregin konplexuek osatuta egon beharko dute, zeregin horiek bideratzeko ikaskuntza berriak eraikitzeko beharra izan dezaten eta haien etorkizun pertsonal, akademiko eta profesionalerako treba ditzaten. Egoeren bitartez, ikasleei aukera eman nahi zaie ikasi dutena konektatzeko eta bizitza errealeko testuinguruetan aplikatzeko. Horrela planteaturik, ikaskuntza egoerek, Ikaskuntzarako Diseinu Unibertsalaren printzipioekin lerratuta, aukera ematen dute ikasten ikasteko eta bizitza osoan zeharreko ikaskuntzatako oinarriak ezartzeko, prozesu pedagogiko malguak eta eskuragarriak sustatzen baititu, ikasleen behar, ezaugarri eta ikaskuntza erritmoekin bat datozenak eta haien autonomia sustatzen dutenak.

Ikaskuntza egoeren diseinuak eragin behar du ikasleek ikasi dutenaren transferentzia egitea, etapa honen berezko ezagutzak, abileziak eta jarrerak modu koherentean eta eraginkorrean egituratzeko aukera emateko. Egoeren abiapuntua da oinarrizko zenbait jakintza bere baitan biltzen dituzten helburu argi eta zehatz batzuk planteatzea. Horrez gain, multzokatze mota batzuk sustatzen dituzten zereginak edo jarduerak proposatu behar dituzte, bakarka nahiz taldean lan eginda, eta aukera eman behar die ikasleei pixkanaka erantzukizun pertsonalak modu autonomoan bere gain hartzeko eta lankidetzan aritzeko, planteatutako erronkari sormenezko konponbidea emateko xedearekin. Egoerak gauzatzeak hitzezko produkzioa eta interakzioa eragin behar du, eta baliabide egiazkoak erabiltzea hainbat euskarri eta formatu analogiko nahiz digitaletan. Ikaskuntza egoerek sustatu behar dituzten alderdiak denon interesarekin, jasangarritasunarekin edo elkarbizitza demokratikoarekin lotutakoak dira, funtsezkoak baitira ikasleak presta daitezen XXI. mendeko erronkei eraginkortasunez erantzuteko.

Batxilergoko etapako irakaskuntzen curriculuma ezartzen duen 72/2022 Foru Dekretuaren III. eranskina deskarga dezakezu, eskuineko PDFko ikaskuntza-egoerekin. 

Halaber, BALIABIDEAK, orrira sar zaitezke, non gutxienez ikasgai bidezko ikaskuntza-egoera bat landu den, dok. formatuan deskarga daitekeena.

BATXILERGOKO 1. MAILA     BATXILERGOKO 2. MAILA

-Musika Analisia I. -Musika Analisia II.

-Arte Eszenikoak I. -Arte Eszenikoak II.

-Biologia, Geologia eta Ingurumen Zientziak. -Biologia.

-Biologia, Geologia eta Ingurumen Zientziak. -Geologia eta Ingurumen Zientziak.

-Korua eta Ahots Teknika I. -Korua eta Ahots Teknika II.

-Marrazketa Artistikoa I. -Marrazketa Artistikoa II.

-Marrazketa Teknikoa I. -Marrazketa Teknikoa II.

-Marrazketa Teknikoa I. -Marrazketa Teknikoa Arte Plastikoetara eta 

Diseinura Aplikatua II.

-Marrazketa Teknikoa Arte Plastikoei -Marrazketa Teknikoa Arte Plastikoetara

 eta Diseinuari Aplikatua I. eta Diseinura Aplikatua II.

-Fisika eta Kimika. -Fisika.

-Fisika eta Kimika. -Kimika.

-Grekoa I. -Grekoa II.

-Latina I. -Latina II.

-Gaztelania eta Literatura I. -Gaztelania eta Literatura II.

-Atzerriko Hizkuntza I. -Atzerriko Hizkuntza II.

-Matematika I. -Matematika II.

-Matematika I. -Gizarte Zientziei aplikatutako Matematika II.

-Gizarte Zientziei Aplikatutako Matematika I. -Gizarte Zientziei aplikatutako Matematika II.

-Teknologia eta Ingeniaritza I. -Teknologia eta Ingeniaritza II.

Batxilergoko etapako irakaskuntzen curriculuma ezartzen duen 72/2022 Foru Dekretuaren IV. eranskina jaitsi dezakezu eskuineko PDFan, Batxilergoko ikasgaien arteko jarraitutasunarekin.