EIBZko 2017-18ko 2. lauhileko ikastaroak

Izena emateko epea: azaroaren 30etik abenduaren 19ra.

Ikastetxean euskara sustatzeko ondorengo programek jarraipena izanen dute 2018 urte osoan zehar. Deialdiak urte hasieran eginen dira.

• Egonaldiak euskaraz bizitzeko 2017

• Solaskide programa 2017

• Liburuak gozagarri 2017

• Bertsolaritza irakaskuntzan 2017

Irakasleendako laguntzak euskara ikasteko eta/edo hobetzeko deialdia 2018an argitaratuko da.

“Maleta ibiltariak” zerbitzu berria EIBZn | EIBZko liburutegia 

Iruñerritik kanpo dauden ikastetxeei (hauek izango baitute lehentasuna) aukera emango zaie 1-2 maleta ibiltari ikastetxean bertan jasotzeko EIBZra, Uhartera, etorri behar izan gabe. Zerbitzua doakoa da eta Correos Express garraio-enpresaren bitartez egingo da; haiek arduratuko dira maletak ikastetxera eramaten eta, mailegu-epea pasatakoan, maletak ikastetxean jasotzen eta EIBZra ekartzen.

Mailegu epea betikoa izango da: hilabete.

Kamishibai berriak EIBZn | EIBZko liburutegia 

Kamishibai proiektuaren blogetik deskargatuta, 23 ipuin berri ditugu, eta bakoitzetik bina ale, EIBZn mailegatzeko prest. Ipuin hauek Carmen Aldama irakaslearen gidaritzapean hainbat urtetan egindako tailerretan sortu dira. Batzuk euskaraz eta gaztelaniaz daude; beste batzuk, euskaraz, gaztelaniaz eta ingelesez.

Hemendik aurrera, eta Iruñerritik kanpoko ikastetxeentzako batik bat, doako garraio-zerbitzua eskainiko dugu. Beraz, anima zaitezte eta maileguan eska itzazue!