Fáilte
Is é is aidhm leis an acmhainn idirghníomhach seo tacú le múinteoirí bunscoile punanna digiteacha a úsáid chun measúnú múnlaitheach a chur i bhfeidhm. Leagtar amach sna míreanna sa chlár thuas cén chaoi punanna digiteacha a chur i bhfeidhm go héifeachtach agus a úsáid le do chuid scoláirí.
CAD IS PUNANN DHIGITEACH ANN?
Is éard is punanna digiteacha ann “...spásanna oibre digiteacha idirghníomhacha ar leis na scoláirí iad inar féidir leo taifead a dhéanamh ar an bhfoghlaim a dhéanann siad agus ar a smaointe, rochtain a fháil ar a gcuid oibre, machnamh a dhéanamh ar an bhfoghlaim, an obair atá déanta acu a roinnt, spriocanna a leagan amach, aiseolas a iarraidh agus an fhoghlaim atá déanta acu agus na rudaí atá bainte amach acu a thaispeáint.”
CNCM, (2013)
CAD IAD NA GNÉITHE ATÁ I bPUNANN DHIGITEACH?
Tá trí ghné ag baint le Punann Dhigiteach - stóras, spás oibre agus taispeántas.
Gné 1 - Stóras: Féadfaidh scoláirí a bPunann Dhigiteach a úsáid mar stóras digiteach inar féidir leo samplaí oibre a chruthú agus a bhailiú.
Gné 2 - Spás Oibre: Sa spás oibre, féadfaidh scoláirí pleananna a dhéanamh, spriocanna a leagan amach, eispéiris foghlama a eagrú in ord ama, bheith ag comhoibriú lena gcomhscoláirí agus machnamh a dhéanamh ar a gcuid foghlama féin agus ar obair a gcomhscoláirí.
Gné 3 - Taispeántas: Is féidir, le gné taispeántais na Punainne Digití, inniúlachtaí agus éachtaí an scoláire a léiriú, chomh maith leis na tascanna atá déanta aige.
Chun tuilleadh eolais a fháil faoi na gnéithe sin agus chun treoir phraiticiúil a fháil maidir le punanna digiteacha a úsáid le do chuid scoláirí, féadfaidh tú breathnú ar an EUfolio: ePortfolio Implementation Guide for Policymakers and Practitioners.
Míníonn an físeán seo na trí chomhpháirt seo, tugann sé breac-chuntas ar na cineálacha samplaí oibre a fhéadfaidh a bheith i bPunann Digiteach agus soláthraíonn sé dhá shampla de phunann taispeántais.
Videoscribe Portfolios.mp4Gearrchúrsa Oide Teicneolaíocht san Oideachas
D'fhorbair Oide TiE gearrchúrsa saor in aisce bunaithe ar Phunanna Digiteacha a thógann thart ar 1.5 uair an chloig le cur i gcrích. Áirítear le hábhar an chúrsa:
Réamhrá ar phunanna digiteacha do mhúinteoirí
Cur síos ar na buntáistí agus na feidhmeanna a bhaineann le punanna digiteacha
Achoimre ar shamhail phróiseas na punainne digití
Físeáin a léiríonn an chaoi a bhfuil punanna digiteacha á n-úsáid ag múinteoirí in Éirinn chun teagasc, foghlaim agus measúnú a fheabhsú
Forbhreathnú ar an tionchar a bhíonn ag punanna digiteacha ar ról na múinteoirí agus na ndaltaí
Chun teacht ar an gcúrsa, cliceáil anseo chun clárú le do chuntas Scoilnet.
Cliceáil ar na naisc thíos chun tuilleadh a fhoghlaim faoi cén chaoi punanna digiteacha a úsáid le do chuid scoláirí chun measúnú foirmitheach a chur i bhfeidhm agus cén chaoi a bhféadfadh ardán digiteach do scoile tacú le húsáid na bpunann digiteach.