ár n-acmhainní teicneolaíochta
Foghlaim Feabhsaithe Teicneolaíochta
Cuirimid réimse teicneolaíochta ar fáil chun tacú lenár mic léinn laistigh dár n-ionaid agus dár gcláir. Tá ár seirbhís Bhreisoideachais agus Oiliúna (FET) tiomanta d’eispéiris foghlama a chruthú i dtaca leis an teicneolaíocht dhigiteach agus ag an am céanna scileanna digiteacha agus buntáistí na saoránachta digití a chur chun cinn go gníomhach laistigh dár gcláir agus dár n-ionaid.
Cuntas Ríomhphoist
Tá cuntas ríomhphoist ETB Dhún na nGall ar fáil do gach mac léinn ó Bhord Oideachais agus Oiliúna Dhún na nGall nuair a thosaíonn siad ar a gcuid staidéir linn den chéad uair. Is féidir an seoladh ríomhphoist seo a úsáid chun cumarsáid a dhéanamh ar bhealach slán sábháilte le do mhúinteoir teagaisc ón gcúrsa, múinteoir nó teagascóir. Chomh maith leis seo oibríonn sé le raon bogearraí, feidhmchláir agus cuireann spás ar fáil le haghaidh stóráil comhad ar líne in aisce do do chuid comhaid ar fad.
Scéim Iasachta Gléasanna
Cuireann Seirbhís FET ETB Dhún na nGall scéim iasachta gléasanna ar fáil do mhic léinn chun tacú lena gcuid staidéar. Is féidir le mac léinn ríomhaire glúine, Chromebook nó gléas hibrideach (Surface Go), a shíniú amach ag brath ar do chlár staidéir. Beidh na bogearraí cuí suiteáilte ar an ngléas a ligfidh duit taighde a dhéanamh le haghaidh tascanna nó gníomhaíochtaí féintreoraithe eile a thacaíonn le d’fhoghlaim sa seomra ranga nó san ionad. Ligeann an gléas in éineacht leis an seoladh ríomhphoist do mhic léinn rochtain a fháil ar fhoghlaim go cianda má sheachadtar aon ranganna laistigh de do chúrsa sa mhód seo.
Cé gur acmhainn iontach iad an t-idirlíon agus gléasanna soghluaiste, tá rioscaí áirithe ag baint leo chomh maith. Bí cinnte dea-nósanna sábháilteachta ar líne a chleachtadh chun tú féin agus do chuid faisnéise pearsanta a chosaint.
Teicneolaíocht Chúnta
Tá bogearraí ar fáil do mhic léinn chun tacú leis an bhfoghlaim agus go háirithe, tá raon de theicneolaíochtaí cúnta ar fáil má tá míchumas ar leith agat nó má tá riachtanais tacaíochta foghlama agat.
Mar shampla, tá an bogearra ‘Immersive Reader’ ar fáil chun tacú le mic léinn a bhfuil disléicse orthu sa seomra ranga agus tá fáil air ar ríomhairí glúine agus ríomhairí pearsanta.
Tá C-Pens ar fáil freisin. Teicneolaíocht chúnta is iad na C-Pens chun tacú le mic léinn. Is peann é seo a léann téacs agus a aistríonn go focail labhartha é. Cabhraíonn sé le daoine a bhfuil disléicse orthu nó le daoine nach bhfuil in ann léamh téacsanna a thuiscint tríd an téacs a léamh amach. Tá sé deartha chun bacainní do dhaoine a bhfuil disléicse orthu ó thaobh scrúduithe agus staidéir a bhriseadh síos.
Tá bogearraí léitheoireachta scáileáin ar fáil do mhic léinn a bhfuil lagú amhairc orthu.
Ag brath ar riachtanais shonracha, tá tacaíochtaí teicneolaíochta ar fáil trínár n-ionad ar fad agus in sna seirbhísí a chuirimid ar fáil. Má theastaíonn tuilleadh eolais uait, is féidir leat labhairt le do chomhordaitheoir nó múinteoir teagaisc.
Moil le haghaidh Foghlaim le Cuidiú Teicneolaíochta (TEL) agus Wi-Fi & rochtain ar an idirlíon
Tá an leathanbhanda is déanaí feistithe inár n-ionaid FET go léir agus tá rochtain Wi-Fi ar fáil do na mic léinn ann. Agus ár moil teicneolaíochta á leathnú againn, tá spásanna ar fáil do mhic léinn chun áit a chur in áirithe i gceann de na moil chun tacaíocht a fháil ó bhall foirne. D’fhéadfadh aon rud ó; úsáid a bhaint as an mol do rochtain idirlín go staidéir thacaíochta, conas rochtain a fháil ar a gcuntas ríomhphoist agus é a úsáid nó chun cabhair a fháil le tasc a phriontáil, a bheith san áireamh anseo.
Polasaí Beir leat do Ghléas Féin
Tá ETB Dhún na nGall ag forbairt polasaí Beir Leat Do Ghléas Féin (BYOD) a ligfidh duit do ríomhaire féin nó do ghléas leictreonach a úsáid i do chúrsa más fearr leat. Tá scéim iasachta gléasanna againn chomh maith, ar féidir leat níos mó a fhoghlaim faoi thuas.
Le haghaidh tuilleadh eolais ar aon tacaíocht teicneolaíochta déan teagmháil le do theagascóir, bainisteoir ionaid nó comhordaitheoir an chúrsa.