acmhainní agus faisnéis do mhic léinn
Acmhainní Ginearálta agus Faisnéis Ghinearálta
Grinnfhiosrúchán an Gharda Síochána
I gcás roinnt cúrsaí breisoideachais agus breisoiliúna de chuid Bhord Oideachais agus Oiliúna Dhún na nGall, ní mór grinnfhiosrúchán an Gharda Síochána a chur i gcrích i leith na mac léinn ionas gur féidir leo tosú ar an taithí oibre nó an socrúchán oibre mar chuid dá gcúrsa. Aon mhac léinn atá ag gabháil do chúrsa ina mbeifear ag obair le leanaí agus le daoine fásta leochaileacha, ní mór grinnfhiosrúchán an Gharda Síochána a dhéanamh ina leith. Is próiseas é sin chun seiceáil an bhfuil taifead coiriúil agat, nó an bhfuil aon chúis shonrach ann go bhféadfá a bheith i do bhagairt ar dhaoine leochaileacha. Is é Biúró Náisiúnta Grinnfhiosrúcháin an Gharda Síochána a dhéanann grinnfhiosrúchán an Gharda Síochána.
Gheobhaidh tú tuilleadh eolais faoi phróiseas grinnfhiosrúcháin an Gharda Síochána anseo:
Podchraoladh OMG! What a Complete Education!
Tá podchraoladh úrnua á chur i láthair ag údair na sraithe leabhar móréilimh Oh My God, What a Complete Aisling, Emer McLysaght agus Sarah Breen – OMG! What a Complete Education! Is i gColáiste Breisoideachais Bhaile Formáid a casadh an bheirt sin ar a chéile ar dtús, agus beidh siad i mbun comhrá le foghlaimeoirí ó gach cearn d’Éirinn, idir óg agus sean agus iad ó chúlraí éagsúla, chun teacht ar thuiscint ar an gcaoi ar chabhraigh an t-oideachas leo a rogha slí bheatha a bhaint amach. Is ar an oideachas i gcomhair an tsaoil atá OMG! What a Complete Education! dírithe, agus déanfar iniúchadh ann ar na roghanna éagsúla atá ar fáil trí Bhreisoideachas agus Oiliúint ar fud na hÉireann.
Is féidir leat dul chuig an bpodchraoladh anseo, trí shuíomh Gréasáin ETBI.
Tá sé ar fáil freisin ar Spotify, Apple Podcasts, agus ar mhórsheirbhísí eile a óstálann podchraoltaí.
Tá eolas agus scileanna toilithe gnéis ina bpríomhchuid de shláinte agus folláine ghnéis dhearfach.
Cad is toiliú ann?
Is comhaontú leanúnach, frithpháirteach agus a thugtar gan brú é toiliú, chun páirt a ghlacadh i ngníomhaíocht ghnéasach. Baineann sé le gach caidreamh, gach inscne, agus gach gnéasacht.
Is féidir linn achoimre a dhéanamh air mar seo a leanas LFGB (leanúnach, frithpháirteach agus gan brú) (OMFG) do chách!
Cathain a bhfuil toiliú uait
Teastaíonn toiliú uait le haghaidh gach cineál gníomhaíochta gnéis – lena n-áirítear ach gan a bheith teoranta do phógadh, tadhaill, gnéas béil, lánúnas agus gnéastéacsáil/íomhánna nochta a sheoladh.
Teastaíonn toiliú uait freisin gach uair a dhéanann tú gníomhaíocht ghnéasach le duine; fiú má tá tú i gcaidreamh. Díreach mar go dtoilíonn tú féin nó do pháirtí le gníomh gnéasach amháin, ní chiallaíonn sé sin go dtoilíonn siad le gníomhartha eile.
Agus, díreach toisc go ndearna duine rud éigin uair amháin, ní chiallaíonn sé go dtoilíonn siad leis arís.
Is fearr i gcónaí toiliú a iarraidh, le haghaidh gach rud agus gach uair.
Más rud é gur bhraith tú gur fhulaing tú foréigean gnéasach, ciapadh nó ionsaí, tá cabhair ar fáil:
Líne Chabhrach 24-uair de chuid an tIonad Náisiúnta Géarchéime um Éigniú - 1 800 77 8888
Is féidir leat dul i dteagmháil le hotline.ie chun ábhar mídhleathach amhrasta a thuairisciú go rúnda agus gan ainm, mar eachtra de mhí-úsáid ghnéasach íomhá-bhunaithe.
Más éigeandáil atá ann nó má tá tú i mbaol práinneach, glaoigh air 999 nó 112.
Chun tuilleadh faisnéise a fháil faoi cad is toiliú ann agus cén fáth a bhfuil sé tábhachtach, is féidir leat an suíomh Gréasáin Toiliú Gníomhach a sheiceáil. Soláthraíonn an suíomh seo eolas ar na bunghnéithe toilithe, cumarsáid le comhpháirtithe agus foréigean gnéasach.
Tagann an t-eolas sa chuid seo ón suíomh Gréasáin Toiliú Gníomhach.