scileanna staidéir
Leideanna Staidéir
Tá an físeán seo cruthaithe ag Seirbhísí Tacaíochta Mac Léinn Bord Oideachais agus Oiliúna (ETB) Dhún na nGall chun cuidiú le mic léinn a gcuid scileanna staidéir a fhorbairt le go mbeidh rath orthu ina rogha cúrsa.
Scríbhneoireacht agus Tagairtí
Lámhleabhar Tagartha
Lámhleabhar Scríbhneoireachta Acadúil
Scríobh Aistí
BRADAÍL
Ábhar tromchúiseach atá sa bhradaíl agus d’fhéadfadh go ngearrfaí pionóis ar mhic léinn a thug faoi bhradaíl, na mic léinn céanna a bhaint ón gcúrsa ina measc.
Míneoidh na treoracha atá ar fáil thuas agus do mhúinteoir conas tagairt do scríbhneoirí eile go cruinn agus deimhin a dhéanamh de gur d’obair agus d’fhocail féin atá ann i gcónaí.
Ag úsáid Microsoft 365
Ag úsáid Google Docs
Clóscríobh ó bhéal in Microsoft Word nó Google Docs
Bainistiú Ama
Tá scileanna bainistithe ama tábhachtach do mhic léinn go n-éireoidh leo ina rogha cúrsa
Tá an físeán seo a leanas cruthaithe againn chun cuidiú le mic léinn cur lena gcuid scileanna bainistithe ama.
Mapaí Intinne
Is féidir le mapaí intinne cuidiú leat athbhreithniú a dhéanamh ar treocht ginearálta an ábhair atá idir lámha nó topaic staidéir, tionscnamh a eagrú, nó feidhmiú mar chreat le haghaidh tascanna.
Is féidir leat mapaí intinne a chruthú ar pháipéir, le Microsoft Word nó Powerpoint, nó ar-líne
Sa bhreis ar sin tá roinnt suíomhanna gréasáin ar féidir leat a úsáid le mapa intinne a chruthú. Tá roinnt samplaí ar fáil anseo thíos:
Spriocanna SICRU (SMART)
D’fhéadfadh go gcabhródh sé leat tuilleadh ratha a bheith agat ag baint amach do spriocanna má dhéanann tú iad a scríobh síos ag úsáid an teicníc SICRU. Acrainm atá in SICRU a chiallaíonn:
S - Sonrach
Is fusa sprioc shonrach a bhainistiú seachas sprioc mhór ghinearálta. Mar shampla, b’fhéidir gurb é do sprioc ghinearálta oibriú i gcúram leanaí. Mar sin féin, tá an sprioc seo chomh ginearálta go bhféadfadh sé a bheith deacair fios a bheith agat cá háit le tosú. Ina áit sin, déan an sprioc níos sainiúla, mar shampla, cáilíocht tosaigh a fháil i gcúram leanaí.
I - Intomhaiste
Más féidir leat do dhul chun cinn i dtreo sprice a thomhas, cabhraíonn sé leat fanacht ar an mbóthar ceart agus a bheith níos spreagtha chun leanúint ort. Mar shampla, b'fhéidir gur mhaith leat d'aclaíocht a mhéadú. Conas is féidir leat do dhul chun cinn i dtreo na sprice seo a thomhas? Rogha amháin a d’fhéadfadh a bheith ann ná d’am reatha a thaifeadadh. Ar an mbealach seo, is féidir leat a fheiceáil conas a mhéadaíonn do luas agus tuiscint a fháil ar do dhul chun cinn i dtreo do sprioc folláine iomlán.
C - Comhaontaithe
Níl an pointe seo i gceist chun tú a dhíspreagadh, ach chun cabhrú leat tuiscint a fháil ar cad a theastaíonn uait chun do sprioc a bhaint amach. Smaoinigh ar na scileanna nó na hacmhainní a bheadh de dhíth ort chun do sprioc iomlán a bhaint amach. Mura bhfuil na rudaí sin agat fós, is féidir leat na scileanna nó na hacmhainní sin a bhaint amach spriocanna níos lú i dtreo do mhórsprioc.
R - Réalaíoch
Ba chóir go mbeadh do sprioc ábhartha duit. Smaoinigh ar an bhfáth a bhfuil an sprioc seo á leagan síos agat agus cad é an rud atá tú ag súil le baint amach agus é críochnaithe agat. Tá seans níos fearr go mbainfidh tú sprioc amach a bhfuil baint láidir aige leat féin agus le do shaol óir gur bhfanfaidh tú spreagtha.
U - Uainithe
Cuideoidh sé leat sna hullmhúcháin agus ag cloí leis an tasc má shocraíonn tú achar áirithe ama do do sprioc. Smaoinigh ar na céimeanna go léir, na daoine atá i gceist, agus na srianta ama seachtracha. Mar shampla, más mian leat teanga nua a fhoghlaim, b’fhéidir go smaoineofá ar roinnt fachtóirí: Cé mhéad ama atá agat gach lá le cleachtadh? Cén leibhéal a bhfuil súil agat a bhaint amach? Cabhróidh sé seo leat fráma ama a chruthú a choinníonn tú ar an mbóthar ceart agus spreagtha.
