Hindi lahat ng kabataan ay isinilang na mapalad dahil ang iba ay kapos-palad. Dahil bilog ang mundo, walang mananatiling nasa alapaap at walang habang buhay na nakatanaw sa alapaap. 

Ang taong nanatiling ang mga mata ay nasa langit at ang paa ay nasa lupa na binuno at kinaharap ang hirap na may kasamang tapang.

Si Gimarl Garrovillas, isang guro at kasalukuyang naglilingkod bilang SK Chairperson ng Baras Rizal Brgy. Santiago na itinuturing na ‘’local skill director’’  kung saan nakapokus siya sa paglilingkod sa kabataan, mula sa kanilang responsibilidad, pangangailangan at partisipasyon sa lipunan.

Kababaan ng bilog

Lingid sa kaalaman ng lahat bago marating ni Garrovillas ang katungkulang ito ay lumaki siya sa kahirapan sapagkat ang kaniyang ama ay isang ‘’construction worker’’ kung kaya’t habang siya ay nag-aaral hindi sapat ang kinikitang pera ng kaniyang ama upang ipangtustos ito sa pangaraw-araw kasama na ang kaniyang pag-aaral. Ngunit ang kahirapan at ang kaniyang paninindigan na ang kahirapan ay hindi isang hadlang  ay nagmitsa sa kaniyang paglilingkod sa pamayanan. Kinakitaan siya ng kakayahan na kinakailangan ng lipunan at mula sa pag-uudyok sinubok niya ang ikot ng kaniyang mundo sa pagtakbo bilang SK Kagawad noong taong 2018 hanggang 2023 ‘’sinubukan ko para wala akong regrets’’ at ang kaniyang pagaalinlangan ay nagbunga ng kaniyang paglilingkod sa bayan kung saan nagsilbi siyang boses ng kabataan at maging sa sektor ng edukasyon, ang ilan sa mga programang sa kaniyang administrasyon tulad ng ’ Katipunan Kabataan Profilling o KK Profilling’’ isang sarbey na isinasagawa ‘online’ kung saan maaring ilahad ng mga kabataan ang kanilang inaasahan at kailangan sa pamayanan na maaring tugunan ng sanggunian at ang libreng pagpapagamit ng pasilidad na tinawag na  ‘’Santiago Community Hub’’ kung saan libre ang mga gadyet tulad ng laptop, desktop, at printer para sa kasanayan ng mag-aaral.

Sa tuktok ng walang sulok

Ngunit sa pagtatapos ng kaniyang panunungkulan panibagong ikot ng kaniyang mundo ang kaniyang kinaharap. Ito ay ang kaniyang kataasan sa buhay nang makamit niya ang lisensya bilang guro noong makapasa siya sa ‘Licensure Examination for Teachers’ kung saan ganap siyang naging guro at tinawag na ‘’LPT Passers’’, ngunit, sa kabila ng propesyong kaniyang taglay binalikan niya ang paglilingkod at pagpapanday ng kaalaman sa pamamagitan ng paglilingkod sa bayan. Muli, sinubok niya ang kapalaran at tumakbo bilang SK Chairperson mula 2023 hanggang sa kasalukuyan 2026 aniya ‘’ tumakbo uli ako kasi ayokong maging multo lang ito’’ hindi niya nais na multuhin siya ng mga posibilidad sa mga bagay na kaniyang maaring gawin. 

Dagdag pa niya ‘’para walang regrets, if not now, then when’’, muli niyang pinatunayan na ang paglilingkod sa bayan ay walang katapusan. Sa kaniyang pamumuno ang kaniyang palagiang gawi ay ang pagtugon sa hinaing ng nakararami tungo sa kabutihang panlahat dahil naniniwala siyang ‘’ the voices of the people is the god’s will’’,  na ang boses ng sambayanan ay naayon sa kagustuhan ng Diyos.

Sa mahigit siyam niyang paglilingkod sa kabila ng mga hamon at pagaalinlangan pinanatili niyang hindi siyang habang buhay na nakatanaw na lamang sa mga posibilidad o mga maaring mangyari sa kaniyang buhay sapagkat umaksyon siya nang  buong tapang. Mula sa bawat pag-ikot ng mundo nagsimula siya sa kababaan ng kaniyang buhay at tinapos ng may kataasang loob na paglilingkod.

Dahil kinuha niya ang kaya at nais niyang abutin at dinala niya ang kaya niyang pasanin  sa kabila ng mga bagay na hindi niya kayang kontrolin  ay hindi niya binigyang pansin ang hindi tanaw ng paningin. 

IBA PANG MGA LATHALAIN

➤ Himpilan at Sandingan: Ang Sangguniang Kabataan at Pribadong Samahan tungo sa Kinabukasan

➤ Mass Promotion: Ang Tugon ng Pamayanan tungo sa Kaunlaran ng Kabataan

➤ Tatlong Panitik sa  Sustainability: Ang Kapangyarihan ng Panulat tungo sa  Pagbabago

➤ Sagana sa kakulangan: Mga Hamon at Kalbaryo ng mga Samahan para sa Kabataan