Dalawang matatalinong guro sa Mababang Paaralan ng Dugo sa katauhan nina Gng. Agnes R. Membrot, Teacher 3, at Gng. Zeny P. Aquino, Teacher 2 ang magkasunod na nagpakitang gilas sa kanilang Virtual Home- School Observation (VHSO) na ginanap noong Mayo 25, 2021.

Ayon sa kanila isang malaking karangalan ang kanilang Virtual Home- School Observation (VHSO) dahil bihirang pagkakataon lang ito na dinaluhan ng mga mabibigat na personalidad sa Dibisyon ng Cagayan na sina Madam Chelo Tangan, ( Assistant Schools Division Superintendent), Sir Gery Goze (EPS in Science), Madam Veronica P. Palmea ( PSDS), at Madam Rizza G. Rarama, punong guro ng Mababang Paaralan ng Dugo.

Layunin ng VHSO na paunlarin ang kakayahan at mailabas ng mga guro ang kanilang mga talento o pagiging malikhain sa pagtuturo sa makabagong paraan. Layunin din nitong gawin masaya , enjoyable at para mailabas ang kritikal na pagiisip sa parte ng mga bata gamit ang tinatawag na distance learning lalo na ngayong panahon ng pandemya.

Laking pasasalamat ng dalawang guro sa pagbabahagi nina Madam Tangan, at Sir Goze ng kanilang oras/ panahon,para maibahagi sa kanila ang kanilang kakayahan, kaalaman at talento sa pagtuturo. Dahil sa mga puna at puri nina Tangan at Goze lalong napaunlad at napalawak ang kaalaman ng dalawang guro sa pagtuturo.

Pinasalamatan din nila ang mga bata at magulang sa kanilang walang sawang pagmamahal at suporta sa mga guro.

Namigay ang RPQ Foundation, Incorporated sa Mababang Paaralan ng Dugo ng pondo para sa “ learning kits” ng 240 na mahihirap/ indigent na mga mag- aaral ng paaralan sa pamamagitan ni Gng. Milagros Querubin Vice- President ng nasabing foundation noong ika- apat ng Marso 2021.

Nakamit ang proyektong ito sa tulong ng mga sumusunod: Doctora Desireeh Casauay- Bulauitan,G.Jovencio Bumatay ( SGC President), G. Edgar Martinez ( PTA President), barangay partners Hon. Christopher Pascua ( Brgy. Jurisdiccion), Virgilio Delos Santos ( Brgy. Gen. E. Batalla), Hon. Wlfredo Martinez ( Brgy. Bantay), Hon. Sharon A. Udarbe (Brgy. Dugo), Hon. Elena Rosario ( Brgy. Felipe Tuzon), Tagapangasiwa ng Distrito ng Camalaniugan Dr. Veronica P. Palmea, Dr. Rizza G. Rarama, punong –guro ng Mababang Paaralan ng Dugo at ang mga masisipag na mga guro ng nasabing paaralan .

Ang nasabing learning kit na ipinamigay ay naglalaman ng plastic envelop, lapis,papel, krayola, at ballpen. Ang mga A4 reams na bondpaper ay naiwan sa eskwelahan na siyang gagamitin sa pag imprenta ng mga modules ng mga bata.

Ang Vice- President ng RPQ Foundation ngayon na si Gng. Milagros Querobin ay naisilang, lumaki sa Dugo Camalaniugan, Cagayan at nag- aral sa Mababang Paaralan ng Dugo.Kaya malapit sa kanyang puso ang nasabing paaralan.

Labis ang kagalakan ng mga magulang at mag-aaral na nakatanggap ng ganitong klaseng tulong galing sa RPQ Foundation.Muli, labis ang pasasalamat ng eskwelahan sa ibinigay na learning kit ng naturang foundation. “ It’s not how much we give, but how much love we put into giving.”- Mother Teresa. Mabuhay RPQ FOUNDATION, Incorporated! Dugo Elementary School Where Young Minds Grow.

Seremonyal Kick -Off, Idinaos

Bago magsimula ang pagbubukas ng klase ngayong Oktubre 5, 2020,nagsagawa ng Kick Off Ceremony ang Mababang Paaralan ng Dugo noong Septyembre 30, 2020 na may temang “ Sama sama sa pagsulong ng Edukalidad, Handang handa na ang isip, Handang handa na ang puso, Para sa kinabukasan. Dugo Elementary School, Handang handa na kami!”

Pinangunahan ni Dr. Rizza G. Rarama, PhD, punong guro ng paaralan ang seremonyal Kick Off. Maagang nagtungo ang mga guro sa bawat feeder barangay ng paaralan para ipaalam sa mga tao,magulang at mga bata na malapit na ang pagbubukas ng kanilang klase sa New Normal na pag- aaral ng mga bata. Unang pinuntahan ng mga guro ang Barangay Jurisdiccion, sumunod ang Barangay Gen. E. Batalla, Barangay Bantay at Barangay Dugo.

Nakita at naramdaman ng mga guro ang init na pagsalubong ng bawat barangay sa kanila na pinangunahan ng masisigasig at matatalinong mga punong barangay kasama ng kanilang mga opisyales. Napatunayan din nila na handang handa na talaga ang mga mag- aaral, at magulang sa pagbubukas ng klase ngayong taong 2020.