T-xin

Yek’b’il tu’n tb’ant tb’anil tumel xnaq’tzb’il, tz’aqsb’il u’j te xnaq’tzab’il ex ak’a’j aq’unb’il tu’n tb’ant jun xnaq’tzab’il at tajb’en kye ajxnaq’tzanjtz.

B’ixnaq’tz

• Qeb’il

• Tu’m’e’l yekyb’il te xnaq’tzb’il ajlal tuj tumel

• Tu’m’e’l yekyb’il te xnaq’tzb’il yolil ex q’umyol

• Naq'l te nuk'xnaq'tz ajlal tuj tumel

• Naq'l te nuk'xnaq'tz yolil ex q’umyol

• Aq’unb’il te mlob’l ojtzqib’l ajlal tuj tumel

• Aq’unb’il te mlob’l ojtzqib’l yolil ex q’umyol

Xilb’il nuk’b’ab’il

Aju jun txol jeky’b’il toj chmob’l yo kub’ b’inchan kyun xnaq’tzal te tqaqin xjawkol te xnaq’tzb’il xnaq’tzanjtz toj kab’e yol kye k’wal kyxol nuj xjal. FID-CUNOC-USAC jun chitl tk’wel tu’me’l ja ta yeky’b’il kyeju ajxnaq’tzal tun tonwt kyaq’un kyxol k’wal ex ati ju naq'l te nuk'xnaq'tz etzuju aq’unb’il te mlob’l ojtzqib’l matxi q’et toklen ju ajlal tuj tumel exju yolil ex q’umyol tun tb’en txnaq’tzan k’wal toj ojtzqib’l tuntzu tten xnaq’tzb’il toj tzalajb’il ex junantib’il.

Eju junxichaqtl tch’uxal xnaq’tzb’il ma tzok toklen ikysen ajun: tch’uxal txmilal mo tla jun tqan exju min b’inku mo chkin, mo tla jun tq’ob’ mo aju twi nya toj tzinun taya, mo exjunjuntl yab’ xnaq’tz in el yal toj ju jaxnaq’tzb’il

Aju b’ixnaq’tz toj yeky’b’il lu k’onil teju ajxnaq’tzal tib’aj ju taq’un te yek’ul ojtzib’l kyxol jun k’loj k’wal.

Xtulb’il yekyb’il.

Aju yekyb’il toju tchmob’l yol “te lex qkyaqil ti tun tb’ent qxnaqtzan” b’inchan tun tb’ent junantib’il to ju ja xnaq’tzb’il “los Ajanel” te kojb’il speranz q’uli ti’jxi’x aju tu’me’l naq'l te nuk'xnaq'tz naqlo aju in xi kayet qa tilil tij tun tkub’ kyaq’unan eju ajxnaq’tal kyxol k’wal ex tun tokx kyq’on eju k’wal tijun jun tch’uxal kyxmilal toj ja xnaq’tzb’il qun le’x qkyaqil ati tun qxnaq’tzan toj jun tu’me’l ex tun lay qijlanqib’ b’anlo qa ti jun qch’uxal mo tla qun aju qoklen a ti tun tkub’ b’in ex ati tun qxnaq’tzan tib’aj ijlantib’il qa taq’ux.

Aju yeky’b’il lu in tqyon tun tok tq’inumalil ojtzqib’il te jun nimaq ajxnaq’tzal teje jaxnaq’tzb’il toju tnejel kol ajxi tpon toj tqaqin kol, tib’aj mlob’l ojtzqib’l exu yeky’b’il te Tu’m’e’l, naq'l te nuk'xnaq'tz in ex toju ajlal tuj tumel yolil ex q’umyol qun eju kab’e k’lijinxnaq’tzlo eju ja tun txi qeja tb’e xnaq’tzb’il te tkyaqil in tjyonxi jun b’an yeky’b’il toj jun tu’me’l tzinunxix ex ja kyb’entela tun k’wal tun tmoje txnaq’tzb’il ojtzq’intl tun tuky’il tzma in ok tojtzqin, ex tun tb’ent tjunpaqx tun mo aju tsak’il en tun tjaw tb’inchan ju txim junix mo txim aju in pjet te.

Aju tajb’illu yeky’b’il tun txi tq’nju ajxnaq’tzal toklen ex tun tkub’ tq’on junajtib kye k’wa ltoj xnaq’tzb’il tun tzu kyolin mo eye tun tjaw kyq’ojq’ojal toj kyojtzqib’l ja tun la kyana ijlantib’il tuntz tb’ent nab’l lu iltij tun tkub’ tximan ajxnaq’tzal qa ti tun taq’una kyuk’il ju k’wal senkux kayin mo senkux ten, atzu nab’l lu kyb’entel tun tnab’lij txqantl tu’me’l xnaq’tzb’il. Te jun jun k’wal.

Ti tu’m’el te ajxnaq’tzal tichaqile’ aju naq'l te nuk'xnaq'tz tuntzu tch’ixpet nab’l tib’aj ojtzqib’l kyxol k’wal mo eju xnaq’tzal tuntzu tokyal aju ch’iysb’il ti’j ojtzqib’l te kynab’l aju tun kyb’in, en tun ten nab’ab’l, yol ex ximal tun ch’iyxi’x ojtzqib’l, atzuju yeky’b’il ok’ajb’el te onb’il ti’j jun xnaq’tzb’il kyxol junxichaq tnab’l jun jun k’wal te jaxnaq’tzb’il, qu atiju junjuntl tru’me’l txnaq’tzb’il tuntzuju kyb’entela tu’jin ex tz’ib’an ex ky7aneb’il tij tojtzqib’l ex okel tojtzqin txantl b’iyol.

Tilixix ti’j tun ten toj jaxnaq’tzb’il aju naq'l te nuk'xnaq'tz exju tu’me’l xnaq’tzb’il qun onb’ilxix teju kyojtzqib’l xnaq’tzaql ex tilil ti’j tun kyxnaq’tzan eju ajxnaq’tzal tun txi kyniman k’wal toj sak’il, qua ju lu in onin tun txi k’wal ojtzqil nim b’iyol tojx tu’mel mo tu’me’lx txim tun txnaq’tzanxix tjunal le’xju ajtxilq’e toj txnaq’tzb’il.