Uppskeran

Lagt er upp með að lokaverkefnið sé einstaklingsverkefni en einhverjir völdu að vinna að verkefninu með öðrum. Nemendur völdu einn af eftirfarandi fjórum valkostum. Ef smellt er á valkostina er þar nánari lýsing á þeim.

A: Þróunaráætlun með greinargerð

B: Viðtal við skólastjórnanda um stöðu og aðgerðir til að þróa lærdómssamfélag

C: Fræðileg greinargerð um valið hugtak eða viðfangsefni

D: Rannsóknarkennslustund

Á Uppskerunni er reiknað með að höfundar verkefna hafi 15 mínútur til ráðstöfunar til að kynna lokaverkefnið og svara fyrirspurnum áheyrenda. Kynningin getur verið á glærum eða öðru formi sem höfundar velja að henti viðfangsefninu (sjá dæmi um verkfæri, önnur er Power Point). Í kynningunni er farið yfir aðalatriði verkefnisins. Sjá matsviðmiðin fyrir kynninguna.

Það er til mikils hagræðis fyrir samnemendur við að velja sér kynningar að hlusta á ef glærurnar ásamt örstuttri kynningu á verkefninu eru settar inn á Padlet-vegginn hérna fyrir neðan áður en kynningin fer fram (t.d. kvöldið áður). Ekki skylda, bara hagræði, ef allt er klárt þá.

9:00 Hittumst öll í aðalrými Uppskerunnar á Zoom - slóðin inn í aðalrýmið er hérna

Farið yfir fyrirkomulag dagsins

9:15 Fyrstu lotur málstofanna

Hver málstofa fær eigið hópaherbergi (breakout-room) og kaffistofan verður svo fjórða herbergið.

10:25 Aðrar lotur málstofanna

11:35 Þriðju lotur málstofanna

11:50 Allur hópurinn hittist í aðalrými Uppskerunnar.

Ígrundun, reynslan dregin saman og dagskránni slitið.

12:30 Dagskránni slitið.

Allan morguninn eigið þið þess kost að spyrja spurninga og setja ummæli við kynningar samnemenda á Padlet-vegg Uppskerunnar. Svo verður kaffistofan opin allan morguninn. Þar getið þið hist þegar þið viljið til að spjalla saman eða slaka á. Eða bara bæði.

Ef þið segið frá viðburðinum á samfélagsmiðlum t.d. Twitter notið þá myllumerkið #uppskeran21 og svo auðvitað myllumerkið #menntaspjall. Þá fá fleiri en bara þeir sem eru viðstaddir að heyra af kræsingunum á hlaðborði uppskeruhátíðarinnar.