Kung titingnan halimbawa ang mga palabas na Kingdom, Zombieland, World War Z, at Black Summer pare-pareho ang paglalarawan (hitsura) sa zombie. Wari mga bangkay na muling nabuhay, naaagnas, may nakatiwangwang na bukas o tapyas na bahagi ng katawan, nagsasanib na tuyot at sariwang dugong kalat sa katawan, at matang mabalasik/nanlilisik o may tumatagas na dugo mula sa mata.