NeWs and Events

आपण देशसेवा करणाऱ्या सैनिकांसाठी काहीतरी देणे लागतो या निखळ भावनेतून प्रेरित होऊन आपली बहुमूल्य मदत सैनिकासाठी – सशस्त्र सेना ध्वजदिन निधी साठी देवून सैनिकांचे मनोबल वाढविण्याचे सत्कार्य श्रीमती सुनिता भालचंद्र दाते, वय वर्षे – 78 रा. नौपाडा ठाणे यांनी आज दिनांक 01 जुलै 2022 रोजी आपल्या निवृत्ती नंतरच्या बचत मधून रुपये – 5 लाख (रुपये पाच लाख) चा धनादेश मा. राजेश नार्वेकर (भा.प्र.से.) जिल्हाधिकारी ठाणे यांच्याकडे सुपूर्द केला. या वेळी श्रीमती दाते यांची सुपुत्री सौ.शुभदा खरे व मेजर प्रांजळ जाधव(नि) जिल्हा सैनिक कल्याण अधिकारी उपस्थित होते.

प्रसंगी मा.जिल्हाधिकारी यांनी श्रीमती दाते यांचे त्यांनी केलेल्या दातृत्वा बद्दल आभार मानले व प्रत्येक नागरिकांनी त्यांच्या सोयी प्रमाणे या कार्यात सहभागी होणे गरजेचे आहे असे संबोधन केले.