ببلیکل شاٹ کورسز مختصر مدتی تعلیمی پروگرام ہوتے ہیں جو بائبل کے مطالعے اور اس کے مختلف پہلوؤں کو سمجھنے کے لیے بنائے گئے ہیں۔ یہ کورسز ان لوگوں کے لیے مفید ہوتے ہیں جو بائبل کے بارے میں بنیادی یا مخصوص موضوعات پر فوری علم حاصل کرنا چاہتے ہیں، چاہے وہ مذہبی لیڈرز ہوں، عام افراد ہوں، یا ببلیکل سٹڈیز میں دلچسپی رکھنے والے طالب علم۔  یہ کورسز سب کے لئے مفید ہیں۔ تہلیم انسٹیٹیوٹ نے چند شارٹ کورسز تیار کئے ہیں۔ ان کورسز کی فیس اور طریقہ کار درج ذیل ہیں۔ ان میں ہر کورس کی مدت مطالعہ 3 ماہ ہو گی۔ مطالعہ ماکمل کرنے کے بعد متعلقہ کورس کا سرٹیفکیٹ جاری کیا جائے گا۔

یہ شارٹ کورسز بائبل کے مختلف موضوعات کو سمجھنے اور ببلیکل سٹڈیز میں دلچسپی رکھنے والوں کو مزید معلومات فراہم کرنے کے لیے ایک بہترین ذریعہ ہیں۔ کورس فیس کے علاوہ جو دیگر اخراجات ہوں گے وہ مندرجہ ذیل ہیں۔

رجسٹریشن فیس (صرف پہلی بار) -/500 روپئے

ایڈمشن فیس (ہر کورس کی علہدہ فیس ہو گی) -/500 روپئے

سرٹیفکیٹ فیس:   -/500 روپئے

ڈاک کے اخراجات:   -/500 روپئے

امتحانی فیس:   -/500 روپئے

جو کورس آپ منتخب کرتے ہیں اس میں یہ مندجہ بالا فیس بھی ضرور شامل کر لیں، مثال کے طار پر اگر آپ "علم الیہی کا تعارف" کورس منتخب کرتے ہیں تو 1000 اس کورس کی فیس میں مندرجہ بالا فیس 2500 شامل کر لیں یوں علم الہی کا تعارف کورس کی فیس 3500 روپے ہو گی۔ اسی طرح آپ دیگر کورسز کو حساب لگا سکتے ہیں۔

طریقہ کار

تہلیم انسٹیٹیوٹ آف بِبلیکل سٹڈیز کے اس تعلیمی سفر میں ہم آپ کو خوش آمدید کہتے ہیں۔ اُمید کرتے ہیں کہ آپ اس تعلیمی عمل سے برکت پائیں گے اور خدا کی بادشاہی کے لئے لوگوں کو تیار کرنے میں کوشاں رہیں گے۔ تہلیم انسٹیٹیوٹ آف بِبلیکل سٹڈیز کا طریقہ تعلیم بہت آسان ہے ۔اس میں آپ کو کتب ادارے کی طرف سے مہیا کی جائیں گی اور جو کتب ادارے کہ پاس دستیاب نہ ہوں گی ان کے حصول کے لئے طریقہ کار آپ کو مہیا کر دیا جائے گا۔ تہلیم انسٹیٹیوٹ آف بِبلیکل سٹڈیز سے کسی بھی ڈگری/ سرٹیفکیٹ کے حصول کے لئے مندرجہ ذیل اقدام ضروری ہیں۔

رجسٹریشن و داخلہ

امتحانی مشقیں حل کرنا اور ادارے کو بھیجنا

فائنل امتحان دینا

• رجسٹریشن و داخلہ کے بعد آپ کو رجسٹریشن اور داخلہ نمبر الاٹ کر دیا جاتا ہے۔ اور کتابیں ارسال کر دی جاتی ہیں۔ ادارے کے ساتھ خط و کتابت کی صورت میں اپنا رجسٹریشن اور داخلہ نمبر ضرور لکھیں۔ اور ہمیشہ رجسٹرڈ ڈاک یا TCS کے ذریعے بھیجیں۔ بصورتِ دیگر تمام تر ذمہ داری آپ پر عائد ہو گی۔

• ادارے کی جانب سے آپ کو کتابیں اور امتحانی مشقی سوالات ارسال کئے جائیں گے۔متعلقہ مضمون کے مطابق کتابیں پڑھ کر ان سوالات کے جواب سادہ لکیردار کاغذ پر تحریر کر کے اپنا نام رول نمبر اور رجسٹریشن نمبر لکھ کر واپس ادارے کو ارسال کریں۔ تمام مشقیں موصول ہونے کے بعد آپ کا امتحان لیا جائے گا، جس میں کامیابی کی صورت میں  نمبر لگا کر آپ کو رزلٹ کارڈ بھیج دیا جائے گا۔ 

• تمام سمسٹر مکمل کرنے کے بعد آپ ڈگری/ ڈپلومہ/ سرٹیفکیٹ کے حصول کے اہل قرار پائیں گے اور ڈگری فارم بمعہ فیس ادارے کو ارسال کریں گے تو آپ کو مطلوبہ ڈگری جاری کر دی جائے گی۔ 

• ایک سمسٹر کا مدتِ مطالعہ 6 ماہ ہوتا ہے اور اُسی کے دوران امتحانی مشقیں حل کر کے بھیجنا لازمی ہوتا ہے۔ امتحانی مشقیں ارسال نہ کرنے اور امتحان نہ دینے کی صورت میں داخلہ کینسل کر دیا جاتا ہے اور طالب علم کو دوبارہ رجسٹریشن فیس اور داخلہ فیس ادا کر کے داخلہ لینا پڑتا ہے۔ 

داخلہ کے لئے ضروری کاغذات

داخلہ فارم آن لائن دستیاب ہے۔ اس داخلہ فارم کے ہمراہ مندرجہ ذیل کاغذات ارسال فرمائیں۔

1. اپنی تمام تعلیمی اسناد کی تصدیق شدہ فوٹو سٹیٹ کاپی۔

2. اپنی تمام بائبلی تعلیم کی اسناد کی تصدیق شدہ کاپی (یہ آپ اپنے چرچ پاسٹر سے تصدیق کروائیں)

3. چرچ کی جانب سے تصدیق نامہ۔

4. اپنی 2 عدد پاسپورٹ سائز تازہ تصاویر۔

5. اپنے شناختی کارڈ یا ب فارم کی فوٹو سٹیٹ کاپی۔

6. شناختی کارڈ یا ب فارم نہ ہونے کی صورت میں تاریخ پیدائش کا تصدیق شدہ ثبوت۔

7. مقررہ فیس ( نقد، بینک ڈرافٹ، منی آرڈر یا موبائل ٹرانسفر کی صورت میں)

ہدایات

• داخلہ فارم اچھی طرح پڑھ کر پُر کریں ۔ نامکمل داخلہ فارم یا کسی بھی غلطی کی صورت میں یا کاٹ چھانٹ کی صورت میں داخلہ فارم ناقابل قبول ہو گا۔

• تاریخ پیدائش اور انگریزی کی معلومات احتیاط سے پُر کریں۔ یہ آپ کے رزلٹ کارڈ اور اسناد پر پرنٹ کی جائے گی۔ غلطی کی صورت میں آپ خود ذمہ دار ہوں گے۔

• تہلیم انسٹیٹیوٹ آف ببلیکل سٹدیز کا سارا تعلیمی نصاب اُردُو زبان میں ہو گا۔ امتحانی مشقیں اور فائنل امتحان بھی اُردُو زبان میں لیا جائے گا۔

• ادارے کی جانب سے جاری کی جانے والی تمام اسناد، رزلٹ کارڈ انگریزی زبان میں جاری کئے جائیں گے۔

• داخلہ فارم رجسٹرڈ ڈاک یا ٹی سی ایس (TCS) کے ذریعہ ارسال فرمائیں۔ نارمل ڈاک سے نہ ملنے یا دیر سے ملنے کی صورت میں ہم ذمہ دار نہ ہوں گے۔

• ادارے کی جانب سے کورس کا مواد اور کتابیں رجسٹرڈ ڈاک کے ذریعے ارسال کی جاتی ہیں۔

• آپ کی طرف سے داخلہ فارم ملنے کے ایک ماہ کے اندر اندر کورس کی کتابیں ارسال کر دی جاتی ہیں۔ کتابیں نہ ملنے کی صورت میں یا دیر سے ملنے کی صورت میں فوراََ رابطہ کریں۔

• یاد رکھیں کہ تہلیم انسٹیٹیوٹ آف ببلیکل سٹڈیز کی خدمات صرف بائبلی تعلیم تک محدود ہیں۔ آرڈنیشن کرنا یا کلیسیا ء اور چرچ مہیا کرنا ادارے کی ذمہ داری نہیں ہے۔

موجودہ دور میں جب مہنگائی کا عفریت ہر چیز کو نگل رہا ہے اور ہر چیز بہت مہنگی ہو رہی ہے ۔ اسی طرح کتابوں کے کاغذ سے لے کر چھپائی اور ترسیل کے اخراجات بھی بہت بڑھ گئے ہیں۔ اس کے علاوہ دیگر اخراجات بھی بہت بڑھ گئے ہیں۔ اگر آپ کسی سیمنری میں باقائدہ داخلہ لے کر علمِ الٰہی کی تعلیم حاصل کریں تو کم سے کم پانچ لاکھ اور زیادہ کی کوئی حد نہیں۔ اس کے علاوہ اپنا گھر بار ، کام کاج، کاروبار اور دیگر دلچسپیاں بھی چھوڑنا پڑتی ہیں۔ مگر تہلیم انسٹیٹیوٹ آف بِبلیکل سٹڈیزآپ کو گھر بیٹھے صرف ضروری اخراجات کی مد میں فیس وصول کر کے اعلیٰ اور معیاری بائبلی تعلیم مہیا کرتا ہے۔