1986-yil 11-iyulda O‘zbekiston Respublikasi avtomobil transporti vazirligining 440-sonli buyrug‘iga asosan Toshkent sirtqi avtomobil va yo‘llar texnikumi tashkil etildi. O‘zbekiston Respublikasi Vazirlar Mahkamasining 2003-yil 29-oktabrdagi 473-sonli qarori va O‘rta maxsus, kasb-hunar ta’lim markazining 2004-yil 27-yanvardagi 16-sonli buyrug‘iga asosan «Toshkent avtomobil va yo‘llar texnikumi” Toshkent avtomobil va yo‘llar kolleji (TAYK) ga aylantirildi. Uning Nizomi o‘zgartirilib, 2004-yil 29-apreldagi 97-sonli buyruq bilan «Toshkent avtomobil va yo‘llar kasb-hunar kolleji” nomi bilan o‘z faoliyatini yangitdan boshladi. O‘zbekiston Respublikasi Prezidentining 2019-yil 6-sentabrdagi «Professional ta’lim tizimini yanada takomillashtirishga doir qo‘shimcha chora-tadbirlari to‘g‘risida”gi PF-5812-sonli farmoni bilan Toshkent avtomobil yo‘llari kasb hunar kolleji Toshkent avtomobil yo‘llar texnikumi etib, qayta tashkil etildi.

• TAYTda maxsus fan o’quv xonalari “GIZ PECA 5 doirasida ICON-INSTITUT tomonidan amalga oshirilgan Markaziy Osiyoda iqtisodiy o'sish sektorlari uchun professional ta'lim” loyihasi tomonidan mutaxassislik fanlarini o'qitishda zamonaviy axborot kommunikatsion texnologiyalari bilan jihozlangan. Haydovchilik guvohnomasini olish uchun imtihonlarga tayyorlashda test dasturlari bilan ta'minlangan.

• TAYT bitiruvchilari  "B", "C" VA "BC" toifali haydovchilik guvohnomasiga ega bo'lishlari mumkin.