My reflections

Add your reflections about making the memrise course here. What was easy what was hard. What advice would you give to someone who might work on it in the future.

Ass any other reflections you have about making the portfolio.

MEMRISE

Ko taku tuanga apii kua rekareka tikai toku ngakau ko te memrise. Taau e te puapii Sally Akevai Nicholas i apii e te akaari mai kia matou mataora no te mea kua akaoraora mai koe i to matou inangaro i te reo na roto i te taangaangaanga i te roro uira. Iaku ko teia apiianga no te taangaangaanga i te roro uira i te apii i te reo e meitaki tikai te reira. Ka inangaro te tamariki i te rave i teia raveraveanga no te mea ka rave ratou i teia angaanga i runga i te roro uira kare e tata ki roto i te puka. Manga taii rai i te tamou i teia tuanga o te apii no te mea e maata te au takainga taau ka rave e tae ei koe ki te openga. Inara, iaku ka rere te tamariki i te opu mai i teia tuanga apii.

E akakoroanga meitaki tikai teia no te mea ka riro teia i te akamatutu e te akamaroiroi iaku puapii i te apiianga i to tatou reo Maori na roto i te taangaangaanga i te roro uira.

Pumaana tikai toku ngakau no teia apii ei tauturu iaku e toku au taeake puapii i roto i teia are apii. Na teia i reira e akamatutu kia mako e kia tano meitaki ta matou apiianga o te reo. Ko teia katoa tetai tuanga apii ou ka inangaro e ka rave te tamariki no te mea e apii ou kia ratou e na ratou katoa e rave i te angaanga I runga I te roro uira.

Kare e rauka iaku I te tiaki kia akamata te apii kia tamata au i te rave i teia kia kore e ngaro. Tera ra te taitaia nei au no te mea kare a maata ana ta matou roro uira I te apii e ka ta ora roa ia e tetai taime kare e tano ki te taime ka apii koe I taau pupu. Inara, ka akamaroiroi I te taangaanga I teia kia kore e ngaro e kia kite te tamariki i teia.

KARAMA

Ko teia tetai apii e reka ana au no te mea kua maramarama au i teia nei eaa taku ka rave e akapeea me tuku ki roto i te takiato korero:

Te kupu- tumu (base), e te kupu patikaro, me kore ra te kupuungaunga (particles). Teia tuanga apii ka mou me rave au i tetai au ra i te epetoma.

Te au tu verepa e te au tu takiato korero

Kua apii ana matou i teia tuanga apii ko te verepa, kare ra e apiianga tikai no runga i teia au tu verepa. Kua kite ua matou e, e tai rai tu verepa. Mataora i te kite i teia au apinga ou.

Pupu rikiriki

Te au angaanga i roto i te au pupu, mataora tikai te reira no te mea tuketuke te au tu apii tei orongaia mai ma te taangaanga i te roro uira i roto i teia au tuanga apii.

Ko teia au mārama ou tei rauka mai no konei i to matou taunga o te reo, Sally Akevai Nicholas maru tikai te ngakau. Te ngakau parau nei no teia tikaanga tei rauka i te rave i teia apii CIM211.

Te Atua te Aroa. Kia manuia no teia mataiti.