Fargar

Hovudfargar

Surnadal kommune sitt fargespråk er vald for å stå godt til den klare grøne fargen i kommunevåpenet og til dekorelementet, som er sentralt i kommunen sin visuelle profil. Hovudfargen lys Elveblå PMS 2975 er ein naturleg, frisk og lett farge. Fargen speglar først og fremst elvene og vassdraga som kommunen er kjent for. Fargespråket i profilen kan òg gi assosiasjonar til blålege fjell i Trollheimen og ein vid himmel over bølgande landskap og fjordar. 

Støttefargen Bergblå PMS 3035 står godt til hovudfargen lys Elveblå og skapar ei god kontrast. Støttefargen kan brukast til for eksempel tekst eller grafikk.

Hovudfargane skal brukast på flater som gir eit førsteinntrykk av kommunen. På flater som kjem i annan rekke, for eksempel innsida av ein rapport, brosjyre eller PowerPoint-side, kan tilleggsfargane brukast.

Hovudfargane kan brukast i prosentvis dekk.

Universell utforming

Når hovudfargen lys Elveblå PMS 2975 blir brukt som bakgrunnsfarge under tekst, bør den brukast i maksimalt 50% dekk, avhengig av størrelsen på teksten. Dette for at den skal gi god nok kontrast til skrift i fargen svart eller Bergblå PMS 3035 og tilfredsstille krav til universell utforming.

Tilleggsfargane i bruk

På flater som er mindre viktige og ikkje direkte profilbyggande, kan ein bruke tilleggsfargane i større grad. Dette gjeld for eksempel som bakgrunnsfarge på framsider av dokument av mindre viktig karakter.

Dekorelementet skal da framleis brukast i enten Bergblå PMS 3035 eller kvit.