Me rastin e 18-vjetorit të Pavarësisë së Republikës së Kosovës, në shkollën tonë u organizua një program kulturor-artistik i përgatitur nga nxënësit e shkollës.

Në kuadër të këtij aktiviteti, nxënësit prezantuan pika të ndryshme artistike, si recitime, këngë, valle përmes të cilave shprehën dashurinë, respektin dhe krenarinë për shtetin e Kosovës.

Ky aktivitet u zhvillua në një atmosferë festive dhe solemne, duke reflektuar rëndësinë e kësaj date të shënuar në historinë e vendit tonë, si dhe duke nxitur te nxënësit ndjenjën e atdhedashurisë dhe respektin për vlerat kombëtare.

Urime 18-vjetori i Pavarësisë së Republikës së Kosovës!

Ymer Elshani

Ymer Elshani shkrimtar shqiptar, lindi më 1948 në Korroticë të Poshtme të Drenasit. Kreu fakultetin për gjuhë dhe letërsi shqipe dhe një kohë të gjatë punoi në arsim. Botoi dhjetëra libra për fëmijë me poezi, tregime dhe romane. U vra dhe u masakrua më 17 prill 1999 nga forcat serbe në fshatin Poklek të vjetër të Drenasit bashkë me gruan, të katër djemtë, nënën, kunatën dhe me afro gjashtëdhjetë bashkëfshatarë të tij.

Veprat

Veprat e tij me te njohura jane:

• "Çka ëndërrojnë lulet"

• "Plaku me violinë"

• "Unaza magjike"

• "Ndodhitë e hundë karotës"

• "Guri i Çmueshëm etj

Ideja e përkujtimit të Ditës Botërore të librit e ka origjinën e vet në Spanjë, në zonën e Katalonjës, ku atij që blinte një libër i dhurohej edhe një trëndafil. 23 prilli është shpallur si Dita Botërore e Librit më 15 nëntor të 1995, me një rezolutë të UNESCO-s, pasi u morën në konsideratë faktet se libri ka qenë, historikisht, instrumenti më i fuqishëm i shpërndarjes së njohurive dhe mjeti më efikas për të siguruar ruajtjen e këtyre njohurive, se çdo nismë për promovimin e librave të rinj është një faktor i pasurimit kulturor etj.

Më 23 prill të vitit 1616 u nda nga kjo botë Servantesi, Shekspiri dhe Garcilaso de la Vega, i mbiquajtur Inca. 23 prilli shënon edhe lindjen ose vdekjen e shkrimtarëve të tjerë, si Maurice Druon, K.Laxness, Vladimir Nabokov, Joseph Pla dhe Manuel Mejia Vallejo. Kjo është arsyeja, për të cilën kjo datë domethënëse për letërsinë universale është caktuar nga Konferenca e Përgjithshme e UNESCO-s për t’i bërë homazh botëror librit dhe autorëve të tij dhe për të inkurajuar të rinjtë, që të zbulojnë kënaqësinë e të lexuarit, si edhe për të respektuar kontributin e pazëvendësueshëm, që kanë dhënë krijuesit për progresin social dhe atë kulturor.

Nxënësit e shkollës së bashku me mësimdhënësit mbajtën disa aktivitete per nder te kësaj dite.