KËSHILLI I SHKOLLËS

Dispozitat e përgjithshme

Neni 1

Me këtë rregullore rregullohet mënyra e punës së këshillit të shkollë së SHFQ “Naim Frashëri” f.Jagoll D.-Kërçovë.

Neni 2

Dispozitat e kësaj rregullore kanë të bëjnë me anëtarët e këshillit të shkollës -* ( në tekstin e mëtutjeshëm KSH).

Neni 3

KSH trajton dhe vendos pyetje në lidhje me punën në shkollë të cilat në kompetencë të saj janë të vërtetuara me ligj, akte nënligjore dhe akte normative të shkollës.

Neni 4

Organi drejtues në shkollë është Këshilli i shkollës:

- KSH numëron 9 anëtar dhe atë: 3 anëtar përfaqësues nga prindërit (këshilli i prindërve), 3 anëtar nga arsimtarët dhe kuadri profesional (këshilli i arsimtarëve), 2 anëtar nga themeluesi (komuna) dhe 1 anëtar nga MASH-i.

- Përfaqësuesit të prindërve – tutorëve të nxënësve, themeluesit dhe të Ministrisë nuk mund të jenë të emëruar ose të zgjedhur nga rradhët e të punësuarve në shkollë.

- Përfaqësuesit e themeluesit i emëron dhe shkarkon Këshilli i komunës.

- Përfaqësuesit e prindërve i zgjedh Këshilli i prindërve drejtpërdrejtë dhe me votim të fshehtë.

- Përfaqësuesit në KSH nga shkolla zgjidhen drejtpërdrejtë dhe me votim të fshehtë nga ana e Këshillit arsimor.

- Përfaqësuesit e MASH-it e emëron ose shkarkon Ministri.

- Маndati–tre vjet, ndërsa për prindërit është për periudhën deri në mbarimin e shkollimit fillor të fëmiut të tyre, por jo më shumë se tre vjet.

-Mandati i anëtarit të KSH duhet të thirret nëse mungon pa arsye tri herë radhazi në mbledhjet e KSH.

-Procedura për zgjedhje të anëtarëve të KSH fillon 30 ditë para skadimit të mandatit të anëtarit paraprak.

Neni 5

- Me Mbledhjen konstitutive të KSH e thirr deri në zgjedhjen e kryetarit ,kryeson anëtari më i vjetër.

- Kryetari i KSH zgjidhet me votim të fshehtë

- Vendimet e KSH miratohen me shumicën e votave nga numri i përgjithshëm i anëtarëve.

Neni 6

- Mbledhjet e KSH i thirr dhe me to udhëheq kryetari. Në mungesë të kryearit në mbledhje udhëheq zëvendës kryetari i këshillit të shkollës.

- Mbledhjet e këshillit të shkollës i thirr kryetari i Këshillit edhe atë:

· Me vetë iniciativë.

· Me kërkesë të drejtorit.

· Me kërkesë të 1/3 (një të tretës) të numrit të përgjithshëm të anëtarëve të këshillit të shkollës.

· Me kërkesë së 1/3 të punësuarve të shkollës.

· Me kërkesë të këshillit të prindërve.

Neni 7

- Këshilli i shkollës mund të punojë nëse janë të pranishëm më shumë se gjysma e anëtarëve. Nëse nuk ka numër të mjaftueshëm të anëtarëve për mbajtjen e mbledhjes, mbledhja anulohet.

Neni 8

- Pas konstatimit të shumicës së anëtarëve të pranishëm në mbledhje, kryetari i këshillit e hap mbledhjen dhe e lexon rendin e ditës, i thirr anëtarët të deklarohen për të ose të japin propozimet e tyre për ndryshime dhe plotësime në rendin e ditës.

Neni 9

- Pas mbarimit të diskutimit për pikë të caktuara të rendit të ditës, kryetari formon përfundim, qëndrim ose e deklaron vendimin që duhet të sjell, pastaj kalohet në votim. Nëse në pajtim me rregulloren lihet përfundim, qëndrim ose vendim, kryetari e lexon përfundimin, qëndrimin dhe e shpall për ta sjellë përfundimet, qëndrimet dhe vendimet e sjellura të këshillit të shkollës, ndahen në dokumenta të veçantë të cilën e nënshkruan kryetari i këshillit të shkollës e pasaj arkivohet.

Neni 10

- Nga mbledhj e këshillit mbahet proçesverbal. Proçesverbalin e udhëheq sekretari i shkollës. Në proçesverbal shënohet termini i mbajtjes së mbledhjes, numri i prezentëve, gjegjësisht anëtarët që mungojnë, rendi i ditës në pika të shkurtëra diskutohen, propozimet e tyre, përfundimet dhe vendimet. Proçesverbali lexohet, korrigjohet dhe përvetësohet në mbledhjen vijuese të këshillit të shkollës, kurse e nënshkruan kryetari dhe proçesverbalisti.

Neni 11

- Përfundimet , qëndrimet dhe vendimet e këshillit të shkollës e sjellë me shumicën e votimeve të numrit të përgjithshëm të anëtarëve të këshillit që kanë të drejtë për të vendosur.

Neni 12

- Rendin e mbledhjes e mban kryetari i këshillit. Nëse ndonjë anëtarë i këshillit ose person tjetër pengon punën, kryetari jep vërejtje . Edhe nëse pas vëretjes personi vazhdon të pengoj punën, kryetari do ta lus që ta lëshoj mbledhjen. Nëse nuk mënjanohen pengesat për punë normale, kryetari e ndërpret mbledhjen për 15 minuta ose do ta konfirmoj mbledhjen.

Neni 13

Me miratimin e kryetarit të këshillit, në mbledhje mund të marrin pjesë edhe të interesuar,të punësuar dhe persona të tjerë.

Neni 14

Këshilli shkollor i shkollës fillore:

-miraton statut, program vjetor dhe raport për punën e shkollës

-miraton program zhvillimor të shkollës dhe program për futjen e standardeve më të larta, si dhe programe tjera,

-propozon plan financiar dhe llogari financiare deri te themelues,

-e zbaton procedurën për zgjedhjen e drejtorit

-jep mendim deri te drejtori për zgjedhjen e arsimtarëve parashtron propozim deri te drejtori për ndalesë të marrëdhënies së punës për arsimtarët të cilët nuk tregojnë rezultate të kënaqshme

-vendos për kundërshtimet dhe ankesat e të punësuesve

-vendos për ankesat e nxënësve dhe prindërve

-kryen edhe punë të tjera të përcaktuara me statut

-KSH për ankesat e parashtruara duhet të vendos në afat prej 15 ditëve nga dita e parashtrimit të ankesës.

Neni 15

Rregullorja e punës hyn në fuqi me përvetësimin e saj nga këshilli i shkollës dhe nënshkrimi i kryetarit të Këshillit.

1. Blerim Veliu - anëtar nga këshilli i prindërve-Kryetar

2.Ramiz Shabani -anëtar nga këshilli i prindërve-nënkryetar

3. Bukurije Abazi -anëtar nga këshilli i arsimtarëve

4. Lazime -anëtar nga këshilli i arsimtarëve

5. Mersim Fejza-anëtar nga këshilli i arsimtarëve

6. Syarta Beqiri-anëtar nga këshilli i prindërve

7. Xhemail Ahmedi-anëtar nga këshilli i komunës Kërçovës