Adineko pertsonen osasuna ez da soilik osasun fisikoari edo funtzio kognitiboari lotzen; bizi-kalitate on baterako, ongizate emozionala funtsezkoa da bizitza osoan zehar. Hori dela eta, gure zentroan, arreta psikologikoa eskaintzen dugu adineko pertsonentzat, etapako behar emozional eta psikologikoei erantzuteko, arreta pertsonalizatua eta hurbila eskainiz.

Zergatik da garrantzitsua arreta psikologikoa etapa honetan?

Bizitzako etapa bakoitzak erronka eta aldaketa propioak ditu, eta zahartzaroa ez da salbuespena. Jaiotzatik zahartzarora arteko ibilbidean, gure emozioek, harremanek eta bizipenek gure ongizatean eragina dute. Etapa honetan konkretuki, hainbat aldaketa eman daitezke, adibidez:

• Bakardadea eta isolamendua: Harreman sozialak murriztea, lagun edo senideen galera, edo erretiroaren ondoriozko aldaketak eman daitezke.
  
  

• Doluaren eta galeraren prozesamendua: Senide edo lagunen heriotza, independentziaren galera edo bizitza-ohituren aldaketak.
  
  

• Estres emozionala eta bizi-aldaketak: Erretiroa, etxez aldatzea edo osasun fisikoaren narriadura.
  
  

• Autoestimuaren eta identitatearen aldaketak: Gizartean betetzen den paperaren aldaketak direla eta.
  
  

• Bizitzari zentzua bilatzea: Bizitzari buruzko hausnarketa, helburuen bilaketa edo aurreko bizipenak lantzea.
  
  

Horregatik, osasun emozionala zaintzea ezinbestekoa da bizi-kalitate ona izateko eta ongizate psikologikoa bermatzeko.

Zer egin dezakegu?

Zahartzaroa garapen pertsonalerako eta ongizate emozionala sendotzeko aukera bat izan daiteke. Laguntza profesional egokia izateak, osotasunez eta errespetuz, bizi-kalitate hobea ekar dezake. Gure zentroan, adinaren araberako beharrei egokitutako arreta psikologikoa eskaintzen dugu, pertsona bakoitzaren historia, sentimenduak eta bizipenak kontuan hartuz. Terapia saioetan entzute aktiboa, konfiantza eta lasaitasuna eskaintzen ditugu, emozioak askatasunez adierazi eta etapa honek dakartzan egoerei aurre egiteko estrategiak landuz.

Jarri gurekin harremanetan eta emaiozu aukera bat terapiari