ROTEIRO

ROTEIRO pola beira do Río Miño na cidade de Ourense

Para chegar ata a ruta, iniciamos un paseo na Praia Fluvial de Oira na capital ourensá e desde o primeiro momento é todo un verdadeiro goce para os sentidos.

Camiñamos polo Paseo Beiramiño pegados ao Río Miño. E xa nos encontramos coa Ponte Romana ou Ponte Vella. Pasamos por debaixo do impoñente viaduto do tren e en poucos metros pola Ponte Nova.

Por fin atopámonos ante a Ponte Romana ou Ponte Vella. Pasamos tranquilamente baixo do seu arco apuntado e admirámolo desde todos os ángulos posibles. Dando simplemente uns cantos pasos podemos ver as estruturas curvilíneas da Ponte do Milenio.

Ó cruzar o río, pola metade da ponte, aparece a concha de vieira amarela do Camiño de Santiago do que o camiño forma parte.

Xa na outra beira achegámonos ata a Capela dos Remedios. Fundada en 1522 por Francisco Méndez, será Alonso Méndez, fillo do anterior quen a amplía, levando la imaxe de pedra da Virxe dos Remedios.

Podemos aprezar a simpleza da fachada que só loce dous escudos de armas da familia a ámbolos lados da portada.

Seguimos andando e debaixo da estrada volvemos atoparnos co noso principal protagonista: A Ponte Romana.

Camiñamos agora sobre o chamado Paseo das Ninfas co Río Miño e as pontes antes nomeadas como compañeiras de fatigas.

Chega o momento en que penetramos no Parque de Loña e camiñamos sobre o carreiro do Río Loña. As ruínas dunha vella fábrica de luz e dun muíño, danos a idea do aproveitamento que se facía de auga antigamente.