O argumento xira arredor dun pasadizo subterráneo, que unía o pazo condal de Monforte de Lemos coa igrexa de San Vicente do Pino, e que construíra, sen que o propio conde o soubera, o abade do Monasterio benedictino de San Vicente para poder manter unha relación amorosa coa propia filla do conde; nalgunhas versións, non é a filla, senón a propia esposa.

Enterado do lío amoroso, o conde decide invitar ao abade a unha gran comida; cando dá orde de que se traian os postres, un servinte do propio conde leva unha coroa de ferro, que está ardendo, coa que realizan a coroación do abade, o que lle vai provocar a morte.

Sepulcro do Abade García, no Mosterio de San Vicente do Pino, de Monforte de Lemos; unha das dúas sepulturas popularmente relacionadas coa lenda.

Manuel Murguía, Otero Pedrayo, e outros autores relacionan este sarcófago coa lenda. Otero Pedrayo afirma que :

“abierta hace muchos años la caja, se encontró el cráneo con huellas del círculo de fuego”.