HORTO ESCOLAR
O horto escolar continuou sendo un dos espazos de aprendizaxe máis significativos do centro. O alumnado participou na preparación da terra, na plantación e no coidado de produtos de tempada. A través desta actividade traballáronse contidos relacionados coa alimentación saudable, os ciclos naturais, o consumo de proximidade e o respecto polo medio ambiente. Os produtos cultivados foron empregados na elaboración de merendas saudables na aula, permitindo ao alumnado valorar o esforzo realizado e comprender a importancia de consumir produtos naturais e de tempada.
Embedded Files
VISITA DO CLUB DE LECTURA DO CPI PLURILINGüE DE VEDRA
VISITA DO CLUB DE LECTURA DO CPI PLURILINGüE DE VEDRA
Fai uns días tivemos a oportunidade de participar nunha xornada de convivencia co alumnado do Club de Lectura do CPI Plurilingüe de Vedra, que visitou o noso centro para levar a cabo diversas actividades relacionadas co proxecto que estaban a desenvolver.
Durante a visita, o alumnado de 5º e 6º participou en diferentes propostas de animación á lectura e traballo cooperativo, compartindo experiencias e aprendizaxes cos compañeiros e compañeiras do centro visitante. Aproveitando a hora da merenda, realizouse unha actividade na que os participantes elaboraron de maneira conxunta un hummus saudable. Unha vez rematada a preparación, todos e todas puideron degustar a receita elaborada, compartindo unha merenda saudable nun ambiente de convivencia e intercambio.
Dada a boa acollida da actividade, ao día seguinte reproduciuse a experiencia co alumnado dos cursos inferiores do centro.
Mirade que ben o pasamos!
ORIXE DANZA NA ESCOLA
ORIXE DANZA NA ESCOLA
Fai uns días tivemos a sorte de desfrutar no noso centro dun fantástico taller de salsa organizado coa colaboración da escola de baile "ORIXE DANZA". A actividade, dirixida ao alumnado, ás familias e ao profesorado, naceu co obxectivo de promover a actividade física a través de propostas atractivas, inclusivas e diferentes das modalidades deportivas máis habituais.
Descubrimos que o baile é unha excelente forma de facer exercicio mentres nos divertimos, compartimos tempo xuntos e melloramos habilidades como a coordinación, o ritmo e a expresión corporal. O taller foi todo un éxito e contou cunha magnífica acollida por parte de toda a comunidade educativa. Alumnado, familias e profesorado compartimos unha tarde chea de música, aprendizaxe e moitas risas, fortalecendo lazos entre a comunidade educativa.
Queremos agradecer especialmente a Fernando, o noso profesor, pola súa paciencia, profesionalidade e entusiasmo. Gracias por facernos sentir cómodos, por transmitirnos a túa paixón polo baile e por conseguir que todos e todas nos animásemos a mover os pés ao ritmo da salsa. E, por suposto, o noso maior agradecemento vai para todas as persoas participantes: alumnado, familias e profesorado, que acolleron esta iniciativa desde o primeiro momento. A vosa participación fixo posible o éxito desta actividade.
Agardamos que vos gustara e....sigamos bailando!!!
LEITE NA ESCOLA
LEITE NA ESCOLA
Ao longo deste curso 2025/26 seguimos a participar no programa Leite na escola, unha iniciativa que permite ao noso alumnado achegarse ao consumo do leite. Durante este período, os nenos e nenas tiveron a oportunidade de merendar leite no centro, convertendo este momento nunha experiencia compartida e saudable.
Esta actividade serviunos non só para fomentar hábitos de alimentación equilibrada desde idades temperás, senón tamén para traballar a autonomía persoal, xa que o propio alumnado participou na organización e consumo do leite, así como na recollida e reciclaxe dos envases. Ademais, aproveitamos para coñecer os beneficios nutricionais do leite e a súa importancia dentro dunha dieta variada.
Aquí vos deixamos unhas imaxes.
ALMORZO SAUDABLE
ALMORZO SAUDABLE
Con motivo do Día Internacional do Desayuno, que se celebra o 13 de febreiro, no noso centro decidimos conmemoralo o pasado xoves 20 de marzo coa II edición da actividade “Almorzo saudable”, enmarcada no programa Nutriescolas dentro do Plan Proxecta da Xunta de Galicia. Tras o éxito acadado o curso pasado, esta nova edición volveu ter unha acollida moi positiva, sendo unha actividade que gustou moito a todo o alumnado.
Desde primeira hora da mañá, alumnado e profesorado xuntámonos para gozar dun almorzo equilibrado, nun ambiente cheo de alegría. Ademais de degustar alimentos saudables, tivemos a oportunidade de compartir un espazo común no que a música e o baile tamén estiveron moi presentes. Mesmo nos animamos a cantar algún tema do Xabarín, lembrando con agarimo a actuación do curso pasado que tanto lles gustara aos nosos nenos e nenas.
Queremos facer unha mención especial ao alumnado máis maior, que colaborou de maneira exemplar na recollida do material ao remate da actividade, demostrando responsabilidade e compañeirismo. Así mesmo, agradecemos tamén a implicación de todo o profesorado, xa que entre todos e todas fixemos posible a preparación desta convivencia tan enriquecedora.
Foi unha experiencia moi especial que nos permitiu seguir concienciando sobre a importancia dunha alimentación saudable ao tempo que reforzamos os lazos dentro da comunidade educativa. Deixamos un vídeo para que poidades ver o ben que o pasamos!
Este “Almorzo Saudable” consolídase así como unha actividade de referencia no centro, e agardamos poder seguir repetíndoa nos vindeiros cursos, fomentando hábitos de vida saudable e creando momentos compartidos.
Baixo o nome do proxecto “Medrando saudables”, continuamos a promover a educación para a saúde, integrando a alimentación equilibrada como parte do proceso educativo e aproveitando a nosa contorna máis próxima.
Ao longo deste curso 2025/26 imos desenvolver distintas propostas coas que o alumnado aprenderá dun xeito práctico e motivador. Unha edición máis participamos no programa Froita e Leite na escola, do que xa chegou a primeira entrega de froita deste curso, permitindo iniciar o traballo sobre hábitos alimentarios saudables desde idades temperás.
A distribución destes alimentos serviu tamén para reforzar a autonomía do alumnado, fomentar actitudes responsables cara á reciclaxe e coñecer os beneficios nutricionais da froita. Os nosos nenos e nenas están recibindo con moito entusiasmo esta experiencia, aquí vos deixamos unhas imaxes para que lle botedes un ollo!
ANDAINA NUTRIESCOLAS
ANDAINA NUTRIESCOLAS
Unha das actividades que máis gustou ao alumnado foi a realización dunha andaina escolar polo contorno natural do centro, unha proposta que combinou exercicio físico, convivencia, educación ambiental e hábitos saudables. A actividade contou coa participación de todo o alumnado e do profesorado do centro, o que favoreceu un ambiente de cohesión e colaboración entre as distintas etapas educativas. A saída realizouse desde o propio centro e percorremos un tramo da contorna rural próxima, aproveitando a riqueza natural do espazo no que se sitúa o CEIP Ortigueira.
Nun punto intermedio do percorrido, fixemos unha parada conxunta nunha zona do Pazo de Ortigueira, onde todos compartiromos unha merenda saudable ao aire libre, reforzando o hábito dunha alimentación equilibrada fóra do contexto habitual da aula. O desenvolvemento desta xornada foi recibido con entusiasmo por parte do alumnado, que viviu a experiencia como unha festa colectiva e un día especial no que aprenderon mentres se divertían.
DNI SAUDABLE
DNI SAUDABLE
Para ir finalizando o curso, creamos o DNI SAUDABLE, algo que lle chamou moito a atención ao noso alumnado. Cada alumno e alumna do centro recibiu un documento individualizado coa súa foto e nome, acompañado de 10 debuxos de fruteiros, que representaban os días nos que traían unha merenda saudable ao centro. Cada vez que o alumnado traía unha merenda axeitada, un membro do equipo docente furaba un dos debuxos no seu DNI.
O obxectivo era completar os 10 furados, o que supoñía un reto estimulante para os nenos e nenas, xa que, unha vez conseguido, recibían un pequeno agasallo como recoñecemento ao seu esforzo e constancia.
FROITA E LEITE NA ESCOLA
FROITA E LEITE NA ESCOLA
Co título do proxecto “Medrando saudables”, apostamos por educar en saúde, aproveitando a nosa contorna natural e integrando a nutrición como parte esencial da aprendizaxe. Dentro del, leváronse a cabo varias actividades nas que desfrutamos moito ademais de aprender. Participamos no programa Froita e Leite na escola: realizouse unha distribución diaria de froita e leite, fomentando hábitos saudables e traballando a autonomía do alumnado, a reciclaxe e o coñecemento dos beneficios nutricionais destes produtos. Aquí podedes ver que ben se alimentou o noso alumnado.
HORTO ESCOLAR
HORTO ESCOLAR
Este curso continuamos coa actividade no Horto Escolar, dentro do programa SOSTI-LAB, que promove o respecto polo medio ambiente e os hábitos saudables. Cultivamos produtos de tempada como acelgas, leitugas, amorodos, cenorias, entre outros, seguindo os ritmos da natureza.
O alumnado participou de forma activa en todas as fases do proceso: plantar, regar, coidar e recoller os produtos. Esta experiencia permitiulles adquirir coñecementos prácticos sobre o cultivo ecolóxico, desenvolver habilidades de traballo en equipo e fomentar unha actitude de respecto pola natureza.
O horto converteuse nun espazo moi especial onde aprendemos traballando de forma práctica temas de ciencias, valores e alimentación. É unha forma divertida e útil de achegarse á natureza e entender mellor como funciona o mundo que nos rodea.
COCIÑA SOBRE RODAS NO NOSO PATIO!
COCIÑA SOBRE RODAS NO NOSO PATIO!
O noso colexio participou na campaña “Galicia Sabe Amar”, unha iniciativa da Xunta que promove o consumo de produtos do mar galegos e recoñece o labor do sector pesqueiro. A actividade está encadrada dentro do programa Nutriescolas, que forma parte dos Plans Proxecta do noso CEIP.
A través dunha divertida foodtruck, puidemos degustar petiscos elaborados con produtos certificados das nosas rías. Os nenos e nenas gozaron dunha xornada chea de sabor, alegría e aprendizaxe ao aire libre. Descubrimos novos sabores e aprendemos a importancia de consumir produtos locais e sostibles. A foodtruck funcionaba con enerxía solar, o que nos fixo reflexionar sobre o coidado do medio ambiente. Aquí vos deixamos un vídeo resumo desta magnífica xornada!
O PROGRAMA ALIMENTES CHEGA AO NOSO COLE!
O PROGRAMA ALIMENTES CHEGA AO NOSO COLE!
O noso centro escolar sumouse ao programa educativo Alimentes, unha iniciativa promovida por Gadis para fomentar entre o alumnado hábitos de vida saudables e un consumo máis responsable. A través de actividades na aula e materiais didácticos adaptados ás distintas etapas educativas, traballamos cuestións como a alimentación equilibrada, a práctica de actividade física, a loita contra o desperdicio alimentario e a importancia de facer compras máis conscientes, promovendo o consumo de produtos frescos, de tempada e de proximidade, reducindo os ultraprocesados e os alimentos con exceso de sal, azucre ou graxas saturadas.
Como parte da experiencia, o alumnado realizou unha visita guiada ao supermercado Gadis, onde coñeceu de primeira man as distintas seccións.
Despois da visita ás instalacións de Gadis, o alumnado recibiu unha merenda saudable composta por unha peza de froita e unha botella de auga, todo entregado dentro dunha mochila de Gadis. No interior da mochila tamén viña incluído un exemplar do Prato Alimentes (baseado no modelo de Harvard) e un folleto de receitas saudables, co obxectivo de fomentar hábitos alimentarios equilibrados e conscientes nas familias. Para rematar a xornada, desprazámonos todos xuntos ao parque, onde compartimos a merenda nun ambiente lúdico e ao aire libre.
Aquí vos deixamos unha pequena mostra da posta en marcha do programa!
DÍA INTERNACIONAL DO DESAYUNO
DÍA INTERNACIONAL DO DESAYUNO
Con motivo do Día Internacional do Desayuno, por primeira vez no noso centro, o pasado xoves 13 de febreiro, organizouse a actividade “Desayuno saudable", unha actividade enmarcada no programa Nutriescolas dentro dos Plan Proxecta da Xunta de Galicia. Alumnado e profesorado xuntámonos para gozar dun almorzo equilibrado e nutritivo, nun ambiente de alegría e convivencia.
Desde primeira hora da mañá, o alumnado acudiu con entusiasmo a esta iniciativa, onde ademais de degustar alimentos saudables, tivo a oportunidade de compartir un espazo de convivencia co profesorado. A música e o baile acompañaron esta experiencia, facendo que o ambiente fose aínda máis especial.
Foi un evento que deixou pegada, xa que nos serviu para concienciar sobre a importancia dunha alimentación saudable e reforzar os lazos na comunidade educativa. Ver a ledicia nos rostros dos nenos e nenas foi a mellor recompensa para todos e todas as que fixemos posible esta actividade. Este "Almorzo Saudable" foi unha oportunidade única para compartir momentos inesquecibles. Agardamos que esta sexa a primeira de moitas máis iniciativas que fomenten hábitos de vida saudable.
Para finalizar esta actividade, dous alumnos de 6º levaron a cabo a lectura do manifesto "Coidemos as emocións de menores e adolescentes con cancro". Foi un instante significativo no que destacamos a relevancia do apoio emocional e da empatía cara ás familias e aos nenos e nenas que atravesan esta realidade.
CURSO 2023- 24
CURSO 2023- 24
Co fin de facer efectivos os obxectivos do Plan Proxecta Nutriescolas, o noso cole tamén conta cos recursos opcionais que se nos ofrecen desde a Consellería de Medio Rural, neste caso:
Co fin de facer efectivos os obxectivos do Plan Proxecta Nutriescolas, o noso cole tamén conta cos recursos opcionais que se nos ofrecen desde a Consellería de Medio Rural, neste caso:
- Froita na escola: Un recurso que ten por obxecto o fomento do consumo de froitas frescas coa finalidade de configurar hábitos alimentarios saudables no alumnado de centros escolares.
- Lácteos na escola: Que pretende o fomento do consumo de leite no alumnado de todas as idades.
No CEIP Ortigueira repartimos estas merendas saudables para que os nosos nenos e nenas asuman desde pequenos hábitos alimentarios saudables, entendendo a importancia dunha dieta equilibrada e dos nutrintes que nos aportan, tanto a froita como o leite.
A etapa de Educación Infantil ten a finalidade de contribuír ao desenvolvemento integral e harmónico do alumnado, en todas as súas dimensións: física, emocional, sexual, afectiva, social, cognitiva e artística; potenciando a autonomía persoal e a creación progresiva dunha imaxe positiva e equilibrada de si mesmo, así como á educación en valores cívicos para a convivencia .
A etapa de Educación Infantil ten a finalidade de contribuír ao desenvolvemento integral e harmónico do alumnado, en todas as súas dimensións: física, emocional, sexual, afectiva, social, cognitiva e artística; potenciando a autonomía persoal e a creación progresiva dunha imaxe positiva e equilibrada de si mesmo, así como á educación en valores cívicos para a convivencia .
Para contribuir a esa finalidade e aos obxectivos educativos, foron elixidas como estratexias prioritarias e transversais, a promoción e a educación para a saúde. O centro educativo actúa como unha contorna onde se debe aprender a tomar decisións saudables para o cumprimento destes obxectivos. Por iso se levaron a cabo actividades lúdicas nas aulas de E.I para ampliar o coñecemento sobre os alimentos e as súas propiedades, para aprender a clasificalos con diferentes criterios e favorecer que nenos e nenas adquiran hábitos alimentarios saudables.
Para contribuir a esa finalidade e aos obxectivos educativos, foron elixidas como estratexias prioritarias e transversais, a promoción e a educación para a saúde. O centro educativo actúa como unha contorna onde se debe aprender a tomar decisións saudables para o cumprimento destes obxectivos. Por iso se levaron a cabo actividades lúdicas nas aulas de E.I para ampliar o coñecemento sobre os alimentos e as súas propiedades, para aprender a clasificalos con diferentes criterios e favorecer que nenos e nenas adquiran hábitos alimentarios saudables.
A continuación amosámosvos unhas imaxes destas actividades:
A continuación amosámosvos unhas imaxes destas actividades:
Un dos obxectivos da Educación Primaria que aparece recollido no Decreto 155/2022, do 15 de setembro, polo que se establecen a ordenación e o currículo da educación primaria na nosa Comunidade Autónoma de Galicia é "valorar a hixiene e a saúde, aceptar o propio corpo e o das outras persoas, respectar as diferenzas e utilizar a educación física, o deporte e a alimentación como medios para favorecer o desenvolvemento persoal e social. "
Un dos obxectivos da Educación Primaria que aparece recollido no Decreto 155/2022, do 15 de setembro, polo que se establecen a ordenación e o currículo da educación primaria na nosa Comunidade Autónoma de Galicia é "valorar a hixiene e a saúde, aceptar o propio corpo e o das outras persoas, respectar as diferenzas e utilizar a educación física, o deporte e a alimentación como medios para favorecer o desenvolvemento persoal e social. "
Co fin de conseguir este obxectivo, nas aulas de primaria do noso cole, leváronse a cabo diferentes actividades lúdicas para favorecer a aprendizaxe do noso alumnado no eido da saúde e todo o relacionado (hábitos saudables, actividade física, hixiene, saúde mental, etc). A continuación deixámosvos un carrusel de fotos de algunhas destas actividades:
Co fin de conseguir este obxectivo, nas aulas de primaria do noso cole, leváronse a cabo diferentes actividades lúdicas para favorecer a aprendizaxe do noso alumnado no eido da saúde e todo o relacionado (hábitos saudables, actividade física, hixiene, saúde mental, etc). A continuación deixámosvos un carrusel de fotos de algunhas destas actividades:
As etiquetas dos alimentos conteñen información sobre sobre a cantidade de calorías, porcións e datos nutricionais dos alimentos. É importante lelas e aprender a interpretalas xa que eso axudaranos a facer eleccións saudables ao facer as compras e planificar as comidas
As etiquetas dos alimentos conteñen información sobre sobre a cantidade de calorías, porcións e datos nutricionais dos alimentos. É importante lelas e aprender a interpretalas xa que eso axudaranos a facer eleccións saudables ao facer as compras e planificar as comidas
En relación con isto, os cursos de 5º e 6º de E.P. do noso cole estiveron traballando con etiquetas de alimentos que eles mesmos trouxeron das súas casas, analizando os ingredientes de cada un, as calorías, que tipo de conservantes ou edulcorantes conteñen, etc.
En relación con isto, os cursos de 5º e 6º de E.P. do noso cole estiveron traballando con etiquetas de alimentos que eles mesmos trouxeron das súas casas, analizando os ingredientes de cada un, as calorías, que tipo de conservantes ou edulcorantes conteñen, etc.
Page updated
Google Sites
Report abuse