Nutriescolas CEIP Ortigueira

UN UNIVERSO DE SABORES

Sannakji

O polbo vivo de Corea do Sur. Aínda que o polbo é un alimento típico galego, nalgúns sitios do mundo prepárase de xeito diferente ao noso. Neste caso falamos de polbo recentemente capturado, cortado en pequenos anacos e servido cru, aínda vivo e movéndose no prato. Os coreanos recomendan ter coidado cando masticamos xa que as ventosas poden pegarse á garganta e producir asfixia. Esta práctica é válido para valentes que queiran desfrutar desrte pracer gastronómico único.

Carne de Kobe

Masaxeada con cervexa e sake. A carne de Kobe, orixinaria de Xapón, é coñecida polo seu exquisito sabor. Esta carne é especial porque os bovinos son tratados con mimo, reciben masaxes por parte dos gandeiros e aliméntanos con cervexa e sake para mellorar a calidade da carne. O seu sabor único fixo que esta carne sexa tendencia na cociña mundial.

Caviar de formigas de Colombia

En Colombia, a comunidade indíxena Guane mantivo unha tradición gastronómica singular durante séculos. O caviar de formigas, coñecidas como «formigas culonas», colléitase durante a tempada de choivas e utilízase en diversas preparacións culinarias. Asados e salgados, estes insectos cómense coma se fosen cacahuetes e deben conservarse vivas ou conxeladas ata o momento en que son asadas, ou pola contra poden resultar amargas. . Considerados unha delicadeza exótica , o quilo destes animais pode chegar a custar dez veces máis que o famoso café colombiano.

Casu Marzu: Queixo con larvas de Italia

O seu nome xa non deixa nada á dúbida, Casu marzu significa "queixo podrecido" no dialecto da rexión na que se consome, a illa italiana de Sardeña. Para a súa preparación utilízanse larvas da "mosca do queixo" que se introducen deliberadamente no mesmo, tras tres meses de fermentación, o queixo está listo para comer. Nese momento as larvas pódense apreciar perfectamente, son vermes brancos dun tamaño que uns 8 mm.

O Casu Marzu ten un alto nivel de acidez, sendo un queixo forte que pica no padal. Mentres que a maioría de consumidores apartan as larvas, outros cómenas. Ten unha cor amarelada e unha textura suave. Este alimento está prohibido na Unión Europea debido aos efectos secundarios que pode causa nas persoas.