Himingeimurinn

Undanfarnar vikur hafa nemendur í 4. bekk verið að vinna spennandi þemaverkefni um himingeiminn. Nemendur unnu í hópum þar sem hver hópur fékk sína eigin reikistjörnu til að rannsaka. Í verkefninu söfnuðu krakkarnir upplýsingum um reikistjörnuna sína, lærðu um einkenni hennar og settu efnið fram á skýran og skapandi hátt. Nemendur stóðu sig mjög vel í samvinnu, sýndu frumkvæði og lögðu sig fram við að miðla því sem þau höfðu lært.

Í lok verkefnisins kynntu hóparnir vinnu sína fyrir bekknum. Það var gaman að sjá hversu vel nemendur náðu að segja frá og útskýra efnið sitt fyrir öðrum. Að kynningum loknum settu þeir upp veggspjöldin sín á ganginn þar sem þau prýða nú skólann og hægt er að skoða afrakstur vinnunnar.

Við erum afar stolt af nemendunum og þeirri vinnu sem þau hafa lagt í verkefnið!