Embedded Files
台語在臺發展400年，客語300年，早已本土化，無論300還400，甚至都比清國國祚212年都還久
所有語言都是帶狀、光譜發展的，義大利語法語也是拉丁語發展而來，而且台語客語到臺灣之時，根本還沒有「中國」
韓語、越南語、泰語等語，在「現代中國境內」都有各別等族群（朝鮮族、京族、傣族）會講，但都不影響韓國、越南、泰國使用該語的主體性，因為就是和中共官方語言「華語/普通話/中国語」有所差異
常有人擔心「臺灣華語」被「中國普通話」替代，自然以「非中共官方語言」來抵擋這個衝擊是更加容易的
台語、客語 皆為自然移民自然發展的語言，與「華語/普通話/中国語」在臺靠武力取得優勢地位是差異甚大的
「台語」一詞比「閩南語」一詞更早出現，「閩南語」甚至不是一個語言名稱，而是一個「分類名稱」，被學者定義為「閩南語類」的還有很多語言
何謂「台」，台即為「台員」之意，台員為台南舊地名，台南當地最多的語言便是台語，是清國將「島名」定為臺灣，並非台員族群要將島名定為臺灣
台語一詞源自台南舊地名，故我也說過客語可改為苗栗舊地名「貓貍」，可稱為「貓貍語」與「台員語」一樣的命名方式，也有學者說若不要「客」也可以稱為「頭家Theù-kâ話」，但目前事實上客家朋友對於「客」字認同感是高的
台員就是「Tâi-uân」這個音，Tâi-uân這個音比全部原住民族名的由來都晚出現，怎麼是後來的去改人家原有之名？不合理，且也有原住民自己講，Tâi-uân這個音與任何原住民族的發展皆為平行關係，意思就是無關
當島名為「東寧」時，台語沒有變成「東寧語」；當政權是「日本」時，台語沒有變成「日語」；當政權變「中華民國」時，台語沒有變成「中華民語」，台語始終是台語。所以現在爭議是出在「島名」，若島名叫福爾摩沙，那就不會有爭議了，但現在多數人認同「臺灣」一詞為島名，這是非常難得的，那就先不改島名，故有「客家醫師」提出「臺灣台語、臺灣客語、臺灣原住民族語」的用法，現今政府便是以此命名，意思為「臺灣」這島上有「台語、客語、原語」等
英語和華語/中国語/普通話一樣，是殖民語言，世界各國多數皆為大英國協而使用英語，故英語一詞不會變當地本土語，自然也不會正名，而是保持英語一詞
羽兔盒 Feather Rabbit Box，面冊：https://www.facebook.com/share/p/qWkiuNMjWnE7wVu7/
「台語」爭議，尊重為自己正名的權利
「台語」爭議，尊重為自己正名的權利
文／邱一帆（客家詩人，目前擔任國小教師）
編按：「台語」名實爭議，近期因教育部預告修法，將「閩南語語言能力認證考試」更名為「臺灣台語語言能力認證考試」，再度引起各界討論。台語、閩南語名稱爭議由來已久，而「臺灣台語」一詞則來自文化部2021年發布〈國家語言發展報告〉，該報告於各語言前加上「臺灣」二字，使用臺灣原住民族語、臺灣客語、臺灣台語，以及臺灣手語來稱呼。
《客新聞》開闢【交鋒】單元，邀請各領域專家、學者針對熱門議題發表意見。本次邀請兩位長期投入客語及客家文化之專家學者，就「台語」名稱爭議發表看法，盼提供各方意見進一步溝通的機會。
臺灣个客家人輒常稱呼講Hog-Lo話个人安到Hog-Lo人；指稱Hog-Lo人講个話安做Hog-Lo話。Hog-Lo，海陸腔講Hogˋ-Loˊ，四縣腔做Hog-Loˋ，還有其他腔頭个客家話有無共樣个語音指稱。漢字識有人寫做河洛、福佬、鶴佬、學佬這兜，這係客家人對Ho-Lo人，Ho-Lo話个一種指稱方式。
在臺灣，客家人所稱Hog-Lo話个名稱，至少還有：Holo話、臺灣話、台語同閩南語个講法。這種現象，就像華語人指稱个「南瓜」這種作物，還有人講係「番瓜」、「黃匏」、「金瓜」，有當多種無共樣个講法，毋過最大个差別係：番瓜毋會自家講自家安到麼个名，毋會講自家講个係麼个話！也就係講「南瓜」「番瓜」、「黃匏」、「金瓜」這種作物，係別人分佢个稱呼，毋係自家安个名。
臺灣HoLo人自家會講話，自家有權利安自家个名，就像所有个人樣，用自家个話安自家个名，這應該係當自然个道理，總愛自家有恁樣个意願，有恁樣个想望，恁樣个決心，其他人毋使過嘴、毋使否認乜毋使批評，除非厥个指稱有傷害著你个語言發展个權利，或者傷害著其他人个語言發展！
面對HoLo人稱呼自家講个係台語、台灣話、臺灣台語，敢有傷害著其他个臺灣語言、臺灣語言个使用者个安名？敢有傷害著其他語言發展个權利？係無，應該尊重佢兜命名个權利，係有請提出你个理由來反對！一般來講，有兜人擔心个係「台語」會變做「台灣語言」个簡稱，霸佔所有臺灣語言个地位，具有排他性，單用「台語」、「臺灣台語」來指稱客家人稱呼个Hog-lo話，就引起了不少客家人个愁慮！
愁慮係愁慮，毋過，話又講轉來，假使HoLo人稱呼「台語」、「臺灣台語」，並無指稱其他語言个作用，係單純對應等客家人指个「Hog-Lo話」，這，乜無排除其他臺灣語言个問題！因為「台語」係專指客家人講个「Hog-Lo話」。「臺灣台語」乜係專指客人講个「Hog-lo話」，假使係這種論述，這並無排他性！就像講，該間「臺灣大學」，並毋係表示臺灣所有个大學，臺灣大學並毋係臺灣所有个大學簡稱，臺灣个「亞洲大學」也毋係亞州所有大學个代表，臺灣華語，也毋係表示世界所有華語个意思。
貶過來講，假使別個族群个人或者政府硬硬愛用「閩南語」、「臺灣閩南語」，來指稱Hog-Lo人講个「Hog-Lo話」，係無得著Hog-Lo人个同意，無分Hog-Lo人接受，又分Hog-Lo人自家認為係對佢兜命名个歧視、蔑視，該就做毋得強強同人安恁樣个名！這種硬硬安上別人無中意、無法度接受个名仔个行為，就係一種語言上个霸凌，就好比學生仔之間，會摎同學安上人家無中意抑係當難聽个外號、綽號，造成分人安名个學生仔个無歡喜、發譴或者噭眵，這係無尊重人家个表現。基本上，尊重Hog-Lo人對自家語言个安名，比別族群个人為Hog-Lo話來安名較優先、較重要！
講著「臺灣語言」應該包涵哪兜語言？這牽涉著語言使用者个認同問題！假使臺灣所有个原住民族語、客家語、台語（台灣話）、華語，包含在「臺灣語言」个範圍，該就係取得了語言使用者个認同！認同自家个語言係臺灣語言个一種，台語（台灣話）係台灣語言个一種，客家語、原住民族語、華語這兜乜係臺灣語言个一種；認同自家使用个語言係臺灣語言个一種，認知臺灣語言係臺灣人使用个語言，臺灣人講个係臺灣語言，該係達到臺灣國家認同个重要一步！
愛進入到臺灣國家認同个地步，先從語言个認同開始，愛取得臺灣語言个認同，先從尊重別人自主、自尊使用語言个權利開始，互相尊重同包容，大家有充分使用自家語言个權利，使得臺灣所有族群个語言，在教育、傳播、使用等有各各層面都有充分生存、發展个空間！
根據2019年公布个國家語言發展法，臺灣國家語言包括：臺灣台語、臺灣客語、臺灣原住民族語、臺灣手語、臺灣華語。目的在尊重國家多元文化个精神，促進國家語言个傳承、復振同發展。身為認同臺灣个客家人，應該愛為自家客語个傳承、復振同發展盡一份心力，追求臺灣客語摎各族群个語言在教育、傳播、使用權等層面公平个權利。身為客家人，在生活上、在公共个領域、在各各機構、行業，講轉自家个母語客話，學習用自家个母語客話來寫文章，傳承自家个語言同文化，恁樣，客語、臺灣客語，正有可能傳承、復振同發展。
客家語言、文化个會衰弱、滅絕，當大部分係過去唯一、高壓个語言政策，在教育、傳播、使用權等方面个嚴禁，還有鄙視造成个！當然，客語衰弱个原因，還包括客家族群自家鄙視自家个語言，無傳自家个客話，無寫自家个客文。不管哪種原因，這並毋係人家个台語、臺灣台語造成个啊！該係該時个政權，論真講係華語中國霸權造成个，同時，也係自家放棄自家語言造成个啊！為着避免造成族群之間个惡鬥、互相剝削語言權利个行使，ngai認為愛尊重人家為自家安名、正名个權利，毋係去反對人家族群語言个正名！
臺灣各族群个人，最要緊个事情應該係共同追求、爭取平等个語言文化在教育、傳播、使用个權利，大自家來傳承、復振同發展自家个語言文化，使得臺灣各族群个語言文化，世世代代在臺灣這個自由、民主、尊嚴个國家，傳承創新，開花結果。
※本文屬於作者個人意見，以上言論不代表《客新聞》立場。
Page updated
Google Sites
Report abuse