台文日誌

Why not Google? Because I want to Threads. There is no reason. If you are too lazy to answer, don’t answer. I just want to chat with people who interact with me seriously.

Sī án-nóa boaih Gū-gô? In-ūi góa siūⁿ-beh mn̄g Soeh-chì, bô siáⁿ-mih goân-in. Ná-kóng lín pîn-tōaⁿ kā góa tàu-saⁿ-kāng góa mā bô-chha. Góa kan-na siūⁿ-beh kah jīn-chin kah góa kau-liû ê bāng-iú khai-káng niā.

Í-hā sī Phāu-oàn-bûn, chhiáⁿ sīn-ji̍p!

Hoān-sè ū chi̍t-kóa-á Tông-ha̍k chai-iáⁿ góa kap Tiuⁿ sió-chiá koan-hē bô-hó, m̄-koh m̄-sī chi̍t-khai-sí tio̍h án-ne, tāi-it ê sî gún iah chò-hóe khiâ-chhia khì Tâi-tiong chhit-thô, he sī góa thâu-pái khiâ chiah-nī hn̄g, hiông-hiông siūⁿ-tio̍h kin-nî góa kap góa kah-ì ê mā ū khì It-tiong-ke, ah che m̄-sī tiōng-tiám, tio̍h he siáu-cha-bó͘ tī kū-nî pān siok-iâⁿ chìn-chêng tio̍h tùi góa chiok ū ì-kiàn ah, m̄-koh i mā boaih kóng, góa bē thong-lêng neh!

Āu-lâi gún tio̍h ná-kiâⁿ ná-hn̄g ah! Kì-jiân chit-má lí kā góa In-su-tha kap Soeh-chì ê tui-chong lóng thòe-khì ah, góa mā bô siūⁿ-beh kóng siáⁿ, tong-jiân mā bián kā lí kheh-khì ah, ē-thang chò ê góa lóng chò kòe ah, siáu-cha-bó͘ kín-khì tui lí ê seng pah! Ē kā jîn-chêng sè-sū lòng kah chiah-nī choa̍t mā-sī chiâⁿ gâu neh, liân tâi-bīn-téng ê lóng bē-giàn î-chhî, hoâiⁿ-ti̍t i ài án-ne góa mā bô-hoat-tō͘, chún-tú-soah ah! Siūⁿ gōa-chē mā bô-hāu, kín-khì tha̍k-chheh kap khòaⁿ iáⁿ-phìⁿ hó-ah…

Góa siūⁿ he Tâi-gí bái ê Tâi-lâm-lâng eng-kai khòaⁿ-bô Tâi-bûn lah! Chiū-sǹg i khòaⁿ-ū kî-si̍t mā bŏa-kín XD

Chit-má chia ē-po͘ 26, 27 tō͘ niā, sī-án-chóaⁿ koh ài khui Léng-khì hahⁿ! 11 goe̍h ah neh, chîⁿ mā boaih gōa-khai sī beh hō͘ góa kā lí tàu khip-siu sio͘h…

Tiōng-tiám sī i mā boaih khui Tiān-hong chhoe, kan-na siūⁿ-beh khui Léng-khì niā, Ná-kóng chiah-nī chē lâng lóng án-ne bo̍k-koài Choân-kiû Loán-hòa ē lú-lâi-lú giâm-tiōng

Chăng hoat-hiān chi̍t-kiāⁿ chiâⁿ ū ì-sù ê tāi-chì, góa chhōe-tio̍h chìn-chêng khòaⁿ-kòe ê chi̍t-ê bāng-n̂g ê Soeh-chì, i kèng-jiân mā-sī thih-tō-bê! Án-ne kóng khó-lêng ū tām-po̍h-á bô chun-tiōng i, m̄-koh khòaⁿ-tio̍h i ê bīn tio̍h ē siūⁿ-tio̍h he ōe-bīn, si̍t-chāi-sī chiok hā-liû ê XD

ps. Kóng chiah-nī chheng-chhó͘ eng-kai bē hō͘-lâng ioh-chhut-lâi hohⁿ? Kan-na kóng khòaⁿ i ê chū-kài sī Tâi-tāi Jîn-lūi ê neh :P

Tú-chiah hoat-hiān Kong-sī Tâi-gí-tâi ū ka-ji̍p "Bîn-lâm-gí Hàn-jī-ha̍k" ê Bīn-chheh siā-thoân neh! Kám-sī teh chò-tia̍p，án-ne mā siuⁿ chhàng-chhiu ah XD

Kah gún-bú-á thó-lūn ê sî, i kóng sī-án-chóaⁿ ài ōaⁿ-chò BÔ CHÈNG-SIÔNG ê miâ, goân-chū-bîn in mā-sī, m̄-sī beh kā Hôa-gí sak-cháu iáu ē khǹg-tī Pat-miâ hia, mā m̄-sī kiò i tàu-tīn kái, kám-kak chiâⁿ siong-sim😞

Āu-lâi mn̄g gún-pâ, i kóng góa hoaⁿ-hí tio̍h hó, tiōng-tiám sī ka-tī khì pān (bián-kóng góa mā chai lah XD

Chit-kang iáu-sī kàu ah! Sui-jiân kóng chá-tio̍h liāu-sióng kàu ē hoat-seng ah, bô chhin-chhiūⁿ chìn-chêng án-ne hiah-nī siong-sim, m̄-koh gún tńg-bē-khì ah, hoâiⁿ-ti̍t lí liân góa ê Soeh-chì lóng thè-khì ah! Góa m̄-chai-iáⁿ lí kám-ē khòaⁿ-tio̍h chit-phiⁿ, ná-ū khòaⁿ-tio̍h, góa siūⁿ-beh chai-iáⁿ sī-án-chóaⁿ ài phiàn góa, lí kám-kak góa siuⁿ hoân ah, góa mā bē chhá lí, pún-té í-ûi lí ē kā góa tī kau-thong gī-tê chò-hóe phah-piàⁿ, soah-soah-khì ah! Chit-má án-ne liân pêng-iú lóng chò-bē-sêng ah…

我kiaⁿ予Soeh-chì刣，
這篇予看有ê人看有着好w

繼頂禮拜我Tô͘-bûn口座pho͘文ī-siông了後，
chăng連我chit-ê口座攏koài-koài矣，
pho͘文ê pō͘-hūn猶chèng-siông chèng-siông，
毋過thui-chiàn遐hôe-hôe着khê牢矣！
我mā毋知是siáⁿ-mih chōng-hóng，
閣有一个代誌，
我cha-mê創一个口座想欲重pho͘ Tô͘-bûn，
毋過唉⋯⋯，
竟然mā Û-FÀ SIÀN-SHṲ́，
彼是新ê口座neh🥹

Sûi-pit Kì-lo̍k:

Pa̍t-lâng kā Ang-á kap A̍p-á pò͘-tì tī in tiàm-lāi, bô siūⁿ-beh hō͘-lâng lòng-tio̍h, thún-tio̍h, siá PIÊ MÚ SIÀU (MÀI BA̍K-SIÂU) kám-ū siáⁿ būn-tê? Gún-pâ kóng khòaⁿ-kah bē-sóng lah! Ah ōaⁿ pa̍t-keng i koh boaih, chiâⁿ mâu-tún…

Ē-hiáu kóng Tâi-gí kap phah Tâi-bûn, phah-sńg su-sióng iáu-sī hŏng Hôa-kok khan-khì kìm-ah ah! Ah, sit-lé lah! Góa kóng m̄-tio̍h ah, lí kóng ê sī Bân-lâm-gí chiah tio̍h, Bân-lâm Soa-bûn kóng ê tio̍h-sī lí chit-khoán lâng

Kheh-cho̍k chheng ka-tī “Hak-kâ” chheng Tâi-cho̍k “Ho̍k-ló”, Tâi-cho̍k chheng ka-tī “Tâi-oân” chheng Kheh-cho̍k “Kheh-ka”, che pún-té lóng bô-būn-tê, sī-án-chóaⁿ ài ngē-koàn “Bân-lâm” chi miâ hō͘ gún?

食上飽𠢕早TSIA̍H-SIŌNG-PÁ GÂU-TSÁ😎

Tú-chiah gún-pâ khà lâi kóng mài pho͘ chit-khoán Phe-phòaⁿ ê bûn lah! Ài khah CHÉNG-NÊNG-LIÁNG leh! Hó lah! Thâu-thiap ū Tiuⁿ Siān-chèng bô-ì-gōa

Góa bô mē-lâng sī-án-nóa ài tiām-tiām, góa chai-iáⁿ in hi-bāng mài khí-sū, m̄-koh ū siáⁿ tāi-chì bô thê-chhut-lâi ài án-nóa hō͘ pa̍t-lâng chai, koh chiah kóng chit-má m̄-sī ui-khoân sî-tāi ah…

Chit-má boaih kóng sī beh tán tó-sî? Iah-koh-ū ū chi̍t-kóa-á ōe chit-má bô kóng bī-lâi tio̍h bô-ki-hōe kóng ah! Tōa Pā-bián Ka-iû! Siú-hō͘ lán-ê Giân-lūn Chū-iû!

ps. Siá POJ i khòaⁿ-bô eng-kai bŏa-kín lah XD

Góa si̍t-chāi chin bô-kah-ì he miâ siá Hán-yù Phin-in ê Kheh-lâng (chai-ê tio̍h chai, m̄-chai mā bŏa-kín che m̄-sī tiōng-tiám), i gâu ka-tī lâi chò, bô the̍h mi̍h-kiāⁿ chhut-lâi thó-lūn soah kí-kí-tu̍h-tu̍h chiâⁿ hō͘ lâng bē-sóng. Hoān-sè góa pún-té tio̍h tùi i ū ì-kiàn lah! Góa mā m̄-sī choân Tâi-gí ah! Thâu-kái pho͘ ê sî-chūn lâu-ōe-khu hō͘ góa ê kám-kak khah-hó XD

拄才阮阿公講啥物ké-thí我聽無，結果阮爸翻譯講是ké-chí啦！這馬伊講話落風落風我攏聽無XD

驚甲糜糜卯卯，拄才咧拉鐵門兮時，鳥仔兮巢雄雄落落來，伊驚着我嘛驚甲欲sí，莫佇遮爾危險兮所在起厝啦

Sī-án-chóaⁿ gún-pâ koh-kóng ē chhut “Tiong-kok hoat-tián chin-hó” chit-khoán ōe, koh ka-kī-o TIONG-LI̍P ==

今仔日（嚴格來講是昨昏）下晡報告兮時陣，有人提問兮問題有夠躼躼長，連教授攏無法度阻止，我直接佮同學講後改來準備台語講稿好矣，我臆伊應該聽無（ㄨ

Gún lí-kang-kho ê chin-chiàⁿ chiok chē bē koan-sim kok-ka siā-hōe ê, tû-liáu chìn-chêng thê-tio̍h ê kok-tiong tông-ha̍k, koh ū kóng siáⁿ-mih Lōa chóng-thóng chīⁿ Bí ê, pêng-siông-sî bô teh koan-sim chèng-tī khiok kóng siáⁿ pā-bián liáu-āu tio̍h bô-hoat-tō͘ khòaⁿ-tio̍h Gû tī Li̍p-hoat-īⁿ koat-tàu ê tāi-ha̍k tông-ha̍k…

Tâi-bûn murmur:
Kin-á-ji̍t tī Tiuⁿ Siān-chèng bīn-chheh ê lâu-ōe-khu khòaⁿ-tio̍h chi̍t-ê lâng kóng "Tōa-pā-bián, Tōa-sêng-kong", i ê miâ góa kán-ná khòaⁿ-kòe, kiat-kó góa chhi̍h ji̍p-khì hoat-hiān i sī chìn-chêng tī Thui-thò tui-sûi ê chi̍t-ê chiok iân-tâu ê Bāng-chhèng (tó-chit-khoán ka-tī ioh), tùi i ê hó-kám koh-khah koân ah XDD