注音精靈文

哇無人解出來！淡薄仔無彩呢XD

以下是台漢、白話字佮台注兮解答：

足趣味呢！毋過這精靈文這馬猶無支援「方音符號」，干焦會當按呢寫台文爾⋯⋯

Chiok chhù-bī neh! M̄-kò che Cheng-lêng-bûn chit-má iá bô chi-oān HONG-IM HÛ-HŌ, kan-na ē-tàng án-ne siá Tâi-bûn niā…

ㄐㄧㆦㆻㄘㄨ˪ㆠㄧ˫ㄋㆤㆷ！ㆬ˫ㄍㄜ˪ㄗㆤㄐㄧㄥㄌㄧㄥˊㆠㄨㄣˊㄐㄧㆵㄇㄚˋㄧㄚˋㆠㄜˊㄐㄧㄨㄢ˫「ㄏㆲㄧㆬㄏㄨˊㄏㄜ˫」，ㄍㄢㄋㄚㆤ˫ㄉㄤ˪ㄢˋㄋㆤㄒㄧㄚˋㄉㄞˊㆠㄨㄣˊㄋㄧㄚ˫⋯⋯

咱逐家現現攏是台派，干焦因為伊用了華文着愛按呢鷸蚌相爭，是按怎來抵抗外口兮邪惡佮威脅咧🥺

讓我想着一个故事，進前國中兮時，有一个人講足過頭兮話：「臺灣獨立，別笑死人了，那你們去學番語，講什麼漢語！」，原話是啥款我已經淡薄仔袂記得矣，毋過伊予我兮意思佮感覺着是按呢，佇伊兮心內面，毋管是華語、台語，甚至是客語，攏是中国神聖不可分割兮一部份，敢講恁嘛是按呢？無論伊心內偌愛臺灣，對華語乃至中華民國有一屑仔認同，着愛按呢數佻，按呢敢好？干焦予敵人乘虛而入爾⋯⋯

看到遮我真感謝，台語是我兮母語，毋過佇我高中重拾這塊寶玉前，我攏毋知影伊兮價值，嘛是佮真濟華國人仝款感覺會曉聽着好矣，毋過接觸伊了後着無仝矣！雖然講語言是話語兮載體，毋過話語嘛是因為伊才會當發揚光大，我會使體會恁兮憂愁佮煩惱，毋過我想講按呢詈人，干焦共本底支持咱兮人捒甲愈來愈遠😞

失禮啦！我猶是足想欲用精靈文來寫台文，這馬可能愛按呢表示矣！雖然講凡勢無機會矣，毋過阮若欲耍會家己揣着出路～

ps. ㄚㄋ到底啥物怪拼法🤣

攏講甲無喙瀾矣，袂癮聽兮講偌濟嘛袂癮聽，叫袂醒兮較偌大聲嘛叫袂醒，有影有淡薄仔忝矣！親像我知影恁慣勢用在來字佮白話字，我嘛袂講我看無叫恁莫用，上加看袂落會放捒🤣

毋過親像我平常拍字，常用詞我攏加入我手機仔兮替代文字矣，按呢我着免換齒佈着會當拍台文，我慣勢用注音啊！毋過我拍兮是台文，所以我才會講重點毋是用啥款兮文字，當然我認為發表攻擊台羅佮注音兮言論攏袂使，無愛用着莫用，莫叫人嘛莫用着，何況是我覺得使用這兩者並無衝突，這馬看來兩爿兮使用者攏有愈來愈極端兮趨勢⋯⋯

閣講轉來，咱相伨攏袂赴矣！哪有氣力佮時間互相冤家？眞正兮敵人徛佇對岸，毋是咱家己人，向望逐家攏會通瞭解～